Page Text
________________
(५) भगवई २५ स. उ३ [३१४]
याणि भांति जस्स जं अत्थि । ★★★ ।। २५ सते बितिओ ।। २५.२ ।। ततीओ उद्देसओ 'संठाण' ★★★ [सु. १. संठाणभेयछक्कं ] १. कति णं भंते ! संठाणापन्नत्ता ? गोयमा ! छ संठाणा पन्नत्ता, तं जहा - परिमंडले वट्ठे तसे चउरंसे आयते अणित्थंथे । [सु. २-५. छण्हं संठाणाणं दव्वट्टयाए पएसइयाए य अनंतत्तं] २. परिमंडला णं भंते! संठाणा दव्वट्टयाए किं संखेज्जा, असंखेज्जा, अणंता ? गोयमा ! नो संखेज्जा, नो असंखेज्जा, अणंता । ३. बट्ठा णं भंते! संठाणा०? एवं चेव । ४. एवं जाव अणित्थंथा । ५. एवं पदेसट्ठताए वि । [ सु. ६. छण्हं संठाणाणं दव्वट्टयाईहिं अप्पाबहुयं ] ६. एएसि णं भंते ! परिमंडल - वट्ट- तंस - चतुरंस- आयतअणित्थंथाणं संठाणाणं दव्वट्टयाए पएसताए दव्वट्ट- पदेसट्टयाए कयरे कयरेहिंतो जाव विसेसाहिया वा ? गोयमा ! सव्वत्थोवा परिमंडला संठाणा दव्वट्टयाए, वट्टा संठाणा दव्वट्टयाए संखेज्जगुणा, चउरंसा संठाणा दव्वट्टयाए संखेज्जगुणा, तंसा संठाणा दव्वट्टयाए संखेज्जगुणा, आयता संठाणा दव्वट्टयाए संखेज्जगुणा, अणित्थंथा संठाणा दव्वट्टयाए असंखेज्जगुणा । पएसट्ठताए- सव्वत्थोवा परिमंडला संठाणा पएसट्टयाए, वट्ठा संठाणा पएसट्टयाए संखेज्जगुणा, जहा दव्वट्टयाए तहा पएसइताए . वि जाव अणित्थंथा संठाणा पएसट्टयाए असंखेज्जगुणा । दव्वट्ठपएसट्टयाए- सव्वत्थोवा परिमंडला संठाणा दव्वट्टयाए, सो चैव दव्वट्टतागमओ भाणियव्वो जाव अणत्या संठाणा दव्वट्टयाए असंखेज्जगुणा । अणित्यंथेहिंतो संठाणेहिंतो दव्वट्टवाए, परिमंडला संठाणा पएसट्टयाए असंखेज्जगुणा; वट्ठा संठाणा पएसइयाए असंखेज्जगुणा, सो चेव पएसट्टयाए गमओ भाणियव्वो जाव अणित्थंथा संठाणा पएसट्टयाए असंखेज्जगुणा । [ सु. ७-१० संठाणाणं भेयपणगं अनंतत्तं च ]७. कति णं भंते! संठाणापन्नत्ता ? गोयमा ! पंच संठाणा पन्नत्ता, तंजहा- परिमंडले जाव आयते । ८. परिमंडला णं भंते! संठाणा किं संखेज्जा, असंखेज्जा, अनंता ? गोयमा ! नो संखेज्जा, नो असंखेज्जा, अनंता । ९. वट्ठा णं भंते! संठाणा किं संखेज्जा०? एवं चेव । १०. एवं जाव आयता । [सु. ११-२१. सत्तसु नरयपुढवीसु सोहम्माइकप्पेसु गेवेज्ज - अणुत्तरविमाणेसु ईसिपब्भाराए य पुढवीए पंचण्हं संठाणाणं अनंतत्तं ] ११. इमीसे णं भंते! रयणप्पभाएं पुढवीए परिमंडला संठाणा किं संखेज्जा, असंखेज्जा, अणंता ? गोयमा ! नो संखेज्जा, नो असंखेज्ना, अणंता । १२. वट्ठा णं भंते ! संठाणा किं संखेज्जा० ? एवं चेव । १३. एवं जाव आयता । १४. सक्करप्पभाए णं भंते ! पुढवीए परिमंडला संठाणा०? एवं चेव । १५. एवं जाव आयता । १६. एवं जाव अहेसत्तमाए । १७. सोहम्मे णं भंते! कप्पे परिमंडला संठाणा०? एवं चेव । १८. एवं जाव अच्चुते। १९. गेविज्जविमाणाणं भंते! परिमंडला संठाणा ०? एवं चेव । २०. एवं अणुत्तरविमाणेसु । २१. एवं ईसिपब्भाराए वि । [सु. २२-२७. पंचसु परिमंडलाई जवमज्झेसु संठाणेसु परोप्परं अनंतत्तपरूवणं ]२२. जत्थ णं भंते ! एगे परिमंडले संठाणे जवमज्झे तत्थ परिमंडला संठाणा किं संखेज्जा, असंखेज्जा, अनंता ? गोयमा ! नो संखेज्जा, नो असंखेज्जा, अनंता । २३. वंट्ठा णं भंते ! संठाणा किं संखेज्जा, असंखेज्जा ०? एवं चेव । २४. एवं जाव आयता । २५. जत्थ णं भंते! एगे वट्ठे संठाणे जवमज्झे तत्थ परिमंडला संठाणा ०? एवं चेव; वट्ठा संठाणा०? एवं चेव । २६. एवं जाव आयता । २७. एवं एक्क्केणं संठाणेणं पंच वि चारेयव्वा । [ सु. २८-३६. सत्तनरयपुढवि-सोहम्माइकप्प- गेवेज्ज- अणुत्तरविमाण इसीपब्भारपुढविगएसु पंचसु जवमज्झेसु संठाणेसु परोप्परं अनंतत्तपरूवणं ] २८. जत्थ णं भंते ! इमीसे रयणप्पभाए पुढवीए एगे परिमंडले संठाणे जवमज्झे तत्थ परिमंडला संठाणा किं संखेज्जा ० पुच्छा। गोयमा ! नो संखेज्जा, नो असंखेज्जा, अनंता । २९. वट्ठा णं भंते ! संठाणा किं संखेज्जा ०? एवं चेव । ३०. एवं जाव आयता । ३१. जत्थ णं भंते! इमीसे रयणप्पभाए पुढवीए एगे वट्ठे संठाणे जवमज्झे तत्थ णं परिमंडला संठाणा किं संखेज्ना० पुच्छा । गोयमा ! नो संखेज्जा, नो असंखेज्जजा, अनंता । ३२. वट्ठा संठाणा एवं चेव । ३३. एवं जाव आयता । ३४. एवं पुरवि एक्क्केणं संठाणेणं पंच वि चारेतव्वा जहेव हेट्ठिल्ला जाव आयतेणं । ३५. एवं जाव अहेसत्तमाए । ३६. एवं कप्पेसु वि जाव ईसीपब्भाराए पुढवीए । [ सु. ३७-४१. पंचसु संठाणेसु पएसओ ओगाहओ य निरूवणं ] ३७. वट्टे णं भंते! संठाणे कतिपएसिए, कतिपएसोगाढे पन्नत्ते? गोयमा ! वट्टे संठाणे दुविहे पन्नते तं जहा- घणवट्टे य, पयरवट्टे य । तत्थ णं जे से पयरवठ्ठे से दुविधे पन्नत्ते, तं जहा- ओयपएसिए य, जुम्मपएसिए य । तत्थ णं जे से ओयपएसिए से जहन्नेणं पंचपएसिए, पंचपएसोगाढे;
HORO
5. श्री आगमगुणमंजूषा १२९
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |