Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 192

TOCs明明明明明明明明明明明明明明明明明明明明明明明明明明明明明明明明明明明明明明明听听听听听听听听$50
HOR955555555555 (५) भगवई ११ सतं उ- १२/१२ सत्तं उ - १ [१७३]
$% %% %% %%%% %% भगवं गोयमे जाव अप्पाणं भावेमाणे विहरति। [सु. १५. आलभियानगरीतो भगवओ जणवयविहरो] १५. तएणं समणे भगवं महावीरे अन्नया कयाइ आलभियाओ नगरीओ संखवणाओ चेतियाओ पडिनिक्खमति, प०२ बहिया जणवयविहारं विहरति। [सु. १६-१७. आलभियानगरीसंखवणचेतियसमीवे मोग्गलपरिव्वयगस्स विभंगणापुप्पत्ती] १६. तेणं कालेणं तेणं समएणं आलभिया नाम नगरी त्था । वण्णओ । तत्थ णं संखवणे णामं चेइए होत्था। वण्णओ। तस्स णं संखवणस्स चेतियस्स अदूरसामंते मोग्गले नाम परिव्वायए परिवसति रिजुव्वेद-यजुव्वेद जाव नयेसु सुपरिनिट्ठिए छटुंछट्टेणं अणिक्खित्तेणं तवोकम्मेणं उर्दु बाहाओ जाव आयावेमाणे विहरति । १७. तए णं तस्स मोग्गलस्स परिव्वायगस्स छटुंछट्टेणं जाव आयावेमाणस्स पगतिभद्दयाए जहा सिवस्स (स० ११ उ०९ सु०१६) जाव विब्भंगे नामंणाणे समुप्पन्ने। सेणं तेणं विभंगेण नाणेणं समुप्पन्नेणं बंभलोए कप्पे देवाणं ठितिं जाणति पासति। [सु. १८-१९. विभंगणाणिस्स मोग्गलपरिव्वायगस्स देव-देवलोयविसयाए परूवणाए लोयाणं वियक्को] १८. तए णं तस्स मोग्गलस्स परिव्वायगस्स अयमेयारूवे अज्झत्थिए जाव समुप्पज्जित्था-'अत्थि णं ममं अतिसेसे नाण-दंसणे समुप्पन्ने, देवलोएसु णं देवाणं जहन्नेणं दसवाससहस्साई ठिती पन्नत्ता, तेण परं समयाहिया दुसमयाहिया जाव असंखेज्जसमयाहिया; उक्कोसेणं दससागरोवमाइं ठिती पन्नत्ता, तेण परं वोच्छिन्ना देवा य देवलोगा य' । एवं संपेहेति, एवं सं०२ आयावणभूमीओ पच्चोरुभति, आ० प०२ तिदंड-कुंडिय जाव धाउरत्ताओ य गेण्हति, गे० उ०२ भंडनिक्खेवं करेति, भं० क०२ आलभियाए नगरीए सिंघाडग जाव पहेसु अन्नमन्नस्स एवमाइक्खति जाव परूवेति-अस्थि णं देवाणुप्पिया ! ममं अतिसेसे नाण-दसणे समुप्पन्ने, देवलोएसु णं देवाणं जहन्नेणं दसवाससहस्साइं० तं चेव जाव वोच्छिन्ना देवा य देवलोगा य । १९. तए णं आलभियाए नगरीए एवं एएणं अभिलावेणं जहा सिवस्स (स० ११ उ० ९ सु०१८) जाव से कहमेयं मन्ने एवं ? [सु. २०-२३. भगवओ देव-देवलोयविसइया परूवणो] २०. सामी समोसढे जाव परिसा पडिगया । भगवं गोयमे तहेव भिक्खायरियाए तहेव बहुजणसई निसामेति (स०११ उ०९ सु०२०), तहेव सव्वं भाणियव्वं जाव (स० ११ उ०९ सु० २१) अहं पुण गोयमा ! एवं आइक्खामि एवं भासामि जाव परूवेमि-देवलोएसुणं देवाणं जहन्नेणं दसवाससहस्साई ठिती पन्नत्ता, तेण परं समयाहिया सुदमयाहिया जाव उक्कोसेणं तेत्तीसं सागरोवमाइं ठिती पन्नत्ता; तेण परं वुच्छिन्ना देवा य देवलोगा य । २१. अत्थि णं भंते ! सोहम्मे कप्पे दव्वाइं पि अवण्णाई पि तहेव (सु. ११ उ०९ सु०२२) जाव हंता, अत्थि । २२. एवं ईसाणे वि । एवं जाव अच्चुए। एवं गेविज्जविमाणेसु, अणुत्तरविमाणेसु वि, ईसिपब्भाराए वि जाव हंता, अत्थि । २३. तए णं सा महतिमहालिया जाव पडिगया। [सु. २४. मोग्गपरिव्वायगस्स निग्गंथपव्वज्जागहणं सिज्झणा ये] २४. तए
णं आलभियाए नगरीए सिंघाडग-तिय० अवसेसंजहासिवस्स (स०११ उ०९ सु०२७-३२) जाव सव्वदुक्खप्पहीणे, नवरं तिदंड- कुंडियं जाव धाउरत्तवत्थपरिहिए 'परिवडियविन्भंगे आलभियं नगरिं मज्झमज्झेणं निग्गच्छति जाव उत्तरपुरत्थिमं दिसीभागं अवक्कमति, उत्तर० अ०२ तिदंड-कुंडियं च जहा खंदओ (स०२ उ०॥
१ सु० ३४) जाव पव्वइओ। सेसं जहा सिवस्स जाव अव्वाबाहं सोक्खं अणुहुँते(ती) सासतं सिद्धा। सेवं भंते ! सेवं भंते ! त्ति० ।।११.१२।। एक्कारसमं सयं समत्तं ॥११॥ बारसमं सब सु . १. बारसमसयस्स दसुद्देसनामसंगहगाहा] १. संखे १ जयंति २ पुढवी ३ पोग्गल ४ अइवाय ५ राहु ६ लोगे य ७ । नागे य ८ देव ९ आया १० बारसमसए दसुद्देसा ॥१|| ★★★ पढमो उद्देसओ 'संखे' ★★★ [सु. २-९. सावत्थिनयरिवत्थव्वसंख - पोक्खलिपमुहसमणोवासयाणं भगवओ देसणासुणणाइ] २. तेणं कालेणं तेणं समएणं सावत्थी नामं नगरी होत्था । वण्णओ । कोट्ठए चेतिए। वण्णओ। ३. तत्थ णं सावत्थीए नगरीए बहवे संखपामोक्खा समणोवासगा परिवंसति अड्डा जाव अपरिभूया अभिगयजीवाजीवा जाव विहरंति । ४. तस्स णं संखस्स समणोवासगस्स उप्पला नाम भारिया होत्था, सुकुमाल जाव सुरूवा समणोवासिया अभिगयजीवाजीवा जाव विरहति । ५. तत्थ णं सावत्थीए नगरीए पोक्खली नाम समणोवासए परिवसति अड्डे अभिगय जाव विहरति । ६. तेणं कालेणं तेणं समएणं सामी समोसढे । परिसा निग्गया जाव पज्जुवासइ। ७. तए णं ते समणोवासगा इमीसे जहा
起見听听听听听听听明明听听听听听听听听听听听听听听听听听听听听听货明明明明明明明明明明明明明明明明明2
mero
F5555555555555 श्री आगमगुणमंजूषा- ३८८555555555555555555555
OOK