Page Text
________________
(५) भगवई २५ स. उ.२
[३१३]
55555555555555500
र भंते ! सेवं भंते ! त्तिक । ॥२५ सते पढमो उद्देसो।२५.१।। बीओ उद्देसओ 'दव्व' ***[सु. १. दव्वाणं भेयदुगं] १. कतिविधा णं भंते ! दव्वा
पन्नत्ता ? गोयमा ! दुविहा दव्वा पन्नत्ता, तं जहा-जीवदव्वा य अजीवदव्वा या [सु. २. अजीवदव्वाणं भेयदुर्ग, विसेसावगमत्थं पण्णवणासुत्तावलोयणनिद्देसो य] २. अजीवदव्वा णं भंते ! कतिविहा पन्नत्ता ? गोयमा ! दुविहा पन्नत्ता, तं जहा-रूविअजीवदव्वा य, अररूविअजीवदव्वा य । एवं एएणं अभिलावेणं जहा अजीवपज्जवा जाव से तेणटेणं गोयमा ! एवं वुच्चति-ते णं नो संखेज्जा, नो असंखेज्जा, अणंता। [सु. ३. जीवदव्वाणं अणंतत्तं ] ३. (१) जीवदव्वा णं भंते ! किं संखेज्जा, असंखेज्जा, अणंता ? गोयमा ! नो संखेज्जा, नो असंखेज्जा, अणंता। (२) से केणद्वेणं भंते ! एवं वुच्चइ-जीवदव्वा णं नो संखेज्जा, नो असंखेज्जा, अणंता? गोयमा ! असंखेज्जा नेरइया जाव असंखेज्जा वाउकाइया, अणंता वणस्सतिकाइया, असंखिज्जा बेदिया, एवं जाव वेमाणिया, अणंता सिद्धा, से तेणटेणं जाव अणंता। [सु. ४. ६.जीव-चउवीसइदंडएसुअजीवदव्वपरिभोगपरूवणं ] 8. (१) जीवदव्वाणं भंते ! अजीवदव्वा परिभोगत्ताए हव्वमागच्छंति, अजीवदव्वाणं जीवदव्वा परिभोगत्ताए हव्वमागच्छंति? गोयमा ! जीवदव्वाणं अजीवदव्वा परिभोगत्ताए हव्वमागच्छंति, नो अजीवदव्वाणं जीवदव्वा परिभोगत्ताए हव्वमागच्छंति। (२) से केणतुणं भंते ! एवं वुच्चति-जाव हव्वमागच्छंति? गोयमा ! जीवदव्वा णं अजीवदव्वे परियादियंति, अजीवदव्वे परियादिइत्ता ओरालियं वेउव्वियं आहारगं तेयगं कम्मगं सोतिदिय जाव फासिदिय मणजोग वइजोग कायजोग आणापाणुत्तं च निव्वत्तयंति, से तेणद्वेणं जाव हव्वमागच्छंति। ५. (१) नेरतियाणं भंते ! अजीवदव्वा परिभोगत्ताए हव्वमागच्छंति, अजीवदव्वाणं नेरतिया परिभोगत्ताए हव्वमागच्छंति ? गोयमा ! नेरतियाणं अजीवदव्वा जाव हव्वमागच्छंति, नो अजीवदव्वाणं नेरतिया जाव हव्वमागच्छंति। (२) से केणटेणं०१ गोयमा ! नेरतिया अजीवदव्वे परियादियंति, अजीवदव्वे परियादिइत्ता वेउव्विय-तेयग-कम्मग-सोतिदिय जाव फासिदिय जाव आणापाणुत्तं च निव्वत्तयंति। से तेणतुणं गोतमा ! एवं वुच्चइ०। ६. एवं जाव वेमाणिया, नवरं सरीर-इंदिय-जोगा भाणियव्वा जस्स जे अत्थि । [सु. ७. असंखेज्जे लोए अणंतदव्वपरूवणं ] ७. से नूण भंते ! असंखेज्जे लोए अणंताई दव्वाइं आगासे भझ्यव्वाइं? हंता, गोयमा ! असंखेज्जे लोए जाव भइयव्वाई। [सु. ८-१०. दिसिं पडुच्च लोगेगपदेसम्मि पोग्गलाणं चयण-छेयण-उवचयण-अवचयणपरूवणं ] ८. लोगस्स णं भंते ! एगम्मि आगासपएसे कतिदिसिं पोग्गला चिज्जति ? गोयमा ! निव्वाघातेणं छद्दिसि; वाघातं पडुच्च सिय तिदिसिं, सिय चउदिसिं सिय पंचदिसिं । ९. लोगस्स णं भंते ! एगम्मि आगासपएसे कतिदिसिंह पोग्गला छिज्जति ? एवं चेव । १०. एवं उववचिज्जति, एवं अवचिज्जति। [सु. ११-२५. सरीरपंचगत्त-इंदियपंचगत्त-जोगतियत्त-आणापाणत्तेण गहिएसु दव्वेसु ठिय-अठियाइपरूवणा] ११. जीवेणं भंते ! जाइं दव्वाइं ओरालियसरीरत्ताएगेण्हइ ताई किं ठियाइं गेण्हइ, अठियाइं गेण्हति ? गोयमा ! ठियाइं पिगेण्हइ, अठियाई पि गेण्हइ । १२. ताई भंते! किं दव्वओ गेण्हइ, खेत्तओ गेण्हइ, कालओ गेण्हइ, भावतो गेण्हइ ? गोयमा ! दव्वओ वि गेण्हति, खेत्तओ वि गेण्हइ, कालओ वि गेण्हइ, भावतो वि गेण्हइ। ताई दव्वतो अणंतपएसियाई दव्वाइं, खेत्ततो असंखेजपएसोगाढाई, एवं जहा पण्णवणाए पढमे आहारुद्देसए जाव निव्वाघाएणं छद्दिसिं, वाघायं पडुच्च सिय तिदिसिं, सिय चउदिसिं, सिय पंचदिसिं। १३. जीवे णं भंते ! जाई दव्वाइं वेउव्वियसरीरत्ताए गेण्हइ ताई किं ठियाई गेण्हति, अठियाइं गेण्हति ? एवं चेव, नवरं नियम छद्दिसिं। १४. एवं आहारगसरीरत्ताए वि । १५. जीवे णं भंते ! जाई दव्वाइं तेयगसरीरत्ताए गिण्हति० पुच्छा । गोयमा ! ठियाइं गेण्हइ, नो अठियाई गेण्हइ । सेसं जहा ओरालियसरीरस्स। १६. कम्मगसरीरे एवं चेव जाव भावओ वि गिण्हति । १७. जाइं दव्वतो गेण्हति ताई किं एगपएसियाइं गेण्हति, दुपएसियाइं गेण्हइ०? एवं जहा भासापदे जाव आणुपुव्विं गेण्हइ, नो अणाणुपुव्विं गेण्हति । १८. ताई भंते ! कतिदिसि गेण्हति ? गोयमा ! निव्वाघातेणं० जहा
ओरालियस्स। १९. जीवे णं भंते ! जाइं दव्वाइं सोइंदियत्ताए गेण्हइ० जहा वेउब्वियसरीरं । २०. एवं जाव जिभिदियत्ताए। २१. फासिदियत्ताए जहा म ओरालियसरीरं । २२. मणजोगत्ताए जहा कम्मगसरीरं, नवरं नियमं छद्दिसिं। २३. एवं वइजोगत्ताए वि। २४. कायजोगत्ताए जहा ओरालियसरीरस्स। २५. जीवे रणं भंते ! जाई दव्वाई आणापाणुत्ताए गेण्हइ ? जहेव ओरालियसरीरत्ताए जाव सिय पंचदिसिं । सेवं भंते ! सेवं भंते ! ति०।२६. केयि चउवीसदंडएणं एयाणि Merrof
5 55555555555555555॥ श्री आगमगुणमंजूषा ५२८555555555555555555555555555IOR
G乐听听听听听听听听听听听听听听听听听听听听听听听听明明明明明明明明明明明明明明明明明明明明明明2.
乐乐乐明 听听听听听听听听听听听G格
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |