Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 35

另乐乐乐听听听听听听听听听听听听听听听听听听听听听听听乐听听听听听听听听历历明明听听听听听听听听F5
KOR9555555555555555
(५) भगवई १ सतं उद्देसक - ८ [१६]
hhh五五五五五五五五五五55 520 पण्णवज्झाणि य से कम्माइं बद्धाइं पुट्ठाई निहत्ताई कडाइं पुट्ठविताइं अभिनिविट्ठाई अभिसमन्नागयाइं उदिण्णाई, नो उवसंताई भवंति; तओ भवइ दुरूवे दुव्वण्णे दुग्गंधे दूरसे दुप्फास; अणिढे अकंते अप्पिए असुभे अमणुण्णे अमणामे हीणस्सरे दीणस्सरे अणिट्ठस्सरे अकंतस्सरे अप्पियस्सरे असुभस्सरे अमणुण्णस्सरे अमणामस्सरे अणादेज्जवयणे पच्चायाए याऽवि भवति । वण्णवज्झाणि य से कम्माइं नो बद्धाइं० पसत्थं नेतव्वं जाव आदेज्जवयणे पच्चायाए याऽवि भवति । सेवं भंते ! सेवं भंते ! त्ति| | सत्तमो उद्देसोसमत्तो॥★★★ अट्ठमो उद्देसो 'बाले' *** [सु. १-३. एगंतबाल-पंडित -बालपंडितमणुस्साणं आउयबंधपरूवणाइ] १. एगंतबाले णं भंते ! मणुस्से किं नेरइयाउयं पकरेति ? तिरिक्खाउयं पकरेति ? मणुस्साउयं पकरेति ? देवाउयं पकरेति ? नेरइयाउयं किच्चा नेरइएसु उववज्जति ? तिरियाउयं किच्चा तिरिएसु उववज्जइ ? मणुस्साउयं किच्चा मणुस्सेसु उववज्जइ ? देवाउयं किच्चा देवलोगेसु उववज्जति ? गोयमा ! एगंतबाले णं मणुस्से नेरइयाउयं पि पकरेइ, तिरियाउयं पि पकरेइ, मणुयाउयं पि पकरेइ, देवाउयं पि पकरेइ, णेरइयाउयं पि किच्चा नेरइएसु उववज्जति, तिरियाउयं पि किच्चा तिरिएसु उववज्जति, मणुस्साउयं पि किच्चा मणुस्सेसु उववज्जति, देवाउयं पि किच्चा देवेसु उववज्जति । २. एगंतपंडिए णं भंते ! मणुस्से किं नेरइयाउयं पकरेइ ? जाव देवाउयं किच्चा देवलोएसु उववज्जति ? गोयमा ! एगंतपंडिए णं मणुस्से आउयं सिय पकरेति, सिय नो पकरेति। जइ पकरेइनो नेरझ्याउयं पकरेइ, नो तिरियाउयं पकरेइ, नो मणुस्साउयं मकरेइ, देवाउयं पकरेइ । नो नेरइयाउयं किच्चा नेरइएसु उववज्जइ, णो तिरि०, णो मणुस्सा०, देवाउयं किच्चा देवेसु उववज्जति । से केणट्ठणं जाव देवाउय किच्चा देवेसु उववज्जति ? गोयमा ! एगंतपंडितस्स णं मणुस्सस्स केवलमेव दो गतीओ पन्नायंति, तं जहा-अंतकिरिया चेव, कप्पोववत्तिया चेव । से तेणटेणं गोयमा ! जाव देवाउयं किच्चा देवेसु उववज्जति । ३. बालपंडिते णं भंते ! मणुस्से कि नेरइताउदै पकरेति जाव देवाउयं किच्चा देवेसु उववज्जति ? गोयमा ! नो नेरइयाउयं पकरेति जाव देवाउयं किच्चा देवेसु उववज्जति । से केणद्वेणं जाव देवाउयं किच्चा देवेसु उववज्जति ? गोयमा ! बालपंडिए णं मणुस्से तहारूवस्स समणस्स वा माहणस्स वा अंतिए एगमवि आरियं धम्मियं सुवयणं सोच्चा निसम्म देसं उवरमति, देसं नो उवरमइ, देसं पच्चक्खाति, देसं णो पच्चक्खाति; से णं तेणं देसोवरम-देसपच्चक्खाणेणं नो नेरइयाउयं पकरेति जाव देवाउयं किच्चा देवेसु उववज्जति । से तेणटेणं जाव देवेसु उववज्जइ। [सु. ४-८. मियकूडपासकारग-तिणदाहगाइपुरिसाणं काइयाइकिरियापरूवणं] ४ पुरिसे णं भंते ! कच्छंसि वा १ दहंसि वा २ उदगंसि वा ३ दवियंसि वा ४ वलयंसि वा ५ नूमंसिवा ६ गहणंसि वा ७ गहणविदुग्गंसि वा ८ पव्वतंसिवा ९ पव्वतविदुग्गंसि वा १० वर्णसि वा ११ वणविदुग्गंसि वा १२ मियवित्तीए मियसंकप्पे मियपणिहाणे मियवहाए गंता 'एते मिए' त्ति काउं अन्नयरस्स मियस्स वहाए कूड-पासं उदाइ, ततोणं भंते ! से पुरिसे कतिकिरिए ? गोयमा ! जावं चणं से पुरिसे कच्छंसि वा १२ जाव कूड-पास उद्दाइ तावं च णं से पुरिसे सिय तिकिरिए, सिय चउकिरिए, सिय पंचकिरिए। से केणद्वेणं भंते ! एवं वुच्चति 'सिय तिकिरिए, सिय चउकिरिए, सिय पंचकिरिए' ? गोयमा ! जे भविए उद्दवणयाए, णो बंधणयाए, णो मारणयाए, तावं च णं से पुरिसे काइयाए अहिगरणियाए पादोसियाए तीहि किरियाहिं पुढे । जे भविए उद्दवणयाए वि बंधणयाए वि, णो मारणयाए तावं च णं से पुरिसे काइयाए अहिगरणियाए पाओसियाए पारियावणियाए चउहि किरियाहिं पुढे । जे भविए उद्दवणयाए वि बंधणयाए वि मारणयाए वि तावं च णं से पुरिसे काइयाए जाव पाणातिवातकिरियाए पंचहिं किरियाहिं पुढे । से तेणद्वेणं जाव पंचकिरिए। ५. पुरिसे णं भंते ! कच्छंसि वा जाव वणविदुग्गंसि वा तणाई ऊसविय ऊसविय अगणिकायं निसिरइ तावं च णं भंते ! से पुरिसे कतिकिरिए ? गोयमा ! सिय तिकिरिए सिय चउकिरिए सिय पंचकिरिए। से केणद्वेणं ? गोयमा ! जे भविए उस्सवणयाए तिहिं; उस्सवणयाए वि निसिरणयाए वि, नो दहणयाए चउहिं; जे भविए उस्सवणयाए वि निसिरणयाए वि दहणयाए वि तावं च णं से पुरिसे काइयाए जाव पंचहि किरियाहिं पुढे । से तेणद्वेणं गोयमा ! ०। ६. पुरिसे णं भंते ! कच्छंसि वा जाव वणविदुग्गंसि वा मियवित्तीए मियसंकप्पे मियपणिहाणे मियवहाए गंता 'एए मिये' त्ति काउं अन्नयरस्स मियस्स वहाए उसुं निसिरइ, ततो णं भंते ! से पुरिसे
9$$$$$乐乐听听听听听听听听听听听听听明明明明明明明听听听听听听听听听听听听听听听听听听听听听心
Education Intemational 2010_03
0
555555555%%%%%%%%%到萬
$$
$$$$$$$$555555555