Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 208

AOUSaamaanaanaa
m analy
3000१६ १२.०७.
१८,
2137153573111 15ATEJNOR
C}乐明听听听听听听听听听听听听听听听听听听听乐乐乐乐乐乐乐乐乐乐乐明明明明明明明明明明乐乐乐乐乐乐5C
सव्वेसु उववज्जति जाव सव्वट्ठसिद्ध त्ति । सेसा खोडेयव्वा । ११. भावदेवा णं भंते ! कओहिंतो उववज्जति १० एवं जहा वक्कंतीए भवणवासीणं उववातो तहा भाणियव्वं । [सु. १२-१६. भवियदव्वदेवाइपंचविहदेवाणं ठिइपरूवणं ] १२. भवियदव्वदेवाणं भंते ! केवतियं कोलं ठिती पन्नत्ता ? गोयमा ! जहन्नेणं अंतोमुहत्तं, उक्कोसेणं तिण्णि पलिओवमाइं । १३. नरदेवाणं० पुच्छा। गोयमा ! जहन्नेणं सत्त वाससयाई, उक्कोसेणं चउरासीतिं पुव्वसयसहस्साइं। १४. धम्मदेवाणं भंते ! पुच्छा । गोयमा ! जहन्नेणं अंतोमुहुत्तं, उक्कोसेणं देसूणा पुव्वकोडी। १५. देवातिदेवाणं० पुच्छा । गोयमा ! जहन्नेणं बावत्तरि वासाइं, उक्कोसेणं चउरासीइं पुव्वसयसहस्साइं। १६. भावदेवाणं० पुच्छा। गोयमा ! जहन्नेणं दसवाससहस्साइं, उक्कोसेणं तेत्तीसं सागरोवमाइं। सु. १७-२०. भवियदेव्वदेवाइपंचविहदेवाणं विउव्वणापरूवणा ] १७. भवियदव्वदेवा णं भंते ! किं एगत्तं पभू विउव्वित्तए, पुहत्तं पि पभू विउवित्तए ? गोयमा ! एगत्तं पि पभू विउवित्तए, पुहत्तं पि पभू विउव्वित्तए। एगत्तं विउव्वमाणे एगिदियरूवं जाव पंचिंदियरूवं वा, पुहत्तं विउव्वमाणे एगिदियरूवाणि वा जावपंचिदियरूवाणि वा। ताइं संखेज्जाणि वा असंखेजाणि वा, संबद्धाणि वा असंबद्धाणि वा, सरिसाणि वा असरिसाणि वा विउव्वंति, विउव्वित्ता तओ पच्छा जहिच्छियाइं कज्जाइं करेति । १८. एवं नरदेवा वि, धम्मदेवा वि। १९. देवातिदेवाणं० पुच्छा । गोयमा ! एगत्तं पिपभू विउव्वित्तए, पुहत्तं पिपभू विउव्वित्तए, नो चेवणं संपत्तीए विउव्विंसुवा, विउव्वंति वा, विउव्विस्संति वा । २०. भावदेवा जहा भवियदव्वदेवा । [सु. २१-२५. भवियदव्वदेवाइपंचविहदेवाणं उव्वट्टणापरूवणं ] २१. (१) भवियदेव्वदेवा णं भंते ! अणंतरं उव्वट्टित्ता कहिं गच्छंति ? कहिं उववज्जति ? किं नेरइएसु उववज्जंति, जाव देवेसु उववज्जति ? गोयमा ! नो नेरइएसु उववज्जति, नो तिरि०, नो मणु, देवेसु उववज्जति । (२) जइ देवेसु उववज्जति०? सव्वदेवेसु उववजति जाव सव्वट्ठसिद्ध त्ति । २२. (१) नरदेवा णं भंते ! अणंतरं उव्वट्टित्ता० पुच्छा। गोयमा ! नेरइएसु उववज्जति, नो तिरि०, नो मणु०, नो देवेसु उववज्जति । (२) जइ नेरइएसु उववज्जति, सत्तसु वि पुढवीसु उववज्जति। २३. (१) धम्मदेवा णं भंते ! अणंतरं० पुच्छा । गोयमा ! नो नेरइएसु उववज्जति, नो तिरि०, नो मणु०, देवेसु उववज्जति । (२) जइ देवेसु उववज्जति किं भवणवासि० पुच्छा । गोयमा! नों भवणवासिदेवेसु उववज्जति, नो वाणमंतर०, नो जोतिसिय०, वेमाणियदेवेसु उववज्जति -सव्वेसु वेमाणिएसु उववज्जंति जाव सव्वट्ठसिद्धअणु० जाव उववज्जति । अत्थेगइया सिझंति जाव अंतं करेंति । २४. देवातिदेवा अणंतरं उव्वट्टित्ता कहिं गच्छंति ? कहिं उववज्जति ? गोयमा ! सिझंति जाव अंतं करेंति । २५. भावदेवा णं भंते ! अणंतरं उव्वट्टित्ता पुच्छा । जहा वक्कंतीए असुरकुमाराणं उव्वट्टणातहाभाणियव्वा। सु.२६. भवियदव्वदेवाइपंचविहदेवाणं अणुबंधपरूवणं] २६. भवियदव्वदेवेणं भंते ! 'भवियदव्वदेवे' त्ति कालओ केवचिरं होइ ? गोयमा ! जहन्नेणं अंतोमुहुत्तं, उक्कोसेणं तिण्णि पलिओवमाई। एवं जच्चेव ठिई सच्चेव संचिट्ठणा वि जाव भावदेवस्स । नवरं धम्मदेवस्स जहन्नेणं एवं समयं, उक्कोसेणं देसूणा पुव्वकोडी। [सु. २७-३१. भवियदव्वदेवाइपंचविहदेवाणं अंतरपरूवणं ] २७. भवियदव्वदेवस्स णं भंते ! केवतियं कालं अंतरं होति ! गोयमा ! जहन्नेणं दस वाससहस्साइं अंतोमुहुत्तमब्भहियाई, उक्कोसेणं अणंतं कालंवणस्सतिकालो । २८. नरदेवाणं पुच्छा । गोयमा ! जहन्नेणं सातिरेगं सागरावमं, उक्कोसेणं अणंतं कालं अवडं पोग्गलपरियट्टे देसूणं । २९. धम्मदेवस्सणं० पुच्छा। गोयमा ! जहन्नेणं पलिओवमपुहत्तं, उक्कोसेणं अणंतं कालं अवटुं पोग्गलपरियट्ट देसूर्ण । ३०. देवातिदेवाणं पुच्छा । गोयमा ! नत्थि अंतरं । ३१. भावदेवस्सणं० पुच्छा । गोयमा ! जहन्नेणं अंतोमुहत्तं, उक्कोसेणं अणंतं कालंवणस्सतिकालो। [सु. ३२. भवियदव्वदेवाइपंचविहदेवाणं अप्पाबहुयं ] ३२. एएसिणं भंते ! भवियदव्वदेवाणं नरदेवाणं जाव भावदेवाणं य कयरे कयरेहितो जाव विसेसाहिया वा ? गोयमा ! सव्वत्थोवा नरदेवा, देवातिदेवा संखेज्जगुणा, धम्मदेवा संखेजगुणा, भवियदव्वदेवा असंखेज्जगुणा, भावदेवा असंखेजगुणा। [सु. ३३. भवणवासिआईणं भावदेवाणं अप्पाबहुयं] ३३. एएसिणं भंते ! भावदेवाणं-भवणवासीणं वाणमंतराणं जोतिसियाणं, वेमाणियाणं-सोहम्मगाणं जाव अच्चुतगाणं, गेवेज्जगाणं अणुत्तरोववाइयाण य कयरे कयरेहितो जाव विसेसाहिया वा? गोयमा ! सव्वत्थोवा अणुत्तरोववातिया भावदेवा, उवरिमगेवेज्जा भावदेवा संखेजगुणा,
जाव आणते कम्पे देवा संखेज्जगुणा एवं जहा जीवाभिगमे तिविहे देवपुरिसे अप्पाबहुयं जाव जोतिसिया भावदेवा असंखेज्जगुणा । सेवं भंते ! सेवं भंते ! त्ति। Mo # # #555
5 5 श्री आगमगुणमजूषा - ४०४
55555555555559GOR
听听听听听听听听听听听听听听听听听听听听听听听听听听听听听听听听听听听听听听听听听听听听听听听GO