Page Text
________________
फफफफफफफफफ
phx
असंखेज्जवित्थडेसु वि तिणि गमगा । [सु. २८-३०. लेस्सं पडुच्च नरयोववापरूवणा ] २८. (१) से नूणं भंते ! कण्हलेस्से नीललेस्से जाव सुक्कलेस्से भवित्ता कण्हलेस्सेसु नेरइएसु उव्वद्वंति ? हंता, गोयमा ! कण्हलेस्से जाव उववज्जति । (२) से केणट्टेणं भंते ! एवं वुच्चइ 'कण्हलेस्से जाव उववज्जंति' ? गोयमा ! लेस्साणेसु संकिलिस्समाणेसु संकिलिस्समाणेसु कण्हलेसं परिणमड़ कण्हलेसं परिणमित्ता कण्हलेस्सेसु नेरइएस उववज्जंति, से तेणट्टेणं जाव उववज्र्ज्जति । २९. (१) से नूणं भंते! कण्हलेस्से जाव सुक्कलेस्से भवित्ता नीललेस्सेसु नेरइएस उववज्जंति ? हंता, गोयमा ! जाव उववज्र्ज्जति । (२) से केणट्टेणं जाव उववज्जंति ? गोयमा ! लेस्सद्वाणेसु संकिलिस्समाणेसु वा विसुज्झमाणेसु वा नीललेस्सं परिणमति, नीललेसं परिणमित्ता नीललेस्सेसु नेरइएसु उववज्जंति, सेतेणद्वेणं गोयमा ! जाव उववज्र्ज्जति । ३०. से नूणं भंते! कण्हलेस्से नील० जाव भवित्ता काउलेस्सेसु नेरइएस उववज्र्ज्जति ? एवं जहा नीललेस्साए तहा काउलेस्सा वि भाणियव्वा जाव से तेणट्टेणं जाव उववज्र्ज्जति । सेवं भंते ! सेवं भंते! ति० ॥ ॥। १३.१ ॥ ★★★ बीओ उद्देसओ 'देव' ★★★ [सु. १. चउव्विहदेवभेयपरूवणा] १. कतिविधा णं भंते ! देवा पन्नत्ता ? गोयमा ! चउव्विहा देवा पन्नत्ता, तं जहा भवणवासी वाणमंतरा जोतिसिया वेमाणिया । [सु. २. भवणवासिदेवाणं दसभेयपरूवणं ] २. भवणवासी णं भंते! देवा कतिविधा पन्नत्ता ? गोयमा ! दसविहा पण्णत्ता, तं जहा असुरकुमारा० एवं भेदो जहा बितियसए देवुद्देसए (स० २ उ० ७) जाव अपराजिया सव्वट्ठसिद्धगा। [सु. ३-४. असुरकुमारदेवाणं भवणावाससंखा संखेज्ज असंखेज्जवित्थडत्तं च ] ३. केवतिया णं भंते! असुरकुमारावाससयसहस्सा पन्नत्ता? गोयमा ! चोसट्ठि असुरकुमारावाससयसहस्सा पन्नत्ता । ४. ते णं भंते! किं संखेज्जवित्थडा, असंखेज्जवित्थडा ? गोयमा ! संखेज्जवित्थडा वि असंखेज्जवित्थडा वि । [ सु. ५. पढमुद्देसस्स छट्ठसुत्तंतग्गयएगूणचत्तालाणं अट्ठमसुत्तंतग्गयएगूणपन्नासाणं च पण्हाणं असुरकुमारदेवे पडुच्च समाहाणं ] ५. (१) चोयट्ठीए णं भंते ! असुरकुमारावाससयसहस्सेसु संखेज्जवित्थडेसु असुरकुमारावासेसु एगसमयेणं केवतिया असुरकुमारा उववज्र्ज्जति ? जाव केवतिया तेउलेस्सा उववज्जंति ? केवतिया कण्हपक्खिया उववज्जंति ? एवं जहा रयणप्पभाए तहेव पुच्छा, तहेव वागरणं, नवरं दोहिं वि वेदेहिं उववज्जंति, नपुंसगवेयगा न उववज्र्ज्जति । सेसं तं चेव । (२) उता वि तहेव, नवरं असण्णी उव्वट्टंति, ओहिनाणी ओहिदंसणी य ण उव्वट्टंति, सेसं तं चेव । पन्नत्तएस तहेव, नवरं संखेज्जगा इत्थवेदगा पन्नत्ता । एवं पुरिसवेदगा वि । नपुंसगवेदगा नत्थि । कोहकसायी सिय अत्थि, सिय नत्थि; जइ अत्थि जहन्नेण एक्को वा दो वा तिन्नि वा, उक्कोसेणं संखेज्जा पन्नत्ता । एवं माण० माय० | संखेज्जालोभकसायी पन्नत्ता । सेसं तं चेव तिसु वि गमएस चत्तारि लेस्साओ भाणियव्वाओ। (३) एवं असंखेज्जवित्थडेसु वि, नवरं तिसु वि गमएसु असंखेज्जा भाणियव्वा जाव असंखेज्जा अचरिमा पन्नत्ता । [सु. ६. नागकुमाराइथणियकुमारपज्जंतेसु पंचमसुत्तुत्तवत्तव्वया ] ६. केवतिया णं भंते! नागकुमारावास० ? एवं जाव थणियकुमारा, नवरं जत्थ जत्तिया भवणा । [सु. ७-९ वाणमंतरदेवे पडुच्च तइयाइपंचमसुत्ततग्गयपण्हाणं समाहाणं ] ७. केवतिया णं भंते ! वाणमंतरावाससयसहस्सा पन्नत्ता ? गोयमा ! असंखेज्जा वाणमंतरावाससयसहस्सा पन्नत्ता । ८. ते णं भंते! किं संखेज्जवित्थडा, असंखेज्जवित्थडा ? गोयमा ! संखेज्जवित्थडा, नो असंखेज्जवित्थडा । ९. संखेज्जेसु णं भंते! वाणमंतरावाससयसहस्सेसु एगसमएणं केवतिया वाणमंतरा उववज्जंति ? एवं जहा असुरकुमाराणं संखेज्नवित्थडेसु तिण्णि गमा तहेव भाणियव्वा वाणमंतराण वि तिणि गमा । [ सु. १०-११. जोइसियदेवे पडुच्च तइयाइपंचमसुत्तंतग्गयपण्हाणं समाहाणं ] १०. केवतिया णं भंते! जोतिसियविमाणावाससयसहस्सा पन्नत्ता ? गोयमा ! असंखेज्ना जोतिसिया विमाणावाससयसहस्सा पन्नत्ता । ११. ते णं भंते ! किं संखेज्जवित्थडा० ? एवं जहा वाणमंतराणं तहा जोतिसियाण वि न्नि गमा भाणियव्वा, नवरं एगा तेउलेस्सा। उवज्जंतेसु पन्नत्तेसु य असन्नी नत्थि । सेसं तं चेव । [सु. १२-२४. कप्पवासि-गेवेज्जग- अणुत्तरदेवे पडुच्च तइयापंचमसुत्तंतग्गयपण्हाणं समाहाण] १२. सोहम्मे णं भंते! कप्पे केवतिया विमाणावाससयसहस्सा पन्नत्ता ? गोमा ! बत्तीसं विमाणावाससयसहस्सा पन्नत्ता । १३. ते णं भंते! किं संखेज्जवित्थडा, असंखेज्जवित्थडा ? गोयमा ! संखेज्जवित्थड़ा वि, असंखेज्जवित्तडा वि ।
ॐ श्री आगमगुणमजूषा - ४१०५०
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |