Page Text
________________
(५) भगवई १३ सत्त उ४ १९९ ]
666666666666666
केवतिएहिं धम्मऽत्थिकायपएसेहिं पुट्ठा ? जहन्नपदे तेणेव संखेज्जएणं दुगुणेणं दुरूवाहिएणं, उक्कोसपए तेणेव संखेज्जपणं पंचगुणेणं दुरूवाहिएणं । (२) केवति हिं अहम्मत्थिकाहि ? एवं चेव । (३) केवतिएहिं आगासऽत्थिकाय ? तेणेव संखेज्जएणं पंचगुणेणं दुरूवाहिएणं । (४) केवतिएहिं जीवत्थिकाय० ? अणंतेहिं । (५) केवतिएहिं पोग्गलत्थिकाय० ? अणंतेहिं । (६) केवतिएहिं अद्धासमयेहिं० ? सिय पुट्ठे, सिय नो पुट्ठे जाव अणंतेहिं । ४६. (१) असंखेज्जा भंते! पोग्गलत्थिकायपएसा केवतिएहिं धम्मऽत्थि० ? जहन्नपदे तेणेव असंखेज्जएणं दुगुणेणं दुरूवाहिएणं, उक्कोसेणं तेणेव असंखेज्जएणं पंचगुणेणं दुरूवाहिएणं । (२) सेसं जहा संखेज्जाणं जाव नियमं अणतेहिं । ४७. अणंता भंते! पोग्गलऽत्थिकायपएसा केवतिएहिं धम्मऽत्थिकाय ? एवं जहा असंखेज्जा तहा अणंता वि निरवसेसं । ४८. (१) एगे भंते! अद्धासमए केवतिएहिं धम्मऽत्थिकायपदेसेहिं पुट्ठे ? सत्तहिं । (२) केवतिएहिं अहम्मऽत्थि० ? एवं चेव । (३) एवं आगासऽत्थिकाएहि वि । (४) केवतिएहिं जीव० ? अणतेहिं । (५) एवं जाव अद्धासमएहिं । ४९. (१) धम्मऽत्थिकाए णं भंते! केवतिएहिं धम्मत्थिकायपएसेहिं पुट्ठे ? नत्थि एक्केण वि । (२) केवतिएहिं अधम्मऽत्थिकायप्पएसहिं० ? असंखेज्जेहिं । (३) केवतिएहिं आगासऽत्थिकायप० ? असंखेज्जेहिं । (४) केवतिएहिं जीवऽत्थिकायपए० ? अणतेहिं । (५) केवतिएहिं पोग्गलत्थिकायपएसेहिं ? अणंतेहिं । (६) केवतिएहिं अद्धासमएहिं० ? सिय पुट्टे सिय नो पुट्ठे। जइ पुट्ठे नियमा अणतेहिं । ५०. (१) अधम्मऽत्थिकाए णं भंते ! केव० धम्मत्थिकाय० ? असंखेज्जेहिं । (२) केवतिएहिं अहम्मत्थि० ? नत्थि एक्केण वि । (३) सेसं जहा धम्मत्थिकायस्स । ५१. एवं एतेणं गमएणं सव्वे वि । सट्ठाणए नत्थेक्केण वि पुट्ठा। परट्ठाणए आदिल्लएहिं तीहिं असंखेज्जेहिं भाणियव्वं, पच्छिल्लएसु तिसू अणंता भाणियव्वा जाव अद्धासमयो त्ति - जाव केवतिएहिं अद्धासमए हिं पुट्ठे ? नत्थेक्केण वि । [सु. ५२-६३. पंचऽत्थिकायपएस- अद्धासमयाणं परोप्परं बित्थरओ पएसावगाहणानिरूवणं नवमं ओगाहणयादारं ] ५२. ( १ ) जत्थ धम्मथिकायपएसे ओगाढे तत्थ केवतिया धम्मऽत्थिकायपएसा ओगाढा ? नत्थेक्को वि । (२) केवतिया अधम्मऽत्थिकायपएसा ओगाढा ? एक्को । (३) केवतिया आगासऽत्थिकाय० ? एक्को । (४) केवतिया जीवऽत्थि० ? अनंता । (५) केवतिया पोग्गलऽत्थि० ? अणंता । (६) केवतिया अद्धा समया० ? सिय ओगाढा, सिय नो ओगाढा । जति ओगाढा अनंता । ५३. (१) जत्थ णं भंते! एगे अधम्मऽत्थिकायपएसे ओगाढे तत्थ केवतिया धम्मऽत्थि० १ एक्को । (२) केवतिया अहम्मऽत्थि० ? नत्थि एक्को वि । (३) सेसं जहा धम्मऽत्थिकायस्स । ५४. (१) जत्थ णं भंते ! एगे आगासऽत्थिकायपएसे ओगाढे तत्थ केवतिया धम्मत्थिकाय ? सिय ओगाढा, सिय नो ओगाढा । जति ओगाढा एक्को। (२) एवं अहम्मत्थिकायपएसा वि । (३) केवतिया आगासऽत्थिकाय० ? नत्थेक्को वि। (४) केवतिया जीवत्थि० ? सिय ओगाढा, सिय नो ओगाढा । जति ओगाढा अनंता। (५) एवं जाव अद्धासमया । ५५. (१) जत्थ णं भंते! एगे जीवऽत्थिकायपएसे ओगाढे तत्थ केवतिया धम्मऽत्थि० ? एक्को । (२) एवं अहम्मऽत्थिकाय० । (३) एवं आगासाऽत्थिकायपएसा वि । (४) केवतिया जीवऽत्थि० ? अनंता । (५) सेसं जहा धम्मऽत्थिकायस्स । ५६. जत्थ णं भंते! एगे पोग्गलऽत्थिकायपदेसे ओगाढे तत्थ केयतिया धम्मऽत्थिकाय ? एवं जहा जीवऽत्थिकायपएसे तहेव निरवसेसं । ५७. (१) जत्थ णं भंते! दो पोग्गलऽत्थिकायपएसा ओगाढा तत्थ केवतिया धम्मऽत्थिकाय० ? सिय एक्को, सिय दोण्णि । (२) एवं अहम्मऽत्थिकायस्स वि । (३) एवं आगासऽत्थिकायस्स वि । (४) सेसं जहा धम्मऽत्थिकायस्स । ५८. (१) जत्थ णं भंते! तिन्नि पोग्गलत्थि० तत्थ केवतिया धम्मऽत्थिकाय ? सिय एक्को, सिय दोन्नि, सिय तिन्नि । (२) एवं अहम्मऽत्थिकायस्स वि। (३) एवं आगासऽत्थिकायस्स वि । (४) सेसं जहेव दोण्हं । ५९. एवं एक्क्को वड्डियव्वो एसो आदिल्लएहिं तीहिं अत्थिकाएहिं । सेसं जहेव दोण्हं जाव दसण्हं सिय एक्को, सिय दोन्नि, सिय तिन्नि जाव सिय दस। संखेज्जाणं सिय एक्को, सिय दोन्नि, जाव सिय दस, सिय संखेज्जा । असंखेज्जाणं सिय एक्को, जाव सिय संखेज्जा, सिय असंखेज्ना । जहा असंखेज्जा एवं अणंता वि । ६०. (१) जत्थ णं भंते ! एगे अद्धासमये ओगा तत्थ केवतिया धम्मत्थि० ? एक्को । (२) केवतिया अहम्मऽत्थि० ? एक्को। (३) केवतिया आगासऽत्थि० ? एक्को । (४) केवतिया जीवऽत्थि० ? अनंता । (५) एवं जाव अद्धासमया । ६१. (१) जत्थ णं भंते ! धम्मऽत्थिकाये ओगाढे तत्थ केवतिया धम्मत्थिकायपएसा ओगाढा ? नत्थि एक्को वि । (२) केवतिया
MOTO
5 श्री आगमगुणमंजूषा - ४१४
गगगगगगगगगगम
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |