Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 222

YOLO虽5%%%%%%步步步步男
(५) भगवई श. १३ उ. ६-७ (२०३]
%%%%%%%
%%%%
2
0
IOIC明明明明明明明明明明明明明明明明明明明明明明明明听听听听听乐明步兵听听听听听听听听听听听听乐乐乐55CM
0 सेयापीतएहिं कलसेहिं० सेसं जहा जमालिस्स (स०९ उ०३३ सु० ५७-६०) जाव सन्निसन्ने तहेव अम्मधाती, नवरं पउमावती हंसलक्खणं पडसाडगं गहाय,
सेसं तं चेव जाव सीयाओ पच्चोरुभति, सी०प०२ जेणेव समणे भगवं महावीरे तेणेव उवागच्छइ, उवा० २ समणं भगवं महावीरं तिक्खुत्तो वंदति नमसति, वं० २ उत्तरपुरस्थिमं दिसीभागं अवक्कमति, उ० अ०२ सयमेव आभरणमल्लालंकारं तं चेव, पउमावती पडिच्छइ जाव घडियध्वं सामी ! जाव नो पमादेयव्वं ति कट्ट, केसी राया पउमावती य समणं भगवं महावीरं वंदंति नमसंति, वं० २ जाव पडिगया । ३१. तए णं से उद्दायणे राया सयमेव पंचमुट्ठियं लोयं०, सेसं जहा उसभदत्तस्स (स०९ उ० ३३ सु० १६) जाव सव्वदुक्खप्पहीणे । [ सु. ३२. रज्जालाभनिमित्तेण उद्दायणरायरिसिम्मि घेराणुबद्धस्स अभीयिकुमारस्स वीतिभयनगराओ चंपाए निवासो] ३२. तए णं तस्स अभीयिस्स कुमारस्स अन्नदा कदायि पुव्वरत्तावरत्तकालसमयंसि कुडुंबजागरियं जागरमाणस्स अयमेयारूवे अज्झथिए जाव समुप्पज्जित्था - 'एवं खलु अहं उद्दायणस्स पुत्ते पभावतीए देवीए अत्तए, तए णं से उद्दण्यणे राया ममं अवहाय नियगं भागिणेज्नं केसिकुमारं रज्जे ठावेत्ता समणस्स भगवओ जाव पव्वइए' । इमेणं एतारूवेणं महता अप्पत्तिएणं मणोमाणसिएणं दुक्खेणं अभिभूए समाणे अंतेपुरपरियालसंपरिवुडे सभंडमत्तोवगरणमायाए वीतीभयाओ नगराओ निग्गच्छति, नि० २ पुव्वाणुपुव्विं चरमाणे गामाणुगामं दूइज्जमाणे जेणेव चंपा नगरी जेणेव कूणिए राया तेणेव उवागच्छइ, तेणेव उवा०२ कूणियं रायं उवसंपज्जित्ताणं विहरइ। इत्थ विणं से विउलभोगसमितिसमन्नागए यावि होत्था। [सु. ३३-३६. समणोवासगधम्मरयस्स उद्दायणवेरं अणालोइयपडिक्कंतस्स पत्तमरणस्स अभीयिकुमारस्स असुरकुमारदेवत्तेणं उववाओ ] ३३. तए णं से अभीयी कुमारे समणोवासए यावि होत्था, अभिगय० जाव विहरति । उद्दायणम्मि रायरिसिम्मि समणुबद्धवेरे यावि होत्था । ३४. तेणं कालेणं तेणं समएणं इमीसे रयणप्पभाए पुढवीए निरयपरिसामंतेसु चोसटैि असुरकुमारावाससयसहस्सा पन्नत्ता। ३५. तए णं से अभीयी कुमारे बहूई वासाइं समणोवासगपरियागं पाउणति, पाउणित्ता अद्धमासियाए संलेहणाए तीसं भत्ताई अणसणाए छेदेइ, छे० २ तस्स ठाणस्स अणालोइयपडिक्कंते कालमासे कालं किच्चा इमीसे रयणप्पभाए पुढवीए निरयपरिसामंतेसु चोयट्ठीए आतावा जाव सहस्सेसु अण्णतरंसि आतावाअसुरकुमारावासंसि आतावाअसुरकुमारदेवत्ताए उववन्ने । ३६. तत्थ णं अत्थेगइयाणं आतावगाणं असुरकुमाराणं देवाणं एग पलिओवमं ठिती पन्नत्ता। तत्थ णं अभीयिस्स वि देवस्स एगं पलिओवमं ठिती पन्नत्ता। [सु. ३७. देवलोगचवणाणंतरं अभीयिस्स सिद्धिगमणनिरूवणं ] ३७. से णं भंते! अभीयी देवे ताओ देवलोगाओ आउक्खएणं भवक्खएणं ठितिक्खएणं अणंतरं उव्वट्टित्ता कहिंगच्छिहिति? कहिं उववजिहिति? गोयमा ! महाविदेहे वासे सिज्झिहिति जाव अंतं काहिति । सेवं भंते ! सेवं भंते ! त्ति०।।१३.६||** सत्तमो उद्देसओ 'भासा' [सु. १. सत्तमुद्देसस्सुवुग्घाओ ] १.. रायगिहे जाव एवं वयासी [सु. २-५. भासाए अणत्तत्त-रूवित्त-अचित्तत्त -अजीवत्तसरूवनिरूवणं ] २. आया भंते ! भासा, अन्ना भासा ? गोयमा ! नो आता भासा, अन्ना भासा। ३. रूविं भंते ! भासा, अरूविं भासा ? गोयमा ! रूविं भासा, नो अरूविं भासा। ४. सचित्ता भंते ! भासा, अचित्ता भासा ? गोयमा ! नो जीवा भासा, अजीवा भासा। [सु. ६. अजीवाणं भासानिसेहो] ६. जीवाणं भंते ! भासा, अजीवाणं भासा ? गोयमा ! जीवाणं भासा, नो अजीवाणं भासा। [सु. ७. 'भासिज्जमाणी भासा' इति भासासरुवं ] ७. पुव्विं भंते ! भासा, भासिज्जमाणी भासा, भासासमयवीतिकंता भासा ? गोयमा ! नो पुब्विं भासा, भासिज्जमाणी भासा, नो भासासमयवीतिक्तता भासा। [सु. ८. भासिज्जमाणीए भासाए विभेयणनिरूवणं ] ८. पुव्विं भंते ! भासा भिज्जइ, भासिज्जमाणी भासा भिज्जइ, भासासमयवीतिक्कंता भासा भिज्जइ ? गोयमा ! नो पुव्विं भासा भिज्जइ, भासिज्जमाणी भासा भिज्जइ, नो भासासमयवीतिक्कंता भासा भिज्जइ। स. ९. भासाए, भेयचउक्कं ९. कतिविधा णं भंते ! भासा पन्नत्ता? गोयमा ! चउव्विहा भासा पण्णत्ता, तं जहा सच्चा मोसा सच्चामोसा असच्चामोसा। सु. १०-१३. मणं पड़च्च विइयाइअनुमसुत्तंतग्गयवत्तव्वया] १०. आता भंते ! मणे, अन्ने मणे? गोयमा ! नो आया मणे, अन्ने मणे। ११. जहा भासा तहा मणे वि जाव नो अजीवाणं मणे। Mor
945 श्री आगमगुणमजूषा - ४१८5555555555555555 94545440x9x
ORICH55555555555555555555555555
$$乐听听听听听听听听听听听听听听听听听听听2CM