Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 329

(५) भगवई २४ स. उ-२४ [ ३१०१
★★★ ॥२४ सते २३ उद्देसओ ॥ चडुवीसइमो वेमाणियउद्देसओ ★ ★ ★ [सु. १. गई पडुच्च सोहम्मगदेवउववायनिरूवणं ] १. सोहम्मगदेवा णं भंते ! कओहिंतो उववज्जंति ? किं नेरइएहिंतो उववज्जं ति०? भेदो जहा जोतिसियउद्देसए । [सु. २८. सोहम्मगदेवउववज्जं तेसु असंखेज्जसंखेज्जवासाउयसन्निपंचेदियतिरिक्खजोणिएसु उववाय- परिमाणाइवीसदारपरूवणं ] २. असंखेज्जवासाउयसन्निपंचेदियतिरिक्खजोणिए णं भंते ! जे भवि सोहम्मगदेवेसु उववज्जित्तए से णं भंते! केवतिकाल ०? गोयमा ! जहन्नेणं पलिओवमट्टितीएसु, उक्कोसेणं तिपलिओवमट्टितीएसु उवव०। ३. ते णं भंते !०, अवसेसं जहा जोतिसिएस उववज्नमाणस्स, नवरं सम्मद्दिट्ठी वि, मिच्छादिट्ठी वि, नो सम्ममिच्छादिट्टी; नाणी वि, अन्नाणी वि, दो नाणा, दो अन्नाणा नियम; ठिती जहन्ने दो पलिओवमाइं, उक्कोसेणं तिन्नि पलिओवमाइं । एवं अणुबंधो वि। सेसं तहेव । कालाएसेणं जहण्णेणं दो पलिओवमाई, उक्कोसेणं छ पलिओवमाई; एवतियं० । पढमो गमओ । ४. सो चेव जहन्नकालद्वितीएसु उववन्नो, एस चेव वत्तव्वया, नवरं कालाएसेणं जहन्त्रेणं दो पलिओवमाइं, उक्कोसेणं चत्तारि पलिओवमाई; एवतियं० । ओ ओ । ५. सो चेव उक्कोसकालद्वितीएसु उववन्नो, जहन्नेणं तिपलि ओवम०, उक्कोसेण वि तिपलिओवम० । एस चेव वत्तव्वया, नवरं ठिती जहन्नेणं तिनिपलि ओवमाई, उक्कोसेण वि तिन्नि पलिओवमाई। सेसं तहेव । कालाएसेणं जहन्त्रेणं छ पलिओवमाइं, उक्कोसेण वि छप्पलिओवमाइं० । तइओ गमओ । ६. सोचे अप्पणा जहन्नकालतीओ जाओ, जहन्नेणं पलिओवमट्टितीएसु, उक्कोसेण वि पलिओवमहितीएस। एस चेव वत्तव्वया, नवरं ओगाहणा जहन्नेणं धणुपुहत्तं, उक्कोसेणं दो गाउयाई । ठिती जहन्त्रेणं पलिओवमं, उक्कोसेण वि पलिओवमा सेसं तहेव । कालाएसेणं जहन्नेणं दो पलिओवमाई, उक्कोसेण वि दो पलिओ माई एवतियं० । ४-६ गमगा । ७. सो चेव अप्पणा उक्कोसकालट्ठितीओ जाओ, आदिल्लगमगसरिसा तिन्नि गमगा नेयव्वा, नवरं ठितिं कालादेसं च जाणेज्जा । ७-९ गमगा । ८. जदि संखेज्जवासाउयसन्निपंचेदिय० संखेज्जवासाउयस्स जहेव असुरकुमारेसु उववज्जमाणस्स तहेव नव वि गमा, नवरं ठितिं संवेहं च जाणेज्जा । जाहे `य अप्पणा जहन्नकालट्ठितीओ भवति ताहे तिसु वि गमएसु समद्दिट्ठी वि, मिच्छाद्दिट्ठी वि, नो सम्मामिच्छादिट्ठी । दो नाणा, दो अन्नाणा नियमं । सेसं तं चेव । [ सु. ९११. सोहम्मगदेवउववज्जंतेसु असंखेज्न संखेज्जवासाउयमणुस्सेसु उववाय- परिमाणाइवीसइदारपरूवणं ] ९. जदि मणुस्सेहिंतो उववज्जति भेदो जहेव जोतिसिएस उववज्नमाणस्स जाव- १०. असंखेज्जवासाउयसन्निमणुस्से णं भंते ! जे भविए सोहम्मे कप्पे देवत्ताए उववज्जित्तए० ? एवं जहेव असंखेज्जवासाउयस्स सन्निपंचेदियतिरिक्खजोणियस्स सोहम्मे कप्पे उववज्जमाणस्स तहेव सत्त गमगा, नवरं आदिल्लएसु दोसु गमएस ओगाहणा जहन्नेणं गाउयं, उक्कोसेणं तिन्नि गाउयाइं । ततियगमे जहन्नेणं तिन्नि गाउयाई, उक्कोसेण वि तिन्नि गाउयाइं । चउत्थगमए जहन्नेणं गाउयं, उक्कोसेण वि गाउयं । पच्छिमेसु गमएसु जहन्नेणं तिन्नि गाउयाई, उक्कोसेण वि तिनि गाउउयाई । सेसं तहेव निरवसेसं । १ ९ गमगा । ११. जदि संखेज्जवासाउयसन्निमणुस्सेहिंतो०, एवं संखेज्जवासाउयसन्निमणुस्साणं जहेव असुरकुमारेसु उववज्जमाणाणं तहेव नव गमगा भाणियव्वा, नवरं सोहम्मदेवद्वितिं संवेहं च जाणेज्जा | सेसं तं चेव । [ सु. १२-२०. ईसाणइसहस्सारपज्जंतदेवउववज्जंतेसु तिरिक्खजोणियमणुस्सेसु उववाय- परिमाणाइवीसइदारपरूवणं ] १२. इसाणा देवा णं भंते ! कओ० उववज्जंति ० ईसाणदेवाणं एस चेव सोहम्मदेवसरिसा वत्तव्वया, नवरं असंखेज्जवासाउयसन्निपंचेंदियतिरिक्खजोणियस्स जेसु ठाणेसु सोहम्मे उववज्जमाणस्स, पलिओवमठितीएस ठाणेसु इहं सातिरेगं पलिओवमं कायव्वं । चउत्थगमे ओगाहणा जहन्त्रेणं धणुपुहत्तं, उक्कोसेणं सातिरेगाइं दो गाउयाई । सेसं तहेव । १३. असंखेज्जवासाउयसन्निमणूसस्स वि तहेव ठिती जहा पंचेंदियतिरिक्खजोणियस्स असंखेज्जवासाउयस्स, ओगाहणा वि जेसु ठाणेसु गाउयं तेसु ठाणेसु इहं सातिरेगं गाउयं । सेसं तहेव । १४. संखेज्जवासाउयाणं तिरिक्खजोणियाणं मणूसाण य जहेव सोहम्मे उववज्नमाणाणं तहेव निरवसेसं णव वि गमगा, नवरं ईसाणे ठितिं संवेहं च जाणेज्जा । १५. सणकुमारदेवा णं भंते ! कतोहिंतो उवव०? उववातो जहा सक्करम्पभपुढविनेरइयाणं जाव- १६. पज्जत्तासंखेज्जवासाउयसन्निपंचेदियतिरिक्खजोणिए णं भंते! जे भविए सणंकुमारदेवेसु उववज्जित्तए०? अवसेसा परिमाणादीया भवाएसपज्जवसाणा सच्चेव वत्तव्वया श्री आगमगुणमंजूषा - ५२५
N RO 5 5 5 5 5 5 5
Education International 2010 03
FO