Page Text
________________
(५) भगवई रा. १४ उ १० / स. १५ उ १ [२१५]
दुपएसियाइअणंतपएसियखंघसरूवविसयं समाणनाणित्तनिरूवणं ] १२. केवली णं भंते ! इमं रयणप्पभं पुढविं 'रयणप्पभपुढवी' ति जाणति पासति ? हंता, जाणति पासति । १३. जहा णं भंते! केवली इमं रयणप्पभं पुढविं 'रयणप्पभपुढवी' ति जाणति पासति तहा णं सिद्धे वि इमं रयणप्पभं पुढविं ‘रयणप्पभपुढवी’ति जाति पासति ? हंता, जाणति पासति । १४. केवली णं भंते! सक्करप्पभं पुढविं 'सक्करप्पभपुढवी 'ति जाणति पासति ? एवं चेव । १५. एवं जाव असत्तमा । १६. केवली णं भंते! सोहम्मं कप्पं 'सोहम्मकप्पे' ति जाणति पासति ? हंता, जाणति० एवं चेव । १७. एवं ईसाणं । १८. एवं जाव अच्चुयं । १९. केवली णं भंते ! गेवेज्जविमाणे' त्ति जाणति पासति ? एवं चेव । २०. एवं अणुत्तरविमाणे वि । २१. केवली णं भंते! ईसिपब्भारं पुढवि 'ईसीपब्भारपुढवी 'ति जाणति पासति ? एवं चेव । २२. केवली णं भंते ! परमाणुपोग्गलं 'परमाणुपोग्गले' त्ति जाणति पासति ? एवं चेव । २३. एवं दुपदेसिय खंधं । २४. एवं जाव जहा णं भंते! केवली अणतपदेसियं खंधं 'अणतपदेसिए खंधे' त्ति जाणति पासति तहा णं सिद्धे वि अणतपदेसियं जाव पासति ? हंता, जाणति पासति । सेवं भंते! सेवं भंते ! ति० । ।।१४.१०॥★★★ चोद्दसमं सयं समत्तं ॥ १४ ॥ पण्णरसमं सतं [सु. १. पण्णरसमसयस्स मंगलं ] १. नमो सुयदेवयाए भगवतीए। [सु. २-५. सावत्थीनगरीवत्थव्वहालाहलानामकुंभकारीए कुंभारावणे मंखलिपुत्तस्स गोसालस्स निवासो ] २. तेणं कालेणं तेणं समयेणं सावत्थी नामं नगरी होत्था । वण्णओ । ३. तीसे णं सावत्थीए नगरीए बहिया उत्तरपुरत्थिमे दिसीभाए, एत्थ णं कोट्ठए नामं चेतिए होत्था । वण्णओ । ४. तत्थ णं सावत्थीए नगरीए हालाहला नाम कुंभकारी आजीविओवासियां परिवसति, अड्डा जाव अपरिभूया आजीवियसमयंसि लट्ठा गहितट्ठा पुच्छियट्ठा विणिच्छियट्ठा अट्ठिमिंजपेम्माणगरागरत्ता 'अयमाउसो ! आजीवियसमये अट्ठे, अयं परमट्ठे, सेसं अणट्ठे त्ति आजीवियसमएणं अप्पाणं भावेमाणी विहरति । ५. तेणं कालेणं तेणं समय णं भोसाले मंखलिपुत्ते चतुवीसवासपरियाए हालहलाए कुंभकारीए कुंभारावणंसि आजीवियसंघसंपरिवुडे आजीवियसमयेणं अप्पाणं भावेमाणे विहरति । [ सु. ६ ९. गोसालयसमीवागयछद्दिसाचररचितनिमित्तादिसत्थावलोयणेण गोसालस्स अप्पणो जिणादिरूवेण पयासणं ] ६. तए णं तस्स गोसालस्स मंखलिपुत्तस्स अन्नदा कदायि इमे छद्दिसाचरा अंतियं पादुब्भवित्था, तं जहा सोणे कणंदे कणियारे अच्छिद्दे अग्निवेसायणे अज्जुणे मोयमपुत्ते । ७. तए णं ते छद्दिसाचरा अट्ठविहं पुव्वगयं मग्गदसमं सएहिं सएहिं मतिदंसणेहिं निज्जूहंति, स० निज्जूहित्ता गोसालं मंखलिपुत्तं उवट्टाइंसु । ८. तए णं से गोसाळे मंखलिपुत्ते तेणं असँगस्स महानिमित्त्स केणइ उल्लोयमेत्तेण सव्वेसिं पाणाणं सव्वेसिं भूयाणं सव्वेसिं जीवाणं सव्वेसि सत्ताणं इमाई छ अतिकमणिज्जाई वागरणाई वागरेति, तं जहा लाभं अलाभं सुहं दुक्खं जीवितं मरणं तहा । ९. तए णं से गोसाले मंखलिपुत्ते तेणं अट्ठमस्स महानिमित्तस्स केाइ उल्लोयमेत्तेणं उल्लोयमेत्तेणं सावत्थीए नगरीए अजि जिणप्पलावी, अणरहा अरहप्पलावी, अकेवली केवलिप्पलावी, असव्वण्णू सव्वण्णुप्पलावी, अजिये जिणसद्दं पगासेमाणे विहरति । [सु. १०-१३. सावत्थीनगरीवत्थव्वजणपरूवियगोसालगसव्वण्णुत्तणवत्तंतसवणाणंतरं गोयमस्स भगवंतं पइ गोसालचस्यिजाणणत्थं पत्थणा] १०. तए णं सावत्थीए नगरीए सिंघाडग जाव पहेसु बहुजणो अन्नमन्नस्स एवमाइक्खति जाव एवं परूवेति एवं खलु देवाणुप्पिया ! गोसाले मंखलिपुत्ते जिणे जिष्णप्पलाबी जाव पकामाणे विहरति, से कहमेयं मन्ने एवं ? ११. तेणं कालेणं तेणं समएणं सामी समोसढे । जाव परिसा पडिगता । १२. तेणं कालेणं तेणं समएणं समणस्स भगवतो महावीरस्स जे अंतेवरसी इंदभूतीणामं अणगारे मोयमे गोत्तेणं जाव छद्वंछद्वेणं एवं जहा बितियसए नियंठुद्देसए (स० २ उ० ५ सु० २१-२४) जाव अडमाणे बहुजणसद्दं निसामेइ “बहुजणो अन्नमन्नस्स एवमाइक्खति ४ एवं खलु देवाणुप्पिया ! गोसाले मंखलिपुत्ते जिणे जिणप्पलावी जाव पकासेमाणे विहरइ । से कहमेयं मन्ने एवं ?” । १३. तए णं भगवं गोयमे बहुजणस्स अंतियं एयमहं सोच्चा निसम्म जायसढे जाव भत्त -पाणं पडिदंसेति जाव पज्जुवासमाणे एवं वयासी एवं खलु अहं भंते १०, तं चैव जाव जिणसद्दं पगासेमाणे विहरइ, से कहमेतं भंते ! एवं ? तं इच्छामि णं भंते! गोसालस्स मंखलिपुत्तस्स उद्वाणपारियाणिय परिकहियं । [सु. १४-५८. भगवया परूविओ गोसलगचरियपुव्वभागो सु. १४. मंखलिमंखस्स भद्दाए भारियाए गुव्विणित्तं ] १४. 'गोतमा ! 'दी समणे भगवं महावीरे भगवं गोयमं एवं
ॐ श्री आयमगुणमंजूषा - ४३०
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |