Page Text
________________
(५) भगवई सतं २५ उ.७ [३३९]
फफफफफफफफ
गोयमा ! सण्णोवउत्ते जहा बउसो (उ० ६ सु० १७४) । १३५. एवं जाव परिहारविसुद्धिए । १३६. सुहुमसंपराए अहक्खाए य जहा पुलाए (उ० ६ सु० १७३) । दारं २५ । [सु. १३७-३९. छव्वीसइमं आहारदारं-पंचविहसंजएस आहारगत्त-अणाहारगत्तपरूवणं ] १३७. सामाइयसंजए णं भंते! किं आहारए होज्जा, अणाहारए होज्जा ? जहा पुलाए (उ० ६ सु० १७८) । १३८. एवं जाव सुहुमसंपराए । १३९. अहक्खाए जहा सिणाए (उ० ६ सु० १८०) । दारं २६ । [ सु. १४०-४३. सत्तावीसइमं भवदारं-पंचविहसंजएसु भवग्गहणपरूवणं ]१४०. सामाइयसंजए णं भंते! कति भवग्गहणाई होज्जा ? गोयमा ! जहन्त्रेणं एक्वं, उक्कोसेणं अट्ठ । १४१. एवं छेदोवट्ठावणिए वि । १४२. परिहारविसुद्धिए० पुच्छा। गोयमा ! जहन्नेणं एक्वं, उक्कोसेणं तिन्नि । १४३. एवं जाव अहक्खाते । दारं २७ । [सु. १४४-५३. अट्ठावीसइमं आगरिसदारं-पंचविहसंजएस एगभवग्गहणिय-नाणाभवग्गहणिय आगरिसपरूवणं] १४४. सामाइयसंजयस्स णं भंते! एगभवग्गहणिया केवतिया आगरिसा पन्नत्ता ? गोयमा ! जहन्त्रेणं० जहा बउसस्स ( उ०६ सु० १८८ ) । १४५. छेदोवट्ठावणियस्स० पुच्छा। गोयमा ! जहन्नेणं एक्को, उक्कोसेणं वीसपुहत्तं । १४६. परिहारविसुद्धियस्स० पुच्छा । गोयमा ! जहनेणं एक्को, उक्कोसेणं तिन्नि । १४७. सुहुमसंपरायस्स० पुच्छा। गोयमा ! जहन्नेणं एक्को, उक्कोसेणं चत्तारि । १४८. अहक्खायस्स० पुच्छा । गोयमा ! जहन्त्रेणं एक्को, उक्कोसेणं दोन्नि । १४९. सामाइयसंजयस्स णं भंते ! नाणाभवग्गहणिया केवतिया आगरिसा पन्नत्ता ? गोयमा ! जहा बउसे (उ० ६ सु० १९३) । १५०. छेदोवट्ठावणियस्स० पुच्छा। गोयमा ! जहन्नेणं दोन्नि, उक्कोसेणं उवरिं नवण्हं सयाणं अंतोसहस्सस्स । १५१. परिहारविसुद्धियस्स जहन्नेणं दोन्नि, उक्कोसेणं सत्त । १५२. सुहुमसंपरागस्स जहन्नेणं दोन्नि, उक्कोसेणं नव । १५३. अहक्खायस्स जहन्नेणं दोन्नि, उक्कोसेणं पंच । दारं २८ । [सु. १५४-६३. एगूणतीसइमं कालदारं-पंचविहसंजएसु एगत्त-पुहत्तेणं ठिइकालपरूवणं ] १५४. सामाइयसंजए णं भंते! कालतो केवचिरं होति ? गोयमा ! जहन्नेणं एक्कं समयं, उक्कोसेणं देसूणएहिं नवहिं वासेहिं ऊणिया पुव्वकोडी । १५५. एवं छेदोवट्ठावणिए वि । १५६. परिहारविसुद्धिए जहन्त्रेणं एक्वं समयं, उक्कोसेणं देसूणएहिं एक्कूणतीसाए वासेहिं ऊणिया पुव्वकोडी । १५७. सुहुमसंपराए जहा नियंठे (उ० ६ सु० २००) । १५८. अहक्खाए जहा सामाइयसंजए। १५९. सामाइयसंजया णं भंते ! कालतो केवचिरं होति ? गोयमा ! सव्वद्धं । १६०. छेदोवट्ठावणिएसु पुच्छा। गोयमा ! जहन्नेणं अड्डाइज्जाई वाससयाई, उक्कोसेणं पन्नासं सागरोवमकोडिसयसहस्साइं । १६१. परिहारविसुद्धिए पुच्छा । गोयमा ! जहनेणं देसूणाई दो वाससयाई, उक्कोसेणं देसूणाओ दो पुव्वकोडीओ । १६२. सुहुमसंपरागसंजया० पुच्छा। गोयमा ! जहन्नेणं एक्वं समयं, उक्कोसेणं अंतोमुहुत्तं । १६३. अहक्खायसंजया जहा सामाइयसंजया । दारं २९ । [ सु. १६४-७०. तीसइमं अंतदारं-पंचविहसंजएसु एगत्त-पुहत्तेणं कालंतरपरूवणं ] १६४. सामाइयसंजयस्स णं भंते! केवतियं कालं अंतरं होइ ? गोयमा ! जहन्नेणं० जहा पुलागस्स (उ० ६ सु० २०७) । १६५. एवं जाव अहक्खायसंजयस्स । १६६. सामाइयसंजयाणं भंते !० पुच्छा । गोयमा ! नत्थंतरं । १६७. छेदोवट्ठावणियाणं पुच्छा। गोयमा ! जहन्नेणं तेवट्ठि वाससहस्साइं, उक्कोसेणं अट्ठारस सागरोवमकोडाकोडीओ । १६८. परिहारविसुद्धियाणं पुच्छा । गोयमा ! जहन्त्रेणं चउरासीतिं वाससहस्साईं, उक्कोसेणं अट्ठारस सागरोवमकोडाकोडीओ । १६९. सुहुमसंपरागाणं जहा नियंठाणं (उ० ६ सु० २१३) । १७०. अहक्खायाणं जहा सामाइयसंजयाणं । दारं ३० । [सु. १७१-७५. इगतीसइमं समुग्धायदारं-पंचविहसंजएसु समुग्धायपरूवणं ] १७१. सामाइयसंजयस्स णं भंते! कति समुग्धाया पन्नत्ता ? गोयमा ! छ समुग्धाया पत्ता, हा सायकुसीलस्स (उ०६ सु० २१८) । १७२. एवं छेदोवट्ठावणियस्स वि । १७३. परिहारविसुद्वियस्स जहा पुलागस्स (उ०६ सु० २१५) । १७४. सुहुमसंपरायस्स जहा नियंठस्स ( उ० ६ सु० २१९) । १७५. अहक्खातस्स जहा सिणायस्स (उ०६ सु. २२० ) । दारं ३१ । [ सु. १७६-७८. बत्तीसइमं खेत्तदारंपंचविहसंजएसु ओगाहणाखेत्तपरूवणं] १७६. सामाइयसंजए णं भंते! लोगस्स किं संखेज्जतिभागे होज्जा, असंखेज्जइभागे० पुच्छा। गोयमा ! नो संखेज्जति० जहा पुलाए (उ० ६ सु० २२१) । १७७. एवं जाव सुहुमसंपराए । १७८. अहक्खायसंजते जहा सिणाए (उ० ६ सु० २२३) । दारं ३२ । [ सु. १७९. तेत्तीसइमं फुसणादारं- पंचविहसंजएसु खेत्तफुसणापरूवणं ]१७९. सामाइयसंजए णं भंते! लोगस्स किं संखेज्जतिभागं फुसति ? जहेव होज्जा तहेव फुसति वि । दारं ३३ ।
श्री आगमगुणमंजूषा - ५५४
666666666666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |