Page Text
________________
फ़फ़फ़फ़फ़
(५) नई १० -9-3 (90
सहाया गाहावती समणोवासगा सेसं जहा चमरस्स जाव अन्ने उववज्नंति । १२. अत्थि णं भंते ! ईसाणस्स० । एवं जहा सक्कस्स, नवरं चंपाए नगरीए जाव उववन्ना । जप्पभितिं च णं भंते! चंपिच्चा तावत्तीसं सहाया० सेसं तं चेव जाव अन्ने उववज्र्ज्जति । [सु. १३-१४. सणकुमाराइअच्चुयपज्ज॑ततायत्तीसगदेवाणं अव्वोच्छित्तिनयट्टयाए सासयत्तं] १३. (१) अत्थि णं भंते ! सणकुमारस्स देविंदस्स देवरण्णो० पुच्छा। हंता, अत्थि । (२) से केणद्वेणं० ? जहा धरणस्स तहेव ॥ १४. एवं जाब पाणतस्स । एवं अच्चुतस्स जाव अन्ने उववज्जति। सेवं भंते! सेवं भंते! त्ति० । ★ ★ ★ ॥ दसमस्स चउत्थो । १०.४॥ पंचमो उद्देसओ 'देवी' ★★★ [सु. १-३. पंचमुद्देसस्सुवुग्धाओ] १. तेणं कालेणं तेणं समएणं रायगिहे नामं नगरे गुणसिलए चेइए जाव परिसा पडिमया । २. तेणं कालेणं तेणं समर्पणं समणस्स भगवओ महावीरस्स बहवे अंतेवासी थेरा भगवंतो जाइसंपन्ना जहा अट्टमे सए सत्तमुद्देसए (स०८ उ०७ सु० ३ जाव विहरति । ३. तए णं ते थेरा भगवंतो जायसड्डा जायसंसया जहा गोयमसामी जाव पज्जुवासमाणा एवं वदासी [सु. ४ चमरऽग महिसीणह अग्गमहिसिपरिवारदेबीणां च संखाई परूपणं ]४. चमरस्स णं भंते ! असुरिंदस्स असुरकुमाररण्णो कति अग्गमहिसीओ पण्णत्ताओ ? अज्जो ! पंच अग्गमहिसीओ पन्नताओ, तं जहा काली रायी रयणी विज्जू मेहा । तत्थ णं मेगा देवी अट्ठ देवीसहस्सा परिवारो पन्नत्तो। पभू णं ताओ एगमेगा देवी अन्नाई अट्ठट्ठ देवीसहस्साइं परिवारो पन्नत्तो । पभू णं ताओ सुपव्वावरेणं चत्तालीसं देवीसहस्सा, से त्तं तुडिए। [सु. ५. अप्पणो सुहम्माए चमरस्स सभाए चमरस्स भोगभुंजणाईसु असमत्थत्तं, तस्स हेऊ य] ५. (१) पभू णं भंते! चमरे असुरिंदे असुरकुमारराया चमरचंचाए रायहाणीए सभाए सुहम्माए चमरंसि सीहासणंसि तुडिएणं सद्धिं दिव्वाइं भोगभोगाई भुंजमाणे विहरितए ? णो इणट्टे समट्ठे। (२) से केणट्टेणं भंते! एवं वुच्चइ-नो पभू चमरे असुरिंदे चमरचंचाए रायहाणीए जाव विहरित्तए? “अज्जो ! चमरस्स णं असुरिंदस्स असुरिंदस्स असुरकुमाररण्णो चमरचंचाए रायहाणीए सभाए सुहम्माए माणवए चेइयखंभे वइरामएस गोलवट्टसमुग्गएसु बहूओ जिणसकहाओ सन्निक्खित्ताओ चिट्ठति, जाओ णं चमरस्स असुरिंद असुरकुमाररण्णो अन्नेसिं च बहूणं असुरकुमाराणं देवाण य देवीण य अच्चणिज्जाओ वंदणिज्जाओ नमसणिज्जाओ पूयणिज्जाओ सक्कारणिज्जाओ सम्माणणिज्जाओ कल्लाणं मंगलं देवयं चेतियं पज्जुवासणिज्जाओ भवंति, तेसिं पणिहाए नो पभूः से तेणट्टेणं अज्जो ! एवं वुच्चइ नो पभू चमरे असुरिदे जाव राया चमरचंचाए जा विहरित्तए। “ (३) पभूणं अज्जो ! चमरे असुरिंदे असुरकुमाराया चमरचंचाए रायहाणीए सभाए सुहम्माए चमरंसि सीहासणंसि चउसट्ठीए सामाणियसाहस्सी हिं तावत्तीसाए जाव अन्नेहि य बहूहिं असुरकुमारेहिं देवेहि य देवीहि य सद्धिं संपरिवुडे महयाऽहय जाव भुंजमाणे विहरित्तए, केवलं परियारिद्धीए; नो चेव णं मेहुणवत्तियं”। [सु. ६-१०. सोमाईणं चउण्हं चमरलोगपालाणं देवीसंखाइपरूवणा] ६. चमरस्स णं भंते! असुरिंदस्स असुरकुमाररण्णो सोमस्स महारण्णो कति अग्गमहिसीओ पण्णत्ताओ ? अज्जो ! चत्तारि अग्गमहिसीओ पन्नत्ताओ, तं जहा कणगा कणगलया चित्तगुत्ता वसुंधरा । तत्थ णं एगमेगाए देवीए एगमेगं देविसहस्स परियारो पन्नत्तो । पभू णं ताओ एगमेगा देवी अन्नं एगमेगं देविसहस्सं परिवारं विउव्वित्तए। एवामेव चत्तारि देविसहस्सा, से त्तं तुडिए । ७. पभू णं भंते! चमरस्स असुरिंदस्स असुरकुमाररण्णो सोमे महाराया सोमाए रायहाणीए सभाए सुहम्माए सोमंसि सीहासणंसि तुडिएणं० ? अवसेसं जहा चमरस्स, नवरं परियारो जहा सूरियाभस्स, सेसं तं चेव जाव णो चेव णं मेहुणवत्तियं । ८. चमररस्स णं भंते! जाव रण्णो जमस्स महारण्णो कति अग्गमहिसीओ० ? एवं चेव, नवरं जमाए रायहाणीए सेसं जहा सोमस्स । ९. एवं वरुणस्स वि, नवरं वरुणाए रायहाणीए । १०. एवं वेसमणस्स वि, नवरं वेसमणाए रायहाणीए । सेसं तं चेव जाव ण चेव णं मेहुणवत्तियं। [सु. ११-१२. बलिस्स, सोमाईणं चउण्हं बलिलोगपालाणं च देवीसंखाइपरूवणा] ११. बलिस्स णं भंते! वइरोयणिंदस्स० पुच्छा । अज्जो ! पंच अग्गमहिसीओ पन्नत्ताओ, तं जहा सुंभा निसुंभा रंभा निरंभा मयणा । तत्थ णं एगमेगाए देवीए अट्ठट्ठ० सेसं जहा चमरस्स, नवरं बलिचंचाए रायहाणीए परियारो जहा मोउद्देसए (सु. ३ उ० १ सु. ११-१२), सेसं तं चेव, जाव मेहुणवत्तियं । १२. बलिस्स णं भंते! वइरोयणिंदस्स वइरोयणरण्णो सोमस्स महारण्णो कति अग्गमहिसीओ पन्नत्ताओ ? अज्जो ! चत्तारि अग्गमहिसीओ पन्नत्ताओ, तं जहा मीणगा सुभद्दा विजया असणी। तत्थ णं एगमेगाए देवीए० सेसं जहा चमरसोमस्स,
ॐ श्री आगमगुणमंजूषा ३६९
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |