Page Text
________________
(५) भगवई स. १८ उ-१-२ (२५२]
चरिमे, अचरिमे । ६५. नेरतिए णं भंते! नेरतियभावेणं० पुच्छा। गोयमा ! सिय चरिमे, सिय अचरिमे । ६६. एवं जाव वेमाणिए । ६७. सिद्धे जहा जीवे । ६८. जीवा णं० पुच्छा। गोयमा!नो चरिमा, अचरिमा । ६९. नेरतिया चरिमा वि, अचरिमा वि । ७०. एवं जाव वेमाणिया । ७१. सिद्धा जहा जीवा । ७२. आहारए सव्वत्थ एगत्तेणं सिय चरिमे, सिय अचरिमे । पुहत्तेणं चरिमा वि, अचरिमा वि। ७३. अणाहारओ जीवो सिद्धो य; एगतेण वि पुहत्तेण वि नो चरिमा, अचरिमा । ७४. सट्टासु एगत्त-पुहत्तेणं जहा आहारओ (सु०७२) । ७५. भवसिद्धीओ जीवपदे एगत्त-पुहत्तेणं चरिमे, नो अचरिमे । ७६. सेसट्ठाणेसु जहा आहारओ। ७७. अभवसिद्धीओ सव्वत्थ एगत्त-पुहत्तेणं नो चरिमे, अचरिमे। ७८ नोभवसिद्धीयनोअभवसिद्धीयजीवा सिद्धा य एगत्त-पुहत्तेणं जहा अभवसिद्धीओ । ७९. सणी जहा आहारओ (सु०७२) । ८०. एवं असण्णी वि । ८१. नोसन्नीनोअसन्नी जीवपदे सिद्धपदे य अचरिमो, मणुस्सपदे चरिमो, एगत्त-पुहत्तेणं । ८२. सलेस्सो जा सुक्कलेस्सो जहा आहारओ (सु०७२), नवरं जस्स जा अत्थि । ८३. अलेस्सो जहा नोसण्णीनोअसण्णी । ८४. समद्दिट्ठी जहा अणाहारओ (सु०७३-७४)। ८५. मिच्छादिट्ठी जहा आहारओ (सु०७२) । ८६. सम्मामिच्छद्दिट्ठी एगिदिय-विगलिदियवज्जं सिय चरिमे, सिय अचरिमे। पुहत्तेणं चरिमा वि, अचरिमा वि। ८७. संजओ जीवों मरुस्सो य जहा आहारओ (सु०७२ ) । ८८. असंजतो वि तहेव । ८९. संजयासंजतो वि तहेव; नवरं जस्स जं अत्थि । ९०. नोसंजयनोअसंजयनोसंजयासंजओ जहा नोभवसिद्धीयनोअभवसिद्धीयो ( सु०७८) । ९१. सकसायी जाव लोभकसायी सव्वट्ठाणेसुजहा आहारओ (सु०७२)। ९२. अकसायी जीवपए सिद्धे य नो चरिमो, अचरिमो । मणुस्सपदे सिय चरिमो, सिय अचरिमो । ९३. (१) णाणी जहा सम्मद्दिट्ठी (सु०८४)सव्वत्थ । (२) आभिणिबोहियनाणी जाव मणपज्जवनाणी जहा आहारओ (सु०७२), जस्स जं अत्थि । ३ केवलनाणी जहा नोसण्णीनोअसण्णी (सु०८१) । ९४. अण्णाणी ज विभंगनाणी जहा आहारओ (सु०७२) । ९५. सजोगी जाव कायजोगी जहा आहारओ (सु०७२), जस्स जो जोगो अत्थि । ९६. अजोगी जहा नोसण्णीनो असनी... (सु०८१) । ९७. सागारोवउत्तो अणागारोवउत्तो य जहा अणाहारओ (सु०७३-७४) । ९८. सवेदओ जाव नपुंसगवेदओ जहा आहारओ (सु०७२) । ९९. अवेदओ जहा अकसायी (सु०९२) । १००. ससरीरी जाव कम्मगसरीरी जहा आहारओ (सु०७२), नवरं जस्स जं अत्थि । १०१. असरीरी जहा नोभवसिद्धीयनोअभवसिद्धीओ (सु०७८)। १०२. पंचहिं पज्जत्तीहिं पंचहिं अपज्जत्तीहिं जहा आहारओ (सु०७२) । सव्वत्थं एगत्त-पुहत्तेणं दंडगा भाणियव्वा । [सु. १०३. चरम - अचरमलक्खणनिरूवणं ] १०३. इमा लक्खणगाहा- जो जं पाविहिति पुणो भावं सो तेण अचरिमो होइ। अच्चंतवियोगो जस्स जेण भावेण सो चरिमो ||१|| सेवं भंते ! सेवं भंते १० जाव विहरति । ॥ १८.१ ॥ ★★★ बीओ उद्देसओ 'विसाह' ★★★ [सु. १. विसाहानयरीबहुपुत्तियचेइए भगव समवसरणं ] १. तेणं कालेणं तेणं समयेणं विसाहा नामं नगरी होत्था। वन्नओ । बहुपुत्तिए चेतिए । वण्णओ। सामी समोसढे जाव पज्जुवासति । [ सु. २. सक्कस्स भगवओ समीवमागमणं पडिगमणं च ]२, तेणं कालेणं तेणं समएणं सक्के देविंदे देवराया वज्जपाणी पुरंदरे एवं जहा सोलसमसए बितिए उद्देसए (स०१६ उ०२ सु० ८) तहेव दिव्वेण जाणविमाणेण आगतो; नवरं एत्थ आभियोगा वि अत्ति, जाव बत्तीसतिविहं नट्ठविहिं उवदंसेति, उव० २ जाव पडिगते । [सु. ३. देविंदस्स सक्कस्स पुव्वभवकहा- कत्तियाभिहाणसेट्ठिस्स मुणिसुव्वयतित्थयरसमीवं पव्वज्जागहणं सामण्णपालणं देविंदसक्कत्तेणोववाओ य ] ३. 'भंते!' त्ति भगवं गोयमे समणं जाव एवं वदासी-जुहा ततियसते ईसाणस्स (स० ३ उ० १ सु० ३४-३५) तहोव कूडागारदिट्टंतो, तहेव पुव्वभवपुच्छा जाव अभिसमन्नागया ? 'गोयमा' ई समणे भगवं गोतमं एवं वदासी- "एवं खलु गोयमा!, "तेणं कालेणं तेणं समएणं इहेव जंबुद्दीवे दीवे भारहे वासे हत्थिणापुरे नामं नगरे होत्था। वण्णओ। सहस्संबवणे उज्जाणे । - वण्णओ । “तत्थ णं हत्थिणापुरे नगरे कत्तिए नामं सेट्ठी परिवसइ अड्ढे जाव अपरिभूए णेगमपढमासणिए, णेगमट्ठसहस्सस्स बहूसु कज्जेसु य कारणेसु य कोडुंबेसु य एवं जहा रायपसेणइज्जे चित्ते जाव चक्खुभूते णेगमट्ठसहस्सस्स सायरस य कुटुंबस्स आहेवच्चं जाव करेमाणे पालेमाणे समणोवासए अभिगयजीवाजीवे जाव
फ्र
6666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |