Page Text
________________
(५) भगवई १२ सतं उ ९१० [१९०]
||बारसमसयस्स नवमो ।। १२.९ ॥ ★★★ दसमो उसओ 'आता' ★★★ [सु. १. आयाए अट्टभेया ] १. कतिविधा णं भंते! आता पन्नत्ता ? गोयमा ! अट्टविहा आता पन्नत्ता, तं जहा दवियाया कसायाया जोगाया उवयोगाता णाणाया दंसणाया चरित्ताया वीरियाया । [ सु. २-८. दवियायाईण अट्ठण्हं परोप्परं सहभाव -असहभावनिरूवणं ] २. (१) जस्स णं भंते! दवियाया तस्स कसायाया, जस्स कसायाया तस्स दवियाया ? गोयमा ! जस्स दवियाया तस्स कसायाता सिय अत्थि सिय नत्थि, जस्स पुण कसायाया तस्स दवियाया नियमं अस्थि । (२) जस्स णं भंते! दवियाता तस्स जोगाया० ? एवं जहा दवियाया य कसायाता य भणिया तहा दवियाया य जोगाया य भाणियव्वा । (३) जस्स णं भंते! दवियाया तस्स उवयोगाया० ? एवं सव्वत्थ पुच्छा भाणियव्वा । जस्स दवियाया तस्स उवयोगाया नियम अत्थि, जस्स वि उवयोगाया तस्स वि दवियाया नियमं अत्थि । जस्स दवियाया तस्स नाणाया भयणाए, जस्स पुण नाणाया तस्स दवियाता नियमं अत्थि । जस्स दवियाया तस्स दंसणाया नियमं अत्थि, जस्स वि दंसणाया तस्स दवियाया नियमं अत्थि । जस्स दवियाया तस्स चरित्ताया भयणाए, जस्स पुण चरिताया तस्स दवियाया नियमं अत्थि । एवं वीरियायाए वि समं । ३. (१) जस्स णं भंते ! कसायाया तस्स जोगाया० पुच्छा। गोयमा ! जस्स कसायाता तस्स जोगाया नियमं अत्थि, जस्स पुण जोगाया तस्स कसायाया सिय अत्थि सिय नत्थि । (२) एवं उवयोगायाए वि समं कसायाता नेयव्वा । (३) कसायाया य नाणाया य परोप्परं दो वि भइयव्वाओ। (४) जहा कसायाया य उवयोगाया य तहा कसायाया य दंसणाया य । ५ कसायाया य चरित्ताया य दो वि परोप्परं भइयव्वाओ । (६) जहा कसायाया य जोगाया य तहा कसायाया य वीरियाया य भाणियव्वाओ। ४. एवं जहा कसायाताए वत्तव्वयाभणिया तहा जोगायाए वि वरमाहिं समं भाणियव्वा । ५. जहा दवियायाए वत्तव्वया भणिया तहा उवयोगायाए वि उवरिल्लाहिं समं भणियव्वा । ६. (१) जस्स नाणाया तस्स दंसणाया नियमं अत्थि, जस्स पुण दंसणाया तस्स णाणाया भयणाए। (२) जस्स नाणाया तस्स चरिताया सिय अत्थि सिय नत्थि, जस्स पुण चरिताया तस्स ना नियमं अत्थि । (३) णाणाया य वीरियाया य दो वि परोप्परं भयणाए । ७. जस्स दंसणाया तस्स उवरिमाओ दो वि भयणाए, जस्स पुण ताओ तस्स दंसणाया नियम अत्थि । ८. जस्स चरित्ताया तस्स वीरियाया नियमं अत्थि, जस्स पुण वीरियाया तस्स चरित्ताया सिय अत्थि सिय नत्थि । [ सु. ९. अट्ठविहाणं आयाणं अप्पाबहुयं ] ९. एयासि णं भंते! दवियायाणं कसायाणं जाव वीरियायाण य कयरे कयरेहिंतो जाव विसेसाहिया वा ? गोयमा ! सव्वत्थोवाओ चरित्तायाओ, नाणायाओ अनंतगुणाओ, कसायायाओ अणंतगुणाओ, जोगायाओ विसेसाहियाओ, वीरियायाओ विसेसाहियाओ, उययोग-दविय-दंसणायाओ तिणि वि तुल्लाओ विसेसाहियाओ। [सु. १०. नाणं पडुच्च आयसरूवनिरूवणं ]१०. आया भंते! नाणे, अन्ने नाणे ? गोयमा ! आया सिय नाणे, सिय अन्नाणे, णाणे पुण नियमं आया। [सु. ११-१५, चउवीसइदंडएसु नाणं पडुच्च आयनिरूवणं ]११. आया भंते । नेरइयाणं नाणे, अन्ने नेरइयाणं नाणे ? गोयमा ! आया नेरइयाणं सिय अन्नाणे, नाणे पुण से नियमं आया । १२. एवं जाव तणियकुमाराणं । १३. आया भंते! पुढविकाइयाणं अन्नाणे, अन्ने पुढविकाइयाणं अन्नाणे ? गोयमा ! आया पुढविकाइयाणं नियमं अन्नाणे, अण्णाणे वि नियमं आया । १४. एवं जाव वणस्सतिकाइयाणं । १५. बेइंदिय - तेइदिय० जाव वेमाणियाणं जहा नेरइयाणं । [ सु. १६. दसणं पडुच्च आयसरूवनिरूवणं ] १६. आया भंते ! दंसणे, अन्ने दंसणे ? गोयमा ! आया नियमं दंसणे, दंसणे वि नियमं आया। [सु. १७-१८. चउवीसदंडएस दंसणं पडुच्च आयनिरूवणं ]१७. आया भंते! नेरइयाणं दंसणे, अन्ने नेरइयाणं दंसणे ? गोयमा ! आया नेरइयाणं नियमं दंसणे, दंसणे वि से नियमं आया । १८. एवं जाव वेमाणियाणं निरंतरं दंडओ । [सु. १९-२१. रयणप्पभाइपुढवीभावाणं अत्तत्तादिभावेण परामरिसो ]१९. (१) आया भंते! रयणप्पभा पुढवी, अन्ना रयणप्पभा पुढवी ? गोयमा ! रयणप्पभा पुढवी सिय आया, सिय नो आया, सिय अवत्तव्वं आया ति य, नो आता ति य । (२) से केणद्वेणं भंते! एवं वुच्चति 'रयणप्पा पुढवी सिय आता, सिय नो आया, सिय अवत्तव्वं- आता ति य, नो आया ति य' ? गोयमा ! अप्पणो आदिट्ठे आया, परस्स आदिट्ठे नो आता, तदुभयस्स आदिट्ठे अवत्तव्वंरयणप्पा पुढवी आयाति य, नो आया ति य । सेतेणद्वेणं तं चेव जाव नो आया ति य । २०. आया भंते ! सक्करप्पभा पुढवी १० जहा रयणप्पभा पुढवी तहा HORO श्री आगमगुणमंजूषा ४०५
ON
GEEK
原
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |