Page Text
________________
(५) भगवई १२ सतं उ- १०/१३ सतं उ १ [१९२]
यि ३, सिय आया य नो आया य ४-७, सिय आया य अवत्तव्वं ८-११, सिय नो आया य अवत्तव्वं १२-१५, सिय आया य नो आया य अवत्तव्वं आया ति य नो आयात १६, सिय आया य नो आया य अवत्तव्वाई -आयाओ य नो आयाओ १७, सिय आया य नो आयाओ य अवत्तव्वं आया ति य नो आया ति य १८, सिय आयाओ य नो आया य अवत्तव्वं आया ति य नो आया ति य १९ । (२) से केणट्टेणं भंते ! एवं वुच्चइ चउप्पएसिए खंधे सिय आया य, नो आया य, अवत्तव्वं० तं चेव अट्ठे पडिउच्चारेयव्वं । गोयमा ! अप्पणो आदिट्ठे आया १, परस्स आदिट्ठे नो आया २, तदुभयस्स आदिट्ठे अवत्तव्वं० ३, देसे आदिट्ठे सब्भावपज्जवे, देसे आदिट्ठे अब्भावपज्जवे चउभंगो, सब्भावपज्जवेणं तदुभयेण य चउभंगो, असब्भावेणं तदुभयेण य चउभंगो; देसे आदिट्ठे सब्भावपज्जवे, देसे आदिट्ठे असन्भावपज्जवे, देसे आदिट्ठे तदुभयपज्जवे चउप्पएसिए खंधे आया य, नो आया य, अवत्तव्वं आया ति य नो आया तिय; देसे आदिट्ठे सब्भावपज्जवे, देसे आदिट्ठे असब्भावपज्जवे, देसा आदिट्ठा तदुभयपज्जवा चउप्पएसिए खंधे आया य, नो आया य, अवत्तव्वाई- आयाओ य नो आयाओ य १७, देसे आदिट्ठे सब्भावपज्जवे, देसा आदिट्ठा असब्भावपज्जवा, देसे आदिट्ठे तदुभयपज्जवे चउप्पए सिए खंधे आया य, नो आयाओ य, अवत्तव्वं आया ति य नो आया ति य १८, देसा आदिट्ठा सब्भावपज्जवा, देसे आदिट्ठे असब्भावपज्नवे, देसे आदिट्ठे तदुभयपज्जवे चउप्पएसिए खंधे आताओ य, नो आया य, अवत्तव्वं आया ति य नो आया ति य १९ । सेतेणट्टेणं गोयमा ! एवं वुच्चइ चउप्पएसिए खंधे सिय आया, सिय नो आया, सिय अवत्तव्वं । निक्खेवे ते चेव भंगा उच्चारेयव्वा जाव नो आया ति य । ३१. (१) आया भंते! पंचपएसिए खंधे, अन्ने पंचपएसिए खंधे ? गोयमा ! पंचपएसिए खंधे सिय आया १, सिय नो आया २, सिय अवत्तव्वं आया ति य नो आया ति य ३, सिय आया य नो आया य ४-७, सिय आया य अवत्तव्वं ८-११, नो आया य आया अवत्तव्वेण य १२-१५, तियगसंजोगे एक्को ण पडइ १६-२२ । २ से केणट्टेणं भंते !० तं चेव पडिउच्चारेयव्वं । गोयमा ! अप्पणो आदिट्ठे आया १, परस्स आदिट्ठे नो आया २, तदुभयस्स आदिट्ठे अवत्तव्वं० ३, देसे आदिट्ठे सब्भावपज्जवे, देसे आदि असब्भावपज्जवे, एवं दुयगसंजोगे सव्वे पडंति । तियसंजोगे एक्को ण पडइ । ३२. छप्पएसियस्स सव्वे पडंति । ३३. जहा छप्पएसिए एवं जाव अणतपएसिए । सेव भंते ! सेवं भंते ! त्ति जाव विहरति । ॥ १२.१०॥ 555 || बारसमं सयं समत्तं ||१२|| तेरसमं सयं प्रफ़ [सु. १. तेरसमयस्स उद्देसनामपरूवणा] १. पुढवी १ देव २ मणंतर ३ पुढवी ४ आहारमेव ५ उववाए ६ । भासा ७ कम्म ८ Sणगारे केयाघडिया ९ समुग्धाए १० ॥ ★★★ पढमो उद्देसओ 'पुढवी' ★★★ [ सु. २. पढमुद्देसस्सुवुग्घाओ] २. रायगिहे जाव एवं वयासी [सु. ३. सत्तपुढवीनामपरूवणा] ३. कति णं भंते! पुढवीओ पन्नत्ताओ ? गोयमा ! सत्त पुढवीओ पन्नत्ताओ, तं जहा रयणप्पभा जाव अहेसत्तमा । [ सु. ४-५. रयणप्पभापुढवीनिरयावासाणं संखा संखेज्न असंखेज्नवित्थडत्तं च ] ४. इमीसे णं भंते ! रयणप्पभाए पुढवीए केवतिया निरयावाससयसहस्सा पन्नत्ता ? गोयमा ! तीसं निरयावाससयसहस्सा पन्नत्ता । ५. ते णं भंते ! किं संखेज्जवित्थडा, असंखेज्नवित्थडा ? गोयमा ! संखेज्नवित्थडा वि, असंखेज्जवित्थडा वि । [सु. ६. रयणप्पभापुढवीए संखेज्जवित्थडेसु निरयावासेसु उववन्नगाणं नारयाणं एगसमओववायसंखाइअणागारोवउत्तोववायसंखाविसयाणं एगूणचत्तालाणं पण्हाणं समाहाणं ] ६. इमीसे णं भंते ! रयणप्पभाए पुढवीए तीसाए निरयावाससयसहस्सेसु संखेज्जवित्थडेसु नरएस एगसमएणं केवतिया नेरइया उववज्जति ? १, केवतिया काउलेस्सा उववज्जंति ? २, केवतिया कण्हपक्खिया उववज्जंति ? ३, केवतिया सुक्कपक्खिया उववज्जंति ? ४, केवतिया सन्नी उववज्जंति ? ५, केवतिया असन्नी उववज्नंति ? ६, केवतिया भवसिद्धिया उववज्र्ज्जति ? ७, केवतिया अभवसिद्धिया उववज्जति ? ८, केवतिया आभिणिबोहियनाणी उववज्र्ज्जति ? ९, केवतिया सुयनाणी उववज्जंति ? १०, केवतिया ओहिनाणी उववज्जंति ? ११, केवतिया मतिअन्नाणी उववज्जंति ? १२, केवतिया सुयअन्नाणी उववज्जंति ? १३, केवतिया विभंगनाणी उववज्जति ? १४, केवतिया चक्खुदंसणी उववज्जंति ? १५, केवतिया अचक्खुदंसणी उववज्जंति ? १६, केवतिया ओहिदंसणी उववज्र्ज्जति ? १७, केवतिया आहारसण्णोवउत्ता उववज्जंति ? १८, केवतिया भयसण्णोवउत्ता
श्री आगमगुणमंजूषा - ४०७ GOR
फ्र
STOR
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |