Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 323

(५) भगवई २४ स. उ-२० [ ३०४) काला सेणं उभओ ठितिं करेज्जा । १४. जदि आउकाइएहिंतो उवव० ? एवं आउकाइयाण वि । १५. एवं जाव चउरिंदिया उववाएयव्वा, नवरं सव्वत्थ अप्पणो लद्धी भावा । नवसु विमएस भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाई । कालाएसेणं उभओ ठितिं करेज्जा सव्वेसिं सव्वगमएसु । जहेव पुढविकाइएसु उववज्जमाणाणं लद्धी तहेव । सव्वत्थ ठितिं संवेहं च जाणेज्जा । [सु. १६-२८. पंचेदियतिरिक्खजोणियउववज्जंतम्मि असन्निपंचेदियतिरिक्खजोणियम्मि उववाय- परिमाणाइवीसइदारपरूवणं ] १६. जदि पंचेंदियतिरिक्खजोणिएहिंतो उववज्जंति किं सन्निपंचेदियतिरिक्खजोणिएहिंतो उववज्जंति, असन्निपंचेदियतिरिक्खजोणि०? गोयमा ! सन्निपंचेदिय०, असन्निपंचेदिय० । भेदो जहेव पुढविकाइएस उववज्जमाणस्स जाव- १७. असन्निपंचेदियतिरिक्खजोणिए णं भंते! जे भविए पंचेदियतिरिक्खजोणिएसु उववज्जित्तए से णं भंते! केवतिकाल०? गोयमा ! जहन्त्रेणं अंतोमुहुत्त०, उक्कोसेणं पलिओवमस्स असंखेज्जतिभागट्ठितीएसु उवव० । १८. ते णं भंते !० ? अवसेसं जहेव पुढविकाइएस उववज्जमाणस्स असन्निस्स तहेव निरवसेसं जाव भवाएसो त्ति । कालाएसेणं जहन्नेणं दो अंतोमुहुत्ता, उक्कोसेणं पलिओवमस्स असंखेज्जतिभागं पुव्वकोडिपुहत्तमब्भहियं एवतियं० । पढमो गमओ । १९. बितियगमए एस चेव लब्दी, नवरं काला सेणं जहन्नेणं दो अंतोमुहुत्ता, उक्कोसेणं चत्तारि पुव्वकोडीओ चउहिं अंतोमुहुत्तेहिं अब्भहियाओ; एवतियं० । बीओ गमओ । २०. सो चेव उक्कोसकालट्ठितीएसु उववन्नो, जहन्ने पलिओवमस्स असंखेज्जतिभागद्वितीएसु, उक्कोसेण वि पलिओवमस्स असंखेज्जतिभागद्वितीएसु उवव० । २१. ते णं भंते! जीवा०? एवं जहा रयणप्पभाए उववज्जमाणस्स असन्निस्स तहेव निरवसेसं जाव कालादेसो त्ति, नवरं परिमाणे जहन्नेणं एक्को वा दो वा तिन्नि वा, उक्कोसेणं संखेज्जा उववज्जति । सेसं तं चेव । तइओ गमओ । २२. सो चेव अप्पणा जहन्नकालट्ठितीओ जाओ, अंतोमुहुत्तट्ठितीएस, उक्कोसेणं पुव्वकोडिआउएस उवव० २३. ते णं भंते !० ? अवसेसं जहा एयस्स पुढविकाइएसु उववज्जमाणस्स मज्झिमेसु तिसु गमएस तहा इह वि मज्झिमेसु तिसु गमएसु जाव अणुबंधो त्ति । भवाएसेणं जहन्नेणं दो भवग्गहणाई, उक्कोसेणं अट्ठ भवग्गहणाई । कालाएसेणं जहन्नेणं दो अंतोमुहुत्ता, उक्कोसेणं चत्तारि पुव्वकोडीओ चउहिं अंतोमुहुत्तेहिं अब्भहियाओ । चउत्थो गमओ । २४. सो चेव जहन्नकालट्ठितीएसु उववन्नो, एस चेव वत्तव्वया, नवरं कालादेसेणं जहन्त्रेणं दो अंतोमहुत्ता, उक्कोसेणं अट्ट अंतोमुहुत्ता एवतियं० । पंचमो गमओ । २५. सो चेव उक्कोसकालद्वितीएस उववन्नो, जहन्नेणं पुव्वकोडिआउएसु, उक्कोसेण वि पुव्वकोडिआउएस उवव० । एस चैव वत्तव्वया, नवरं कालाएसेणं जाणेज्जा । छट्टो गमओ । २६. सो चेव अप्पणा उक्कोसकमालट्ठतीओ जाओ, सच्चे पढमगमगवत्तव्वया, नवरं ठिती से जहन्नेणं पुव्वकोडी, उक्कोसेण वि पुव्वकोडी । सेसं तं चेव । कालाएसेणं जहन्नेणं पुव्वकोडी अंतोमुहुत्तमब्भहिया, उक्कोसेणं पलिओवमस्स असंखेज्जतिभागं पुव्वकोडिपुहत्तमब्भहियं; एवतियं० । सत्तमो गमओ । २७. सो चेव जहन्नकालट्ठितीएसु उववन्नो, एस चेव वत्तव्वया जहा सत्तमगमे, नवरं कालाएसेणं जहन्नेणं पुव्वकोडी अंतोमुहुत्तमब्भहिया, उक्कोसेणं चत्तारि पुव्वकोडीओ चउहिं अंतोमुहुत्तेहिं अब्भहियाओ; एवतियं० । अट्ठमो गमओ । २८. सो चेव उक्कोसकालट्ठिईएसु उववन्नो, जहन्नेगं पलिओवमस्स असंखेज्जजइभागं, उक्कोसेण वि पलिओवमस्स असंखेज्जइभागं । एवं जहा रयणप्पभाए उववज्जमाणस्स असन्निस्स नवमगमए तहेव निरवसेसं जाव कालादेसो त्ति, नवरं परिमाणं जहा एयस्सेव ततियगमे। सेसं तं चेव । नवमो गमओ । [सु. २९-३८. पंचेदियतिरिक्खजोणियउववज्जंतम्मि सन्निपंचेदियतिरिक्खजोणियम्मि उववाय- परिमाणाइवीसइदारपरूवणं ] २९ जदि सन्निपंचेदियतिरिक्खजोणिएहिंतो उववज्जंति किं संखेज्जवासा०, असंखेज्ज० ? गोयमा ! संखेज्ज०, न्ग्रे असंखेज्ज० । ३०. जदि संखेज्ज० जाव किं पज्जत्तासंखेज्ज०, अपज्जत्तासंखेज्जज० ? दोसु वि । ३१. संखेज्जवाससाउयसन्निपंचेंदियतिरिक्खजोणिए जे भविए पंचेदियतिरिक्खजोणिएसु उववज्जित्तए से णं भंते! केवति०? गोयमा ! जहन्नेणं अंतोमुहुत्तं, उक्कोसेणं तिपलिओवमट्ठितीएसु उववज्जिज्जा । ३२. ते णं भंते !० अवसेसं जहा एयस्स चेव सन्निस्स रयणप्पभाए उववज्जमाणस्स पढमगमए, नवरं ओगाहणा जहन्नेणं अंगुलस्स असंखेज्जइभागं, उक्कोसेणं जोयणसहस्सं, सेसं तं जाव भवादेसो त्ति । कालदेसेणं जहन्नेणं दो अंतोमुहुत्ता, उक्कोसेणं तिन्नि पलिओवमाइं
Mero श्री आगमगुणमंजूषा ५१९ HONOR
KGRO
ॐॐॐॐॐॐॐ