Page Text
________________
roo5555555555555
(५) भगवई १० सत्तं उ-५ [१५५]
5555555555555OOK
COS历乐乐乐听听听听听听听听听听听听听听听听听听听听听听听听听听听听乐明明明明明明明明乐乐乐乐乐乐
एवं जाव वेसमणस्स। सु.१३-१५. धरणस्स, कालवालाईणं चउण्हं धरणलोगपालाणं च देवीसंखाइपरूवणा] १३. धरणस्स णं भंते ! नागकुमररिंदस्स नागकुमाररण्णो कति अग्गमहिसीओ पन्नत्ताओ? अज्जो ! छ अग्गमहिसीओ पन्नत्ताओ, तं जहा अला मक्का सतेरा सोयामणी इंदा घणविज्जया। तत्थ णं एगमेगाए देवीए छ च्छ देविसहस्सा परियारो पन्नत्तो । पभू णं ताओ एगमेगा देवी अन्नाई छ च्छ देविसहस्साई परियारं विउव्वित्तए । एवामेव सपुव्वावरेणं उत्तीसं देविसहस्सा, सेत्तं तुडिए। १४. पभू णं भंते ! धरणे० ? सेसं तं चेव, नवरं धरणाए रायहाणीए धरणंसि सीहासणंसि सओ परियारो, सेसं तं चेव । १५. धरणस्स णं भंते ! नागकुमारिंदस्स कालवालस्स लोगपालस्स महारण्णो कति अग्गमहिसीओ पन्नत्ताओ? अज्जो ! चत्तारि अग्गमहिसीओ पन्ताओ; तं जहा असोगा विमला सुप्पभा सुदंसणा। तत्थ णं एगमेगाए० अवसेसं जहा चमरलोगपालाणं । एवं सेसाणं तिण्ह वि लोगपालाणं । [सु. १६-१८. भूयाणंदाईणं भवणवासिइंदाणं, तेसिं तेसिं लोगपालाणं च देवीसंखाइपरूवणा] १६. भूयाणंदस्स णं भंते !० पुच्छा । अज्नो ! छ अग्गमहिसीओ पन्नत्ताओ, तं जहा रूया रूयंसा सुरूया रुयगावती रूयकंतारूयप्पभा। तत्थ णं एगमेगाए देवीए० अवसेसं जहा धरणस्स। १७. भूयाणंदस्सणं भंते ! नागवित्तस्स० पुच्छा। अज्जो! चत्तारि अग्गमहिसीओ पन्नत्ताओ, तं जहा सुणंदा सुभद्दा सुजाया सुमणा। तत्थ णं एगमेगाए देवीए० अवसेसं जहा चमरलोगपालाणं । एवं सेसाणं तिण्ह वि लोगपालाणं । १८. जे दाहिणिल्ला इंदा तेसिंजहा धरणस्स। लोगपालाणं पितेसिं जहा धरणलोगपालाणं । उत्तरिल्लाणं इंदाणं जहा भूयणंदस्स। लोगपालाण वि तेसिं जहा भूयाणंदस्स लोगपालाणं । नवरं इंदाणं सव्वेसिं रायहाणीओ, सीहासणाणि य सरिसणमगाणि, परियारो जहा मोउद्देसए (सु०३ उ०१ सु०१४)। लोगपालाणं सव्वेसिं रायहाणीओ सीहासणाणि य सरिसनामगाणि, परियारो जहा चमरलोगपालाणं । [ सु. १९-२६. कालाईणं वाणमंतरिंदाणं देवीसंखाइपरूवणा] १९. (१) कालस्स णं भंते ! पिसाइंदस्स पिसायरण्णो कति अगमहिसीओ पन्नत्ताओ? अज्जो ! चत्तारि अग्गमहिसीओ पन्नत्ताओ, तं जहा कमला कमलप्पभा उप्पला सुदंसणा। तत्थणं एगमेगाए देवीए एगमेगं देवीसहस्सं, सेसं जहा चमरलोगपालाणं । परियारो तहेब, नवरं कालाए रायहाणीए कालंसिसीहासणंसि, सेसंतं चेव। (२) एवं महाकालस्स वि। २०. (१) सुरुवस्स णं भंते ! भूइंदस्स भूयरन्नो० पुच्छा। अज्जो ! चत्तारि अग्गमहिसीओ पन्नत्ताओ, तं जहा रूववती बहुरूवा सुरूवा सुभगा । तत्थ णं एगमेगाए० सेसं जहा कालस्स। (२) एवं पडिरूवगस्स वि । २१. (१) पुण्णभद्दस्स णं भंते ! जक्खिंदस्स० पुच्छा । अज्जो ! चत्तारि अग्गमहिसीओ पन्नत्ताओ, तं जहा पुण्णा बहुपुत्तिया उत्तमा तारया । तत्थ णं एगमेगाए० सेसं जहा कालस्स०। (२) एवं माणिभद्दस्स वि। २२. (१) भीमस्स णं भंते ! रक्खसिंदस्स० पुच्छा। अज्जो! चत्तारि अग्गमहिसीओ पन्नत्ताओ, तं जहा पउमा पउमावती कणगा रयणप्पभा। तत्थ णं एगमेगा० सेसं जहा कालस्स। (२) एवं महाभीमस्स वि। २३. (१) किन्नरस्स णं भंते ! ० पुच्छा । अज्जो ! चत्तारि अग्गमहिसीओ पन्नत्ताओ, तं जहा वडेंसा केतुमती रतिसेणा रतिप्पिया। तत्थ णं० सेसं तं चेव। (२) एवं किंपुरिसस्स वि । २४. (१) सप्पुरिसस्स णं० पुच्छा। अज्जो ! चत्तारि अग्गमहिसीओ पन्नत्ताओ, तं जहा-रोहिणी नवमिया हिरी पुप्फवती। तत्थ णं एगमेगा०, सेसं तं चेव। (२) एवं महापुरिसस्स वि । २५. (१) अतिकायस्स णं भंते !० पुच्छा । अज्जो ! चत्तारि अग्गमहिसीओ पन्नत्ताओ,
तं जहा-भुयगा भुयगवती महाकच्छा फुडा । तत्थ णं०, सेसं तं चेव । (२) एवं महाकायस्स वि । २६. (१) गीतरतिस्स णं भंते !० पुच्छा । अज्जो ! चत्तारि म अग्गमहिसीओ पन्नत्ताओ, तं जहा-सुघोसा विमला सुस्सरा सरस्सती। तत्थ णं०, सेसं तं चेव। (२) एवं गीयजसस्स वि। सव्वेसिं एतेसिं जहा कालस्स, नवरं म सरिर्सनामियाओ रायहाणीओसीहासणाणि य । सेसं तं चेव। [सु. २७-३०. चंद-सूर-गहाणं देवीसंखाइपरूवणा] २७. चंदस्स णं भंते! जोतिसिंदस्स जोतिसरण्णो० म पुच्छा। अज्जो ! चत्तारि, अग्गमहिसीओ पन्नत्ताओ, तं जहा- चंदप्पभा दोसिणाभा अच्चिमाली पभंकरा । एवं जहा जीवाभिगमे जोतिसियउद्देसए तहेव। २८. सूरस्स है वि सूरप्पभा आयावाभा अच्चिमाली पभंकरा। सेसं तं चेव जाव नो चेव णं मेहुणवत्तियं । २९. इंगालस्स णं भंते ! महग्गहस्स कति अग्ग० पुच्छा। अज्जो ! चत्तारि 2 अग्गमहिसीओ पन्नत्ताओ, तं जहा-विजया वेजयंती जयंती अपराजिया। तत्थ णं एगमेगाए देवीए०, सेसं जहा चंदस्स । नवरं इंगालवडेंसए विमाणे इंगालगंसि re. $$55555555555555555 श्री आगमगुणमजूषा-३७०555555555$$$$$$$$$$$$$$OOK
mer055555555555555555555555555555555555555555555555
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |