Page Text
________________
NA A A A 55555555555
O
(५) भगवई श. १७उ ६.१९ [२४९]
ईसिपब्भारासु
छट्टो उद्देसओ 'पुढवि★★★ [ सु. १ ६. सत्तनरयपुढविपुढविकाइयस्स समोहयस्स सोहम्माइकप्पगेवेज्ज- अणुत्तरविमाण उववज्जमाणस्स उप्पत्तीए पुव्वं पच्छा वा पुग्गलगहणनिरूवणं] १. (१) पुढविकाइए णं भंते! इमीसे रयणप्पभाए पुढवीए समोहए, समोहण्णित्ता जे भविए सोहम्मे कप्पे पुढविकाइयत्ताए उववज्जित्तए से णं भंते! किं पुव्विं वा उववज्जित्ता पच्छा संपाउणेज्जा, पुव्विं वा संपाउणित्ता पच्छा उववज्जेज्जा ? गोयमा ! पुव्विं वा उववज्जित्ता पच्छा संपाउणेज्जा, पुव्विं वा संपाउणित्ता पच्छा उववज्जेज्जा । (२) से केणट्टेणं जाव पच्छा उववज्जेज्जा ? गोयमा ! पुढविकाइयाणं तओ समुग्धाया पन्नत्ता, तं जहा - वेयणासमुग्धाए कसायमुग्धाए मारणंतियसमुग्धाए। मारणंतियसमुग्धाएणं समोहण्णमाणे देसेण वा समोहण्णति सव्वेण वा समोहण्णति, देसेणं समोहन्नमाणे पुव्विं संपाउणित्ता पच्छा उववज्जिज्जा, सव्वेणं समोहण्णमाणे पुव्विं उववज्जेत्ता पच्छा संपाउणेज्जा, से तेणद्वेणं जाव उववज्जिज्जा । २. पुढविकाइए भंते ! इमीसे रयणप्पभाए पुढवीए जाव समोहए, सामोहन्नित्ता जे भविए ईसाणे कप्पे पुढवि० एवं चेव ईसाणे वि । ३. एवं जाव अच्चुए । ४. गेविज्जविमा अणुत्तरविमाणे ईसिपब्भाराए य एवं चेव । ५. पुढविकाइए णं भंते । सक्करप्पभाए पुढवीए समोहते, समोहन्नित्ता जे भविए सोहम्मे कप्पे पुढवि० । एवं जहा रयणप्पभाए पुढविकाइओ उववातिओ एवं सक्करप्पभपुढविकाइओ वि उववाएयव्वो जाव ईसिपब्भाराए । ६. एवं जहा रयणप्पभाए वत्तव्वता भणिया एवं जाव अहेसत्तमाए समोहतो ईसिप भाराए उववातेयव्वो । सेसं तं चेव । सेवं भंते ! सेवं भंते ! तिवा सत्तमो उद्देसओ 'पुढवि'★★★
[
सु. १. सोहम्माइकप्पाइईसिपब्भारपुढविपुढविकाइयस्स समोहयस्स सत्तसु नरयपुढवीसु पुढविकाइयत्ताए उववज्जमाणस्स उप्पत्तीए पुव्वं पच्छा वा पुग्गलगहणनिरूवणं] १. पुढविकाइए णं भंते! सोहम्मे कप्पे समोहए, समोहण्णित्ता जे भविए इमीसे रयणप्पभाए पुढवीए पुढविकाइयत्ताए उववज्जित्तए से णं भंते! किं पुव्वि० सेसं तं चैव । जहा रयणप्पभापुढविकाइओ सव्वकप्पेसु जाव ईसिपब्भाराए ताव उववातिओ एवं सोहम्मपुढविकाइओ वि सत्तसु वि पुढवीसु उववातेयव्वो जाव असत्तमा । एवं जहा सोहम्मपुढविकाइओ सव्वपुढवीसु उववातिओ एवं जाव ईसिपब्भारापुढविकाइओ सव्वपुढवीसु उववातेयव्वो जाव अहेसत्तमाए । सेवं भंते! सेवं भंते! ० । । १७.७॥ ★★ अट्टमो उद्देसओ 'दग' ★★★ [ सु. १ २. छट्ठद्देसवण्णियपुढविकाइयवत्तव्वयाणुसारेण आउकाइयवत्तव्वयानिद्देसो] १. आउकाइए भंते! इमीसे रतणप्पभाए पुढवीए समोहते, समोहन्नित्ता जे भविए सोहम्मे कप्पे आउकाइयत्ताए उववज्जित्तए० १ एवं जहा पुढविकाइओ तहा आउकाइओ वि सव्वकप्पेसु जाव ईसिपब्भाराए तहेव उववातेयव्वो । २. एवं जहा रयणप्पभआउकाइओ उववातिओ तहा जाव अहेसत्तमआउकाइओ उववाएयव्वो जाव ईसिपब्भाराए । सेवं भंते! सेवं भंते! ति० ॥ १७.८ ।। ★ ★ ★ नवमो उद्देसओ 'दग' ★★★ [सु. १ ३. सत्तमुद्देसवण्णियपुढविकाइयवत्तव्वयाणुसारेण आउकाइयवत्तव्वयानिद्देसो ] १. आउकाइए णं भंते! सोहम्मे कप्पे समोहए, समोहन्नित्ता जे भविए इमीसे रयणप्पभाए पुढवीए घणोदधिवलयेसु आउकाइयत्ताए उववज्जित्त से भंते !०१ सेसं तं चेव । २. एवं जाव अहेसत्तमाए । ३. जहा सोहम्मआउकाइओ एवं जाव ईसिपब्भाराआउकाइओ जाव अहेसत्तमाए उववातेयव्वो । सेवं भंते ! सेवं भंते !०| || १७.९|| ★★★दसमो उद्देसओ 'वाऊ' ★★★ [ सु. १. छडुद्देसवण्णियपुढविकाइयवत्तव्वयाणुसारेण वाउकाइयवत्तव्वयानिद्देसो] १. वाउकाइए णं भंते ! इमीसे रतणप्पभाए जाव जे भविए सोहम्मे कप्पे वाउकाइयत्ताए उववज्जित्तए से गं०? जहा पुढविकाइओ तहा वाउकाइओ वि, नवरं वाउकाइयाणं चत्तारि समुग्धाया पन्नता, तं जहा वेदणासमुग्धाए जाव वेउव्वियसमग्घाए । मारणंतियसमुग्धाएणं समोहण्णमाणे देसेण वा समो० । सेसं तं चेव जाव असत्तमाए समोहओ ईसिपब्भाराए उववातेयव्वो । सेवं भंते! सेवं भंते ! ति० ॥ १७.१०||★ ★ ★ एगारसमो उद्देसओ 'वाऊ' ★★★ [सु. १. सत्तमुद्देसवण्णियपुढविकायवत्तव्वयाणुसारेण वाउकायवत्तव्वयानिद्देसो ] १. वाउकाइए णं भंते! सोहम्मे कप्पे समोहए, समोहन्निता जे भविए इमीसे रयणप्पभाए पुढवीए घणवाए तणुवाए घणवायवलएसु तणुवायवलएसु वाउकाइयत्ताए उववज्जित्तए से णं भंते ! ०? सेसं तं चेव । एवं जहा सोहम्मवाउकाइओ सत्तसु वि पुढवीसु
5 श्री आगमगुणमंजूषा - ४६४
पुढविकाइयत्ताए
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |