Page Text
________________
(५) भगवई १२ सतं उ ७-८
[१८७]
नो चेव णं एयंसि एमहालयंसि लोगंसि लोगस्स य सासयभावं, संसारस्स य अणादिभावं जीवस्स य निच्चभावं कम्मबहुत्तं जम्मण-मरणबाहुल्लं च पडुच्च नत्थि केयि परमाणुपोग्गलमेत्ते वि पएसे जत्थ णं अयं जीवे न जाए वा, न मए वा वि । से तेणट्टेणं तं चेव जाव न मए वा वि । [ सु. ४. चउवीसइदंडयगयआवाससंखाजाणणत्थं पढमसयावलोयणनिद्देसो ] ४. कति णं भंते! पुढवीओ पन्नत्ताओ ? गोयमा ! सत्त पुढवीओ पन्नत्ताओ, जहा पढमसए पंचमउद्देसए (स० १३० ५ सु० १-५) तहेव आवासा ठावेयव्वा जाव अणुत्तरविमाणे त्ति जाव अपराजिए सव्वट्ठसिद्धे । [सु. ५-१९. जीव- सव्वजीवाणं चउवीसइदंडएसु अणंतसो उववन्नपुव्वत्तपरूवणं ] ५. (१) अयं णं भंते ! जीवे इमीसे रतणप्पभाए पुढवीए तीसाए निरयावाससयसहस्सेसु एगमेगंसि निरयावासंसि पुढविकायइयत्ताए जाव वणस्सइकाइयत्ताए नरगत्ताए नेरइयत्ताए उव्ववन्नपुव्वे ? हंता, गोतमा ! असतिं अदुवा अणंतखुत्तो । (२) सव्वजीवा वि णं भंते ! इमीसे रयणप्पभाए पुढवीए तीसाए निरया० तं व
तत्तो । ६. अयं णं भंते! जीवे सक्करप्पभाए पुढवीए पणवीसाए० एवं जहा रयणप्पभाए तहेव दो आलावगा भाणियव्वा । एवं जाव धूमप्पभाए । ७. अयं णं भंते! जीवे तमाए पुढवीए पंचूणे निरयावाससयसहस्से एगमेगंसि९ सेसं तं चेव । ८. अयं णं भंते! जीवे अहेसत्तमाए पुढवीए पंचसु अणुत्तरेसु महतिमहालएसु महानिरए एगमेगंसि निरयावसंसि० सेसं जहा रयणप्पभाए । ९. (१) अयं णं भंते! जीवे चोयट्ठीए असुरकुमारावाससयसहस्सेसु एगमेगंसि असुरकुमारावासंसि पुढविकात्तयत्ताए जाव वणस्सत्काइयत्ताए देवत्ताए देवित्ताए आसण सयण - भंडमत्तोवगरणत्ताए उववन्नपुव्वे ? हंता, गोयमा ! जाव अनंतखुत्तो। (२) सव्वजीवा विणं भंते !० एवं चेव । १०. एवं जाव थणियकुमारेसु नाणत्तं आवासेसु, आवासा पुव्वभणिया । ११. (१) अयं णं भंते ! जीवे असंखेज्जेसु पुढविकाइयावाससयसहस्सेसु एगमेगंसि पुढविकाइयावासंसि पुढविकाइयत्ताए जाव वण्सतिकाइयत्ताए उववन्नपुव्वे ? हंता, गोयमा ! जाव अणंतखुत्तो। (२) एवं सव्वजीवा वि । १२. एवं जाव वणस्सत्काइएसु । १३. (१) अयं णं भंते ! जीवे असंखेज्जेसु बेदियावाससयसहस्सेसु एगमेगंसि बेंदियावासंसि पुढविकाइयत्ताए जाव वणस्सतिकाइयत्ताए बेदियत्ताए उववन्नपुव्वे ? हंता, गोयमा ! जाव खुत्तो। (२) सव्वजीवा वि णं० एवं चेव । १४. एवं जाव मणुस्सेसु । नवरं तेदिएसु जाव वणस्सतिकाइयत्ताएतेदियत्ताए, चउरिदिएसु चउरिदियत्ताए, पंचिदियतिरिक्खजोणिएसु पंचिदियतिरिक्खजोणियत्ताए, मणुस्सेसु मणुस्सत्ताए० सेसं जहा बेंदियाणं । १५. वाणमंतर-जोतिसिय- सोहम्मीसाणे [? सु] य जहा असुर- कुमाराणं । १६. (१) अयं णं भंते! जीवे सणंकुमारे कप्पे बारससु विमाणावाससयसहस्सेसु एगमेगंसि वेमाणियावासंसि पुढविकायत्ताए० सेसं जहा असुरकुमाराणं जाव अनंतखुत्तो । नो चेव णं देवित्ताए । (२) एवं सव्वजीवा वि । १७. एवं जाव आणयपाणएसु। एवं आरणच्चुएसु वि । १८. अयं णं भंते ! जीवे तिसु वि अट्ठारसुत्तरेसु गेवेज्जविमाणावाससएसु० एवं चेव । १९. (१) अयं णं भंते ! जीवे पंचसु अणुत्तरविमाणेसु एगमेगंसि अणुत्तरविमाणंसि पुढवि० तहेव जाव अणंतखुत्तों, नो चेव णं देवत्ताए वा, देवित्ताए वा । (२) एवं सव्वजीवा वि । [सु. २०-२३. जीवसव्वजीवाणं मायाइ-सत्तुआइ-रायाइ दासाइभावेहिं अनंतसो उववन्नपुव्वत्तपरूवणं ] २० (१) अयं णं भंते ! जीवे सव्वजीवाणं माइत्ताए पितित्ताए भाइताए भगिणित्ताए भज्जत्ताए पुत्तत्ताए धूयत्ताए सुण्हत्ताए उववन्नपुब्वे ? हंता, गोयमा ! असई अदुवा अणंतखुत्तो । (२) सव्वजीवा णं भंते ! इमस्स जीवस्स माइत्ताए जाव उववन्नपुव्वा ? हंता, गोयमा ! जाव अणंतखुत्तो । २१. (१) अयं णं भंते! जीवे सव्वजीवाणं अरित्ताए वेरियत्ताए घायत्ताए वहत्ताए पडिणीयत्ताए पच्चामित्तत्ताए उववन्नपुव्वे ? हंता, गोयमा ! जाव अणंतखुत्तो। (२) सव्वजीवा वि णं भंते! ० एवं चेव । २२. (१) अयं णं भंते! जीवे सव्वजीवाणं रायत्ताए जुगरायत्ताए जाव सत्थवाहत्ताए उववन्नपुव्वे ? हंता, गोयमा ! असई जाव अनंतखुत्तो। (२) सव्वजीवा णं० एवं चेव । २३. (१) अयं णं भंते ! जीवे सव्वजीवाणं दासत्ताए पेसत्ताए भयगत्ता भाइल्लत्ताए भोगपुरिसत्ताए सीसत्ताए वेसत्ताए उववन्नपुव्वे ? हंता, गोयमा ! जाव अणंतखुत्तो। (२) एवं सव्वजीवा वि अणंखुत्तो । सेवं भंते! सेवं भंते! त्ति जाव विहरति । ।। १२.७।। ★★★ अट्टमो उद्देसओ 'नागे' ★★★ [सु. १. अट्ठमुद्देसस्सुवुग्धाओ ] १. तेणं कालेणं तेणं समएणं जाव एवं वयासी [सु. २-४. महड्डियदेवस्स नागमणि - रुक्खेसु उववाओ, सफलसेवत्तं, तयणंतरभवाओ य सिज्झणा ] २. (१) देवे णं भंते! महड्डीए जाव महेसक्खे अणंतरं चइत्ता
5 श्री आगमगुणमंजूषा - ४०२
ॐॐॐॐॐॐॐॐ
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |