Page Text
________________
(५) भगवई ११ सतं उ १२ [१७२ ]
चोद्दस पुव्वाई अहिज्जति, बहुपडिपुण्णाई दुवालस वासाई सामण्णपरियागं पाउणति । सेसं तं चेव । सेवं भंते ! सेवं भंते ! ति० ॥ ★★★ || महब्बलो सम ॥११.११ ॥ बारसमो उद्देसओ 'आलभिया' ★★★ [सु. १-५. आलभियानगरीवत्थव्वसमणोवासयाणं देवट्ठितिजिण्णासाए इसिभद्दपुत्तसमणोवासयकया देवट्ठितिपरूवणा, अन्नसमणोवासयाणमसद्दहणा य] १. तेणं कालेणं तेणं समएणं आलभिया नामं नगरी होत्था । वण्णओ। संखवणे चेतिए । वण्णओ । २. तत्थ आलभिया नगरीए बहवे इसिभद्दपुत्तपामोक्खा समणोवासया परिवसंति अड्डा जाव अपरिलूता अभिगयजीवाजीवा जाव विहरंति । ३. तए णं तेसिं समणोवासयाणं अन्नया कयाइ एगयमो समुवागयाणं सहियाणं समुपविट्ठाणं सन्निसन्नाणं अयमेयारूवे मिहो कहासमुल्लावे समुप्पज्जित्थादेवलोगेसु णं अज्जो ! देवाणं केवतियं कालं ठिती पण्णत्ता ? ४. तए णं से इसिभद्दपुत्ते समणोवासए देवट्ठितीगहियट्ठे ते समणोवासए एवं वयासी देवलोगेसु णं अज्जो ! देवाणं जहन्नेणं दस वाससहस्साइं ठिती पण्णत्ता, तेण परं समयाहिया दुसमयाहिया तिसमयाहिया जाव दससमयाहिया संखेज्जसमयाहिया असंखेज्जसमयाहिया; उक्कोसेणं तेत्तीसं सागरोवमाइं ठिती पन्नत्ता । तेण परं वोच्छिन्ना देवा य देवलोगा य । ५. तए णं ते समणोवासगा इसिभद्दपुत्तस्स समणोवासगस्स एवमाइक्खमाणस्स जाव एवं परूवेमाणस्स एयमद्वं नो सहंति नो पत्तियंति नो रोएंति, एयमहं असद्दहमाणा अपत्तियमाणा अरोएमाणा जामेव दिसं पाउब्भूया तामेव दिसं पडिगया। [सु. ६. आलभियानगरीए भगवओ समोसरणं ] ६. तेणं कालेणं तेणं समणेणं समणे भगवं महावीरे जाव समोसढे जाव परिसा पज्जुवासति । [सु. ७-१२. इसिभद्दपुत्तपरूवियदेवट्ठितिविसए भगवओ अविरोहं सोऊणं इसिभद्दपुत्तं पर समणोवासयाणं खामणा, सट्टाणगमणं च] ७. तए णं ते समणोवासगा इमीसे कहाए लद्धट्ठा समाणा हट्टतुट्ठा एवं जहा तुंगिउद्देसए (स० २ उ० ५ सु० १४) जाव पज्जुवासंति । ८. तए णं समणे भगवं महावीरे तेसिं समणोवासगाणं तीसे य महति० धम्मकहा जाव आणाए आरांहए भवति । ९. तप ते समोवासया समणस्स भगवओ महावीरस्स अंतियं धम्मं सोच्चा निसम्म हट्ठतुट्ठ० उट्ठाए उट्ठेतिं, उ० २ समणं भगवं महावीरं वंदंति नमंसंति, वं० २ एवं वदासी-एवं खलु भंते ! इसिभद्दपुत्ते समणोवासए अम्हं एवं आइक्खति जाव परूवेति देवलोएसु णं अज्जो ! देवाणं जहन्नेणं दसवाससहस्साइं ठिती पन्नत्ता, तेण परं समयाहिया जाव तेण परं वोच्छिन्ना देवा य देवलोगा य। से कहमेतं भंते ! एवं ? १०. 'अज्जो !' त्ति समणे भगवं महावीरे ते समणोवासए एवं वयासी जं णं अज्जो ! इसिभद्दपुत्ते समणोवासए तुब्भं एवं आइक्खर जाव परूवेइ-देवलोगेसु णं अज्ज ! देवाणं जहन्नेणं दस वाससहस्साइं ठिई पण्णत्ता तेण परं समयाहिया जाव तेण परं वोच्छिन्ना देवा य देवलोगा य, सच्चे णं एसमट्ठे । अहं पिणं अज्जो ! एवमाइक्खामि जाव परूवेमि-देवलोगेसु णं अज्ज ! देवाणं जहन्त्रेणं दस वाससहस्साइं० तं चेव जाव वोच्छिन्ना देवा य देवलोगा य। सच्चे णं एसे अट्ठे । ११. तए णं समणोवासगा समणस्स भगवओ महावीरस्स अंतियं एयमहं सोच्चा निसम्म समणं भगवं महावीरं वंदंति नमंसंति, वं० २ जेणेव इसिभद्दपुत्ते समणोवासए तेणेव उवागच्छंति, उवा० २ इसिभद्दपुत्तं समणोवासगं वंदंति नमंसंति, वं० २ एयमहं सम्म 'विणणं भुज्जो भुज्जो खामेति । १२. तए णं ते समणोवासया पंसिणाई पुच्छंति, प० पु० २ अट्ठाई परियादियंति, अ० प० २ समणं भगवं महावीरं वंदंति नमंसंति, वं० २ जामेव दिसं पाउब्भूता तामेव दिसं पडिगया। [सु. १३-१४. गोयमपुच्छाए भगवओ इसिभद्दपुत्तदेवलोगगमण-विदेह-सिज्झणापरूवणा) १३. 'भंते! त्ि भगवं गोयमे समणं भगवं महावीरं वंदति णमंसति, वं० २ एवं वयासी- पभू णं भंते ! इसिभद्दपुत्ते समणोवासए देवाणुप्पियाणं अंतियं मुंडे भवित्ता अगारातो अणगारियं पव्वइत्तए ? णो इणट्ठे समट्टे, गोयमा ! इसिभद्दपुत्ते णं समणोवासए बहूहिं सीलव्वत - गुणव्वत- वेरमण-पच्चक्खाण-पोसहो-ववासेहिं अहापरिग्गहितेहिं तवोकम्मेहिं अप्पाणं भावेमाणे बहूई वासइं समणोवासगपरियागं पाउणिहिति, ब० पा० २ मासियाए संलेहणाए अत्ताणं झूसेहिति, मा० झू० २ सद्धिं भत्ताई अणसणाए छेदेहिति, स० छे० २ आलोइयपड़िक्कंते समाहिपत्ते कालमासे कालं किच्चा सोहम्मे कप्पे अरुणामे विमाणे देवत्ताए उववज्जिहिति । तत्थ णं अत्थेगतियाणं देवाण चत्तारि पलिओवमाइं ठिती पण्णत्ता । तत्थ णं इसिभद्दपुत्तस्स वि देवस्स चत्तारि पलिओवमाइं ठिती भविस्सति । १४. से णं भंते ! इसिभद्दपुत्ते देवे ताओ देवलोगाओ आउक्खएणं भवक्खएणं ठिइक्खणं जाव कहिं उववज्जिहिति ? गोयमा ! महाविदेहे वासे सिज्झिहिति जाव अंतं काहिति । सेवं भंते! सेवं भंते! ति MOTOR श्री आगमगुणमंजूषा - ३८७YOR
फफफफफफफफ
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |