Page Text
________________
For95555555555555555
(५) भगवई ११ सत्तं उ-११ [१७०]
1555555555555555seos:
55QoY
$$
步步步步步听听听听听$$$$$$$$
पासायवडेंसए कारेति । अब्भुग्गमूसिय पहसिते इव वण्णओ जहा रायप्पसेणइज्जे जाव पडिरूवे । तेसिंणं पासायवडेंसगाणं बहुमज्झदेसभाए एत्थ णं महेगं भवणं कारेति अणेगखंभसयसन्निविट्ठ, वण्णओ जहा रायप्पसेणइज्जे पेच्छाघरमंडवंसि जाव पडिरूवं। [सु. ४९. महब्बलकुमारेण अट्ठकण्णापाणिग्गहणं ] ४९. तए णं , तं महब्बलं कुमारं अम्मा-पियरो अन्नया कयाइ सोमणंसि तिहि-करण-दिवस-नक्खत्त-मुहुत्तंसि पहायं कयबलिकम्मं कयकोउय-मंगल-पायच्छित्तं सव्वालंकारविभूसियं पमक्खणग-हाण-गीय-वाइय -पसाहणटुंगतिलगकंकणअविहववहुउवणीयं मंगल-सुजंपितेहि य वरकोउय-मंगलोवयारकयसंतिकम्म सरिसियाणं सरित्तयाणं सरिव्वयाणं सरिसलायण्ण-रूव-जोव्वण-गुणोववेयाणं विणीयाणं कयकोउय-मंगलोवयारकतसंतिकम्माणं सरिसएहिं रायकुलेहितो आणितेल्लियाणं अट्ठण्हं रायवरकन्नाणं एगदिवसेणं पाणिं गिण्हाविसुं। [सु. ५०. अम्मा-पिइदिण्णस्स महब्बलकुमारापीइदाणस्स वित्थरओ वण्णणं ] ५०. तए णं तस्स महब्बलस्स कुमारस्स अम्मा-पियरो अयमेयारूवं पीतिदाणं दलयंति, तं जहा अट्ठ हिरण्णकोडीओ, अट्ठ सुवण्णकोडीओ, अट्ठ मउडे मउडप्पवरे. अट्ठकुंडलजोए कुंडलजोयप्पवरे, अट्ट हारे हारप्पवरे, अट्ठ अद्धहारे अद्धहारप्पवरे, अट्ठ एगावलीओ एगावलिप्पवराओ, एवं सुत्तावलीओ, एवं कणगावलीओ, एवं रयणावलीओ, अट्ठ कडगजोए कडगजोयप्पवरे, एवं तुडियजोए, अट्ठ खोमजुयलाई खोमजुयलप्पसराई, एवं वडगजुयलाई, एवं पठ्ठजुयलाई, एवं दुगुल्लजुयलाई, अट्ठ सिरीओ, अट्ठ हिरीओ; एवं धितीओ, कित्तीओ, बुद्धीओ, लच्छीओ; अट्ठ नंदाई, अट्ठ भद्दाई, अट्ठ तले तलप्पवरे सव्वरयणामए णियगवरभवणकेऊ, अट्ठ झए झयप्पवरे, अट्ठ वए वयप्पवरे दसगोसाहस्सिएणं वएणं, अट्ठनाड़गाइं नाडगप्पवराई बत्तीसइबद्धेणं नाडएणं, अट्ठ आसे आसप्पवरे सव्वरयणामए सिरिघरपडिरूवए, अठ्ठ हत्थी हत्थिप्पवरे सव्वरयणामए सिरिघरपडिरूवए, अट्ठ जाणाई जाणप्पवराई, अट्ठ जुंगाइ जुंगप्पवराई, एवं सिबियाओ, एवं संदमाणियाओ, एवं गिल्लीओ, थिल्लीओ, अट्ठ वियडजाणाइं वियडजाणप्पवराई, अट्ठ रहे पारिजाणिए, अट्ठ रहे संगामिए, अट्ठ आसे आसप्पवरे, अट्ट हत्थी हत्थिप्पवरे, अट्ठ गामे गामप्पवरे दसकुलसाहस्सिएणं गामेणं, अट्ठ दासे दासप्पवरे, एवं दासीओ, एवं किंकरे, एवं कंचुइज्जे, एवं वरिसधरे, एवं महत्तरए, अट्ठ सोवण्णिए ओलंबणदीवे, अट्ठ रुप्पामए ओलंबणदीवे, अट्ठ सुवण्णरुप्पामए ओलंबणदीवे, अट्ठ सोवण्णिए उक्कंपणदीवे, एवं चेव तिण्णि वि; अट्ठ सोवण्णिए पंजरदीवे, एवं चेव तिण्णि वि; अट्ठ सोवण्णिए थाले, अट्ट रुप्पामए थाले, अट्ठ सुवण्ण-रुप्पामए थाले, अट्ठ सोवण्णियाओ पत्तीओ, अट्ठ सोवणियाओ पत्तीओ, अट्ठ रुप्पामयाओ पत्तीओ, अट्ठ सुवण्ण-रुप्पामयाओ पत्तीओ; अट्ठ सोवण्णियाइं थासगाई ३, अट्ठ सोवण्णियाई मल्लगाइं ३, अट्ट सोवणियाओ तलियाओ ३, अट्ठ सोवण्णियाओ कविचिआओ ३, अट्ठ सोवण्णिए अवएडए ३, अट्ठ सोवण्णियाओ अवयक्काओ ३, अट्ट सोवण्णिए पायपीढए ३, अट्ठ सोवण्णिओ भिसियाओ ३, अट्ट सोवणियाओ करोडियाओ ३, अट्ट सोवण्णिए पल्लंके ३, अट्ठ सोवण्णियाओ पडिसेज्जाओ ३, अट्ठ० हंसासणाई ३, अट्ठ० कोंचासणाई ३, एवं गरुलासणाई उन्नतासणाइं पणतासणाई दीहासणाई भद्दासणाई पक्खासणाई मगरासणाई, अट्ठ० पउमासणाई, अट्ठ० उसभासणाई, अट्ठ० दिसासोवत्थियासणाई, अट्ठ० तेल्लसमुग्गे, जहा रायप्पसेणइज्जे जाव अट्ठ० सरिसवसमुग्गे, अट्ठ खुज्जाओ जहा उववातिए जाव अट्ठ पारसीओ, अट्ठ छत्ते, अट्ठ छत्तधारीओ चेडीओ, अट्ट चामराओ, अट्ठ चामरधारीओ चेडीओ, अट्ठ तालियंटे, अट्ट तालियंटधारीओ चेडीओ, अट्ठ करोडियाओ, अट्ठकरोडियाधारीओ चेडीओ, अट्ठखीरधातीओ, जाव अट्ठ अंकधातीओ, अट्ठ अंगमहियाओ, अट्ठ उम्महियाओ, अट्ठण्हावियाओ, अट्ठ पसाधियाओ, अट्ठवण्णगपेसीओ, अट्ठ चुण्णगपेसीओ, अट्ठकोडा(?ड्ढा)कारीओ, अट्ठ दवकारीओ, अट्ठ उवत्थाणियाओ. अट्ठ नाडइज्जाओ, अट्ट कोडुबिणीओ, अट्ठ महाणसिणीओ, अट्ठ भंडागारिणीओ, अट्ठ अब्भाधारिणीओ, अट्ठ पुप्फघरिणीओ, अट्ठ पाणिघरिणीओ. अट्र
बलिकारियाओ, अट्ठसेज्जाकारीओ, अट्ठ अभितरियाओ पडिहारीओ, अट्ठ बाहिरियाओ पडिहारीओ, अट्ठ मालाकारीओ, अट्ठ पेसणकारीओ, अन्नं वा सुबह म हिरण्णं वा, सुवण्णं वा, कसं वा, दूसं वा, विउलधणकणग जाव संतासावदेज्ज अलाहि जाव आसत्तमाओ कुलवंसाओ पकामं दाउं पकामं परिभोत्तुं पकामं
२ परियाभाएउं। सु. ५१-५२. महब्बलकुमारस्स नियभज्जासु अम्मा-पिइदिण्णपीइदाणविभयणं भोग जणं च] ५१. तए णं से महब्बले कुमारे एगमेगाए भज्जाए Me
5 555555555 श्री आगमगुणमंजूषा - ३८५ ॥455555555555555'EO
听听听听听听听听听听听听听听听听听听听听听听听听听听听听听听听听听听听听听听听听听听
明明明明明乐乐乐乐$$
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |