Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 330

FOOTON
乐乐乐乐乐乐乐乐乐乐乐乐乐乐乐乐乐乐乐乐乐乐乐乐乐乐乐5555明明乐乐乐乐乐乐乐乐乐乐乐乐乐乐乐SO
AGR9555555$
(५) भगवई २४ स. उ-२४/२५ सत्तं उ-१ [३११] भाणियव्वा जहा सोहम्मे उववज्जमाणस्स, नवरं सणंकुमारट्ठिति संवेहं च जाणेज्जा । जाहे य अप्पणा जहन्नकालद्वितीओ भवति ताहे तिसु वि गमएसुपंच लेस्साओ आदिल्लाओ कायव्वाओ। सेसं तं चेव । १७. जदि मणुस्सेहिंतो उवव०? मणुस्साणं जहेव सक्करप्पभाए उववजमाणाणं तहेव णव वि गमगा भाणियव्वा, नवरं सणंकुममारट्ठिति संवेहं च जाणेज्जा । १८. माहिंदगदेवा णं भंते ! कओहिंतो उववजंति?० जहा सणंकुमारगदेवाणं वत्तव्वया तहा माहिंदगदेवाण वि भाणियव्वा, नवरं माहिंदगदेवाणं ठिती सातिरेगा भाणियव्वा सा चेव । १९. एवं बंभलोगदेवाण वि वत्तव्वया, नवरं बंभलोगट्ठिति संवेहं च जाणेज्जा । एवं जाव सहस्सारो, नवरं ठिति संवेहं च जाणेज्जा । २०. लंतगाईणं जहन्नकालद्वितीयस्स तिरिक्खजोणियस्स तिसु वि गमएसु छप्पि लेस्साओ कायव्वाओ । संघयणाई बंभलोग-लंतएसु पंच आदिल्लगाणि, महासुक्क-सहस्सारेसुचत्तारि, तिरिक्खजोणियाण वि मणुस्साण वि। सेसं तं चेव। [सु. २१-२९. आणयाइसव्वट्ठसिद्धपज्जंतदेवउववज्जतम्मि मणुस्सम्मि उववाय-परिमाणाइवीसइदारपरूवणं ] २१. आणयदेवा णं भंते ! कओहिंतो उववज्जति?० उववाओ जहा सहस्सारदेवाणं, णवरं तिरिक्खजोणिया खोडेयब्वा जाव-२२. पज्जत्तासंखेज्जवासाउयसन्निमणुस्सेणं भंते! जे भविए आणयदेवेसु उववज्जित्तए०? मणुस्साण य वत्तव्वया जहेव सहस्सारे उववज्जमाणाणं, णवरं तिन्नि संघयणाणि । सेसं तहेव जाव अणुबंधो भवाएसेणं जहन्नेणं तिण्णि भवग्गहणाई, उक्कोसेणं सत्त भवग्गहणाई। कालाएसेणं जहन्नेणं अट्ठारस सागरोवमाइं दोहिं वासपुहत्तहिं अब्भहियाई, उक्कोसेणं सत्तावण्णं सागरोवमाइं चउहिं पुव्वकोडीहिं अब्भहियाइं; एवतियं०। एवं सेसा वि अट्ठ गमगा भाणियव्वा, नवरं ठिति संवेहं च जाणेज्जा, सेसं तहेव । २३. एवं जाव अच्चुयदेवा, नवरं ठिति संवेहं च जाणेज्जा । चउसु वि संघयणा तिन्नि आणयादीसु । २४. गेवेज्जदेवा णं भंते ! कओ० उववज्जति ? एस चेव वत्तव्वया, नवरं संघयणा दो। ठिति संवेहं च जाणेज्जा । २५. विजय-वेजयंत-जयंत-अपराजियदेवा णं भंते ! कओहिंतो उववज्जंति?० एस चेव वत्तव्वया निरवसेसा जाव अणुबंधो त्ति, नवरं पढम संघयणं, सेसं तहेव । भवाएसेणं जहन्नेणं तिन्नि भवग्गहणाई, उक्कोसेणं पंच भवग्गहणाई । कालाएसेणं जहन्नेणं एक्कत्तीसं सागरोवमाई दोहिं वासपुहत्तेहिं अब्भहियाइं, उक्कोसेणं छावढेि सागरोवमाइं तिहिं पुव्वकोडीहिं अब्भहियाइं; एवतियं०। एवं सेसा वि अट्ठ गमगा भाणियव्वा, नवरं ठिति संवेहं च जाणेज्जा । मणूसलद्धी नवसु वि गमएसु जहा गेवेज्जेसु उववज्जमाणस्स, नवरं पढमसंघयणं । २६. सव्वट्ठसिद्धगदेवा णं भंते ! कओ० उववज्जति ?० उववातो जहेव विजयाईणं जाव-२७. से णं भंते ! केवतिकालद्वितीएसु उववज्जेज्जा ? गोयमा ! जहन्नेणं तेत्तीससागरोवमट्ठिति०, उक्कोसेणई वितेत्तीससागरोवमट्टितीएसु उवव०। अवसेसा जहा विजयादीसु उववज्जताणं, नवरं भवाएसेणं तिन्नि भवग्गहणाई; कालाएसेणं जहन्नेणं तेत्तीसं सागरोवमाइं दोहिं वासपुहत्तेहिं, उक्कोसेणं तेत्तीसं सागरोवमाई दोहिं पुव्वकोडीहिं अब्भहियाई; एवतियं०। पढमो गमओ । २८. सो चेव अप्पणा जहन्नकालद्वितीओ जाओ, एस चेव वत्तव्वया, नवरं ओगाहणा-ठितीओ रयणिपुहत्त-वासपुहत्ताणि । सेसं तहेव । संवेहं च जाणेजा। बीओ गमओ।२९. सो चेव अप्पणा उक्कोसकालद्वितीओ जाओ, एस चेव वत्तव्वया, नवरं ओगाहणा जहन्नेणं पंच धणुसयाई, उक्कोसेण वि पंच धणुसयाई । ठिती जहन्नेणं पुव्वकोडी, उक्कोसेण वि पुव्वकोडी। सेसं तहेव जाव भवाएसो त्ति । कालाएसेणं जहन्नेणं तेत्तीसं सागरोवमाइं दोहिं पुव्वकोडीहिं अब्भहियाई, उक्कोसेण वि तेत्तीसं सागरोवमाई दोहिं पुव्वकोडीहिं अब्भहियाई, एवतियं ॥ कालं सेवेज्जा, एवतियं कालं गतिरागतिं करेजा। तइओ गमओ । एते तिन्नि गमगा सव्वट्ठसिद्धगदेवाणं। से एवं भंते ! सेवं भंते ! त्ति भगवं गोयमे जाव विहरइ । ॥२४ सते २४ उद्दे०| समत्तं च चउवीसतिमं सय||२४|| पंचवीसइमं सयंम सु. १. पंचवीसइमसयस्स उद्देसनामनिरूवणं] १. लेसा य १ दव्व २ संठाण ३ जुम्म ४ पज्जव ५ नियंठ ६ समणा य ७। ओहे ८ भवियाऽभविए ९-१० सम्मा११ मिच्छे य १२ उद्देसा ॥१॥★★★ पढमो उद्देसओ 'लेसा' ★★★[सु. २. पढमुद्देसस्सुवुग्घाओ] २. तेणं कालेणं तेणं समएणं रायगिहे जाव एवं वयासी-[सु. ३. लेसाभेयनिरूवणाइ] ३. कति णं भंते ! लेस्साओ पन्नत्ताओ? गोयमा ! छ ल्लेसाओ, पन्नत्ताओ, तं जहा-कण्हलेस्सा जहा पढमसए बितिउद्देसए (स०१ उ०२ सु०१३) तहेव लेस्साविभागो
GO乐听听听听听听听听听听听听听听听听听听听听听听听听听听听听听听听听听听听听听听听听听听听听听听听听2TC
KOYO$$$$$$$$
$$$$$
श्री आगमगुणमंजूषा - ५२६
॥55555555555555555555556YORK