Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 217

Pos७$$5555555555555
(५) भगवई १३ सतं उ. ४ [१९८]
555555555555xox
अग्गेयीए, नवरं रुयगसंठिया पन्नत्ता । २२. एवं तमा वि। [सु. २३-२८. लोग-पंचऽत्थिकायसरूवनिरूवणं -सत्तमं पवत्तणदारं ] २३. किमियं भंते ! लोए त्ति पवुच्चइ ? गोयमा ! पंचत्थिकाया, एस णं एवतिए लोए त्ति पवुच्चइ, तं जहा धम्मऽत्थिकाए, अधम्मऽत्थिकाए, जाव पोग्गलऽत्थिकाए। २४. धम्मऽत्थिकाए णं भंते ! जीवाणं किं पवत्तति ? गोयमा ! धम्मऽत्थिकाए णं जीवाणं आगमण-गमण-भासुम्मेस-मणजोग-वइजोग-कायजोगा, जे यावन्ने तहप्पगारा चला भावा सव्वे ते धम्मऽत्थिकाए पवत्तंति । गतिलक्खणे णं धम्मत्थिकाए। २५. अहम्मऽत्थिकाए णं भंते ! जीवाणं किं पवत्तति ? गोयमा ! अहम्मऽत्थिकाए णं जीवाणं ठाणनिसीयण-तुयट्टण-मणस्स य एगत्तीभावकरणता, जे यावन्ने तहप्पगारा थिरा भाव सव्वे ते अहम्मऽत्थिकाये पवत्तंति । ठाणलक्खणे णं अहम्मत्थिकाए । २६. आगासऽस्थिकाए णं भंते ! जीवाणं किं पवत्तति ? गोयमा ! आगासऽत्थिकाए णं जीवदव्वाण य अजीवदव्वाण य भायणभूए । एगेण वि से पुण्णे, दोहि वि पुण्णे, सयं पि माएज्जा । कोडिसएण वि पुण्णे, कोडिसहस्सं पि माएज्जा ॥१॥ अवगाहणालक्खणे णं आगासत्थिकाए। २७. जीवऽत्थिकाए णं भंते ! जीवाणं किं पवत्तति? गोयमा ! जीवऽत्थिकाए णं जीवे अणंताणं आभिणिबोहियनाणपज्जवाणं अणंताणं सुयनाणपज्जवाणं एवं जहा बितियसए अत्थिकायुद्देसए (स०२ उ०१० सु०९ २) जाव उवयोगं गच्छति । उवयोगलक्खणे णं जीवे । २८. पोग्गलऽत्थिकाए पुच्छा। गोयमा ! पोग्गलऽस्थिकाए णं जीवाणं ओरालिय-वेउव्विय-आहारग-तेयाकम्मा-सोतिदिय-चक्खिदिय-घाणिदिय-जिब्भिदिय-फासिदिय-मणजोग-वइजोग-कायजोग-आणापाणूणं च गहणं पवत्तति । गहणलक्खणे णं पोग्गलत्थिकाए।
[सु. २९-५१.पंचऽत्थिकायपएस-अद्धासमयाणं परोप्परं वित्थरओपएसफुसणानिरूवणं -अट्ठमं अस्थिकायफुसणादारं] २९. (१) एगेभंते ! धम्मऽत्थिकायपएसे - केवतिएहिं धम्मऽत्थिकायपएसेहिं पुढे ? गोयमा ! जहन्नपए तीहिं, उक्कोसपए छहिं। (२) केवतिएहिं अधम्मऽत्थिकायपएसेहिं पुढे ? जहन्नपए चउहि, उक्कोसपदे
सत्तहिं। (३) केवतिएहिं आगासऽत्थिकायपदेसेहिं पुढे ? सत्तहिं। (४) केवतिएहिं जीवत्थिकायपएसेहिं पुढे ? अणंतेहिं। (५) केवतिएहिं पोग्गलऽत्थिकाय पहसेहिं पुढे ? अणंतेहिं । (६) केवतिएहिं अद्धासमएहिं पुढे ? सिय पुढे, सिय नो पुढे । जइ पुढे नियमं अणंतेहिं। ३०. (१) एगे भंते ! अहम्मऽत्थिकायपएसे केवतिएहिं धम्मऽत्थिकायपएसेहिं पुढे? गोयमा ! जहन्नपए चउहि, उक्कोसपए सत्तहिं। (२) केवतिएहिं अहम्मऽत्थिकायपदेसेहिं पुढे ? जहन्नपए तीहि, उक्कोसपदे छहिं। सेसं जहा धम्मऽत्थिकायस्स। ३१. (१) एगे भंते ! आगासऽत्थिकायपएसे केवतिएहिं धम्मऽत्थि कायपएसेहिं पुढे ? सिय पुढे, सिय नो पुढे । जति पुढे जहन्नपदे एक्केण वा दोहि वा तीहिं वा चउहिं वा, उक्कोसपदे सत्तहिं। (२) एवं अहम्मऽत्थिकायपएसेहि वि। (३) केवतिएहिं आगासऽत्थिकायपदेसेहिं०? छहिं। (४) केवतिएहिं जीवऽत्थिकायपदेसेहिं पुढे ? सिय पुढे, सिय नो पुढे । जइ पुढे नियमं अणंतेहिं। (५) एवं पोग्गलऽस्थिकायपएसेहि वि, अद्धासमयेहि वि। ३२. (१) एगे भंते ! जीवऽस्थिकायपएसे केवतिएहिं धम्मऽत्थि० पुच्छा। जहन्नपए चउहि, उक्कोसपए सत्तहिं। (२) एवं अधम्मऽत्थिकायपएसेहि वि। (३) केवतिएहिं आगासऽत्थि०? सत्तहिं। (४) केवतिएहिं जीवत्थि० ? सेसं जहा धम्मत्थिकायस्स। ३३. एगे भंते ! पोग्गलत्थिकायपएसे केवतिएहिं धम्मत्थिकायपदेसेहिं०? एवं जहेव जीवत्थिकायस्स।३४. (१) दो भंते ! पोग्गलऽत्थिकायप्पदेसा केवतिएहिं धम्मत्थिकायपएसेहिं पुट्ठा ? जहन्नपए छहिं, उक्कोसपदे बारसहिं। (२) एवं अहम्मऽत्थिकायप्पएसेहि वि। (३) केवतिएहिं आगासत्थिकाय० ? बारसहिं। (४) सेसं जहा धम्मत्थिकायस्स। ३५. (१) तिन्नि भंते ! पोग्गलऽस्थिकायपदेसाई केवतिएहिं धम्मत्थि०? जहन्नपदे अट्ठहिं, उक्कोसपदेसेहि सत्तरसहि। (२) एवं अहम्मत्थिकायपदेसेहि वि। (३) केवइएहिं आगासत्थि०? सत्तरसहि। (४) सेसं जहा धम्मत्थिकायस्स । ३६. एवं एएणं गमेणं भाणियव्वा जाव दस, नवरं जहन्नपदे दोन्नि पक्खिवियव्वा, उक्कोसपए पंच ३७. चत्तारि पोग्गलऽस्थिकाय ? जहन्नपदे दसहिं, उक्को० बावीसाए। ३८. पंच पोग्गल० ? जहं० बारसहिं, उक्कोस० सत्तावीसाए। ३९. छ पोग्गल० ? जहं चोद्दसहि, उक्को० बत्तीसाए। ४०. सत्त
पो० ? जहन्नेणं सोलसहिं, उक्को० सत्ततीसाए। ४१. अट्ठ पो० ? जहं० अट्ठारसहिं, उक्कोसेणं बायालीसाए। ४२. नव पो० ? जहं० वीसाए, उक्को० सीयालीसाए। ४३. सदस० ? जहं० बावीसाए, उक्को० बावण्णाए । ४४. आगासऽत्थिकायस्स सव्वत्थ उक्कोसगं भाणियव्वं । ४५. (१) संखेज्जा भंते ! पोग्गलऽत्थिकायपएसा rexe555555555555555555555 श्री आगमगुणमंजूषा-४१३००555555555555555555555OOR
IOS听听听听听听听听听听国乐乐乐乐乐乐乐安乐乐 明明明明明明明明明明明明明明明明斯乐玉乐乐乐乐乐乐玩5C
1955555555555555555555555555555555555555555555555555501