Page Text
________________
(५) भगवई १३ सतं उ २३.४ [१९६]
ॐॐॐॐॐॐॐ १४. सोहम्मे णं भंते! कप्पे बत्तीसाए विमाणावाससयसहस्सेसु संखेज्जवित्थडेसु विमाणेसु एगसमएणं केवतिया सोहम्मा देवा उववज्जति ? केवतिया तेउलेस्सा उववज्नंति ? एवं जहा जोतिसियाणं तिन्नि गमा तहेव भाणियव्वा, नवरं तिसु वि संखेज्ना भाणियव्वा । ओहिनाणी ओहिदंसणी य चयावेयव्वा । सेसं तं चेव । असंखेज्जवित्थडेसु एवं चेव तिन्नि गमा, नवरं तिसु वि गमएस असंखेज्जा भाणियव्वा । ओहिनाणी ओहिदंसणी य संखेज्जा चयंति । सेसं तं चेव । १५. एवं जहा सोहम्मे त्वया भणिया तहा ईसाणे वि छ गमगा भाणियव्वा । १६. सणकुमारे एवं चेव, नवरं इत्थिवेदगा उववज्जंतेसु पन्नत्तेसु य न भण्णंति, असण्णी तिसु वि गमएसु न भणति । सेसं तं चेव । १७. एवं जाव सहस्सारे, नाणत्तं विमाणेसु, लेस्सासु य । सेसं तं चेव । १८. आणय पाणएसु णं भंते! कप्पेसु केवतिया विमाणावाससयसहस्सा पन्नत्ता ? गोयमा ! चत्तारि विमाणावाससयसहस्सा पन्नत्ता । १९. ते णं भंते! किं संखेज्ज० पुच्छा । गोयमा ! संखेज्नवित्थडा वि, असंखेज्जवित्थडा वि । एवं संखषज्जवित्थडेसु तिन्नि गमगा जहा सहस्सारे। असंखेज्नवित्थडेसु उववज्जंतेसु य चयंतेसु य एवं चेव संखेज्जाभाणियव्वा । पन्नत्तेसु असंखेज्जा, नवरं नोइंदियोवउत्ता, अतरोववन्नगा, अणंतरोगाढगा, अणंतराहारगा, अणंतरपज्जत्तगा य, एएसिं जहन्नेणं एक्को वा दो वा तिण्णि वा, उक्कोसेणं संखेज्जा पन्नत्ता । सेसा असंखेज्जा भाणियव्वा । २०. आरणऽच्छुएसु एवं चेव जहा आणय- पाणतेसु, नाणत्तं विमाणेसु । २१. एवं गेवेज्जगा वि । २२. कति णं भंते ! अणुत्तरविमाणा पन्नत्ता ? गोयमा ! पंच अणुत्तरविमाणा पत्ता । २३. ते णं भंते ! किं संखेज्जवित्थडा, असंखेज्जवित्थडा ? गोयमा ! संखेज्नवित्थडे य असंखेज्जवित्थडा य । २४. पंचसु णं भंते ! अणुत्तरविमाणेसु संखेज्ज वित्थडे विमाणे एगसमएणं केवतिया अणुत्तरोववातिया देवा उववज्र्ज्जति ? केवतिया सुक्कलेस्सा उववज्जति १० पुच्छा तहेव । गोयमा ! पंचसु णं अणुत्तरविमाणेसु संखेज्जवित्थडे अणुत्तरोविमाणे एगसमएणं जहन्नेणं एक्को वा दो वा तिण्णि वा, उक्कोसेणं संखेज्जा अणुत्तरोववातिया देवा उववज्र्ज्जति । एवं जहा वेज्जविमाणेसु संखेज्जवित्थडेसु, नवरं कण्हपक्खिया, अभवसिद्धिया, तिसु अन्नणेसु एए न उववज्जंति, न चयंति, न वि पन्नत्तएसु भाणियव्वा, अचरिमा वि खोडिज्जंति जाव संखेज्जा चरिमा पन्नत्ता । सेसं तं चेव । असंखेज्जवित्थडेसु वि एते न भण्णंति, नवरं अचरिमा अत्थि । सेसं जहा गेवेज्जएस असंखेज्जवित्थडेसु जाव असंखेज्जा अचरिमा पन्नत्ता । [सु. २५-२७. चउव्विहाणं देवाणं संखेज्न असंखेज्नवित्थडेसु आवासेसु सम्मद्दिद्विआईणं उववाय-उवट्टणा - अविरहियत्तविसयाणं पहाणं समाहाणं] २५. चोयट्ठीए णं भंते! असुरकुमारावाससयसहस्सेसु संखेज्जवित्थडेसु असुरकुमारावासेसु किं सम्मद्दिट्ठी असुरकुमारा उववज्जंति, मिच्छद्दिट्ठी १० एवं जहा रयणप्पभाए तिन्नि आलावगा भणिया तहा भाणियव्वा । एवं असंखेज्जवित्थडेसु वि तिन्नि गमा । २६. एवं जाव गेवेज्जविमाणेसु । २७. अणुत्तरविमाणेसु एवं चेव, नवरं तिसु वि आलावएसु मिच्छादिट्ठी सम्मामिच्छद्दिट्ठी य न भण्णंति । सेसं तं चैव । [सु. २८-३१. लेस्सं पडुच्च देवलोओववायपरूवणा] २८. से नूणं भंते ! कण्हलेस्से नील० जाव सुक्कलेस्से भवित्ता कण्हलेस्सेसु देवेसु उववज्जंति ? हंता, गोयमा ! ० एवं जहेव नेरइएस पढमे उद्देसए तहेव भाणियव्वं । २९. नीललेस्साए वि जव नेरइयाणं जहा नीललेस्साए । ३०. एवं जाव पम्हलेस्सेसु । ३१. सुक्कलेस्सेसु एवं चेव, नवरं लेसाठाणेसु विसुज्झमाणेसु विसुज्झमाणेसु सुक्कलेस्सं परिणमति, सुक्कलेसं परिणमित्ता सुक्कलेस्सेसु देवेसु उववज्जंति, से तेणद्वेणं जाव उववज्जति । सेवं भंते! सेवं भंते! ति० ।। १३.२॥ ★★★ ततिओ उद्दसओ 'अणंतर' ★★★ [सु. १. चउवीसइदंडएसु परियारणाइजाणणत्थं पण्णवणासुत्तावलोयणनिद्देसो ] १. नेरतिया णं भंते ! अणंतराहारा ततो निव्वत्तणया । एवं परियारणापदं निरवसेसं भाणियव्वं । सेवं भंते! सेवं भंते ! ति० ॥ ॥ १३.३ ॥ ★★★ चउत्थो उद्देसओ 'पुढवी' ★★★ [सु. १. सत्तपुढविनामपरूवणा ] १. कति णं भंते ! पुढवीओ पन्नत्ताओ ? गोयमा ! सत्त पुढवीओ पण्णत्ताओ, तं जहा रयणप्पभा जाव अहेसत्तमा । [सु. २५. सत्तण्हं नरयपुढवीणं नरयावाससंखानिरूवणपुव्वयं अणेयपदेहिं परोप्परं तुलणा पढमं नेरइयदारं ] २. अहेसत्तमाएं णं पुढवीए पंच अणुत्तरा महतिमहालया जाव अपतिट्ठाणे । तेणं रगा छट्टाए तमाए पुढवीए नरएहिंतो महत्तरा चेव १, महावित्थिण्णतरा चेव २, महोवासतरा चेव ३, महापतिरिक्कतरा चेव ४, नो तहा महावेसणतरा चेव १,
MOTOR श्री आगमगुणमंजूषा ४११
YO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |