Page Text
________________
(५) भगवई १२ सतं उ ३४ [१७८]
★★★ [सु. १. तइउद्देसस्सुवुग्धाओ ] १. रायगिहे जाव एवं वयासी [सु. २ ३. सत्तण्हं नरयपुढवीणं नाम-गोत्तावगमत्थं जीवाभिगमसुत्तावलोयणनिद्देसो] २. कति णं भंते पुढवीओ पन्नत्ताओ ? गोयमा ! सत्त पुढवीओ पन्नत्ताओ, तं जहा पढमा दोच्चा जाव सत्तमा । ३. पढमा णं भंते! पुढवी किं नामा ? किं गोत्ता पन्नत्ता ? गोयमा ! घम्मा नामेणं, रयणप्पभा गोत्तेणं, एवं जहा जीवाभिगमे पढमो नेरइयउद्देसओ सो निरवसेसो भाणियव्वो जाव अप्पाबहुगं ति। सेवं भंते! सेवं भंते त्ति० । । १२.३ ॥ ★★★ चउत्थो उद्देसओ 'पोग्गले' ★★★ [सु. १. चउत्थुद्देसस्सुवुग्घाओ ] १. रायगिहे जाव एवं वयासी (सु. २. दोपहं संहता परमाणुपोग्गलाणं विभयणे भंगपरूवणं ] २. दो भंते ! परमाणुपोग्गला एगयओ साहण्णंति, एगयओ साहण्णित्ता किं भवति ? गोयमा ! दुपदेसिए खंधे भवति । से भिज्नमाणे हा कज्जति । एगयओ परमाणुपोग्गले, एगयओ परमाणुपोग्गले भवति । [सु. ३. तिण्हं संहताणं परमाणुपोग्गलाणं विभयणे भंगपरूवणं] ३. तिन्नि भंते ! परमाणुपोग्गला एगयओ साहण्णंति, एगयओ साहण्णित्ता किं भवति ? गोयमा ! तिपदेसिए खंधे भवति । से भिज्जमाणे दुहा वि, तिहा वि कज्जति । दुहाजमा एगयओ परमाणुपोग्गले, एगयओ दुपसेसिए खंधे भवति । तिहा कज्जमाणे तिन्नि परमाणुपोग्गला भवंति । [ सु. ४. चउण्हं संहताणं परमाणुपोग्गलाणं विभयणे भंगपरूवणं] ४. चत्तारि भंते! परमाणुपोग्गला एगयओ साहण्णंति पुच्छा। गोयमा ! चउप्पएसिए खंधे भवति । से भिज्नमाणे दुहा वि, तिहा वि, चउहा वि क । दुहा कज्जमाणे एगयओ परमाणुपोग्गले, एगयओ तिपदेसिए खंधे भवति, अहवा दो दुपदेसिया खंधा भवंति । तिहा कज्जमाणे एगयओ दो परमाणुपोग्गला, एगयओ दुपदेसिए खंधे भवति । चउहा कज्जमाणे चत्तारि परमाणुपोग्गला भवंति । [सु. ५. पंचण्डं संहताणं परमाणुपोग्गलाणं विभयणे भंगपरूवणं ] ५. पंच भंते ! परमाणुपोग्गला० पुच्छा। गोयमा ! पंचपदेसिए खंधे भवति । से भिज्नमाणे दुहा वि, तिहा वि, चउहा वि, पंचहा विकज्जइ । दुहा कज्नमाणे एगयओ परमाणुपोग्गले, एगयओ चउपदेसिए खंधे भवति; अहवा एगयओ दुपदेसिए खंधे, एगयओ तिपदेसिए खंधे भवति । तिहा कज्जमाणे एगयओ दो परमाणुपोग्गला, एगयओ तिपदेसिए खंधे भवति; अहवा एगयओ परमाणुपोग्गले, एगयओ दो दुपएसिया खंधा भवंति । चउहा कज्जमाणे एगयओ तिण्णि परमाणुपोग्गला, एगयओ दुपएसिए खंधे भवति । पंचहा कज्नमाणे पंच परमाणुपोग्गला भवंति । [सु. ६. छण्हं संहताणं परमाणुपोग्गलाणं विभयणे भंगपरूवणं ] ६. छब्भंते ! परमाणुपोग्गला० पुच्छा । गोयमा ! छप्पदेसिए खंधे भवइ । से भिज्नमाणे दुहा वि, तिहा वि, जाव छहा वि कज्जइ । दुहा कज्जमाणे एगयओ परमाणुपोग्गले, एगयओ पंच पएसिए खंधे भवति, अहवा एगयओ दुपएसिए खंधे, एगयओ चउपदेसिए खंधे भवति; अहवा दो तिपदेसिया खंधा भवंति । तिहा कज्जमाणे एगयओ दो परमाणुपोग्गला, एगयओ चउपएसिए खंधे भवति; अहवा एगयओ परमाणुपोग्गले, एगयओ दुपएसिए खंधे, एगयओ तिपदेसिए खंधे भवति; अहवा तिण्णि दुपदेसिया खंधा भवंति । चउहा कज्जमाणे एगयओ तिन्नि परमाणुपोग्गला, एगयओ तिपदेसिए खंधे भवति; अहवा एगयओ दो परमाणुपोग्गला, एगयओ दो दुपदेसिया खंधा भवति । पंचा कज्जमाणे एगयओ चत्तारि परमाणुपोग्गला, एगयओ दुपएसिए खंधे भवति । छहा कज्जमाणे छ परमाणुपोग्गला भवंति । [सु. ७. सत्तण्हं संहताणं परमाणुपोग्गलाणं विभयणे भंगपरूवणं ] ७. सत्त भंते ! परमाणुपोग्गला० पुच्छा। गोयमा ! सत्तपदेसिए खंधे भवति । से भिज्जमाणे दुहा वि जाव सत्तहा वि कज्जइ । दुहा एगयओ परमाणुपोग्गले, एगयओ छप्पएसिए खंधे भवति; अहवा एगयओ दुप्पएसिए खंधे, एगयओ पंचपदेसिए खंधे भवति, अहवा एगयओ तिप्पएसिए, एगयओ चउपएसिए खंधे भवति । तिहा कज्जमाणे एगयओ दो परमाणुपोग्गला, एगयओ पंचपएसिए खंधे भवति; अहवा एगयओ परमाणुपोग्गले, एगयओ दुपएसिए खंधे. एगयओ चउपएसिए खंधे भवति: अहवा एगयओ परमाणु०, एगयओ दो तिपएसिया खंधा भवंति अहवा एगयओ हो दुपएसिया खंधा, एगयओ तिपएसिए खंधे भवति । चउहा कज्नमाणे एगयओ तिन्नि परमाणुपोग्गला, एगयओ चउप्पएसिए खंधे भवति; अहवा एगयओ दो परमाणुपोग्गला, एगयओ दुपएसिए खंधे, एगयओ तिपएसिए खंधे भवति; अहवा एगयओ परमाणुपो०, एगयओ तिन्नि दुपएसिया खंधा भवंति। पंचहा कज्जमाणे एगयओ चत्तारि परमाणुपोग्गला, एगयओ तिपएसिए
श्री आगमगुणमंजूषा- ३९३
फफफफफफफफ
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |