Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 171

GROF%955555555
(क) भगवई १०मतं 3.३.४
(१५२]
1555555555555sexop
आइड्डि-परिड्डीहिं देवसु देवावासंतरगमणसामत्थवत्तव्वया] २. आइड्डीए णं भंते ! देवे जाव चत्तारि पंच देवावासंतराइं वीतिकंते तेणं परं परिड्डीए ? हंता, गोयमा ! आइड्डीए णं०, तं चेव । ३. एवं असुरकुमारे वि । नवरं असुरकुमारावासंतराई, सेसं तं चेव । ४. एवं एएणं कमेणं जाव थणियकुमारे । ५. एवं वाणमंतरे जोतिसिए वेमाणिए जाव तेण परं परिड्डीए। [सु. ६. अप्पिड्डियदेवस्स महिड्डियदेवमज्झे गमणसामत्थाभावो] ६. अप्पिड्डीए णं भंते ! देवे महिड्डीयस्स देवस्स मज्झमज्झेणं वीतीवइज्जा ? णो इणढे समठे। [सु.७ समिड्डियदेवस्स पमत्तसमिड्डियदेवमज्झे गमणसामत्थं] ७. (१) समिड्डीए णं भंते ! देवे समिड्डीयस्स देवस्स मज्झंमज्झेणं वीतीवएना? णो इणढे समठे। पमत्तं पुण वीतीवएज्जा। (२) सेणं भंते ! किं विमोहित्ता पभू, अविमोहित्ता पभू? गोयमा ! विमोहेत्ता पभू, नो अविमोहेत्ता पभू । (३) से भंते ! किं पुव्विं विमोहेत्ता पच्छा वीतीवएज्जा? पुव्विं वीतीवएत्ता पच्छा विमोहेज्जा ? गोयमा ! पुव्विं विमोहेत्ता पच्छा वीतीवएज्जा, णो पुब्बिं वीतीवइत्ता पच्छा विमोहेज्जा। [सु. ८. महिड्डियदेवस्स अप्पिड्डियदेवमझे गमणसामत्थं] ८. (१) महिड्डीए णं भंते ! देवे अप्पिड्डीयस्स देवस्स मज्झंमज्झेणं वीतीवएज्जा ? हंता, वीतीवएज्ना। (२) से भंते ! किं विमोहित्ता पभू. अविमोहित्ता पभू ? गोयमा ! विमोहित्ता वि पभू, अविमोहित्ता वि पभू । (३) से भंते ! किं पुव्विं विमोहेत्ता पच्छा वीतीवइज्जा ? पुव्विं वीतीवइत्ता पच्छा विमोहेज्जा ? गोयमा ! पुव्विं वा विमोहित्ता पच्छा वीतीवएज्जा. पुव्विं वा वीतीवइत्ता पच्छा विमोहेज्ना। [सु. ९-१०. अप्पिड्ढियाणं चउविहाणं देवाणं सकीयदेवलोयमहिड्डियदेवमज्झे गमणसामत्थाभावो] ९. (१) अप्पिड्डीए णं भंते ! असुरकुमारे महिड्डीयस्स असुरकुमारस्स मज्झमज्झेणं वीतीवएज्जा ? णो इणढे समढे। (२) एवं असुरकुमारेण वि तिण्णि आलावगा भाणियव्वा जहा ओहिएणं देवेणं भणिता। (३) एवं जाव थणियकुमारेणं । १०. वाणमंतर-जोतिसिय-वेमाणिएणं एवं चेव (सु. ९)। [सु. ११-१२. छट्ठ सत्तम- अट्ठमसुत्तवत्तव्वयाणुसारेण देवस्स देवीमज्झगमणसामत्थासामत्थपरूवणं] ११. अप्पिड्डीए णं भंते ! देवे महिड्डीयाए देवीए मज्झंमज्झेणं वीतीवएज्जा ? णो इणढे समठे। १२. समिड्डीए णं भंते ! देवे समिड्डीयाए देवीए मज्झंमज्झेणं०? एवं तहेव देवेण य देवीए य दंडओ भाणिव्वो जाव वेमाणियाए। [सु. १३. छट्ठ-सत्तम-अट्ठमसुत्तवत्तव्वयाणुसारेण देवी देवमज्झगमणसामत्थासामत्थनिरूवणं] १३. अप्पिड्डिया णं भंते ! देवी महिड्डीयस्स देवस्स मज्झमझेणं० ? एवं एसो वि तइओ भाणिव्वो जाव महिड्डिया वेमाणिणी अप्पिड्डियस्स वेमाणियस्स मज्झंमज्झेणं वीतीवएज्जा ? हंता, वीतीवएज्जा। [सु. १४-१७. छट्ठ-सत्तम-अट्ठमवत्तव्वयाणुसारेण देवीए देवीमज्झगमणसामत्थासामत्थनिरूवणं] १४. अप्पिड्डीया णं भंते ! देवी महिड्डियाए देवीए मझमज्झेणं वीतीवएज्जा ? णो इणढे समढे । १५. एवं समिड्डिया देवी समिड्डियाए देवीए तहेव । १६. महिड्डिया देवी अप्पिड्डियाए देवीए तहेव । १७. एवं एक्कक्के तिण्णि तिण्णि आलावगा भाणियव्वा जाव महिड्डीया णं भंते ! वेमाणिणी अप्पिड्डीयाए वेमाणिणीए मज्झमज्झेणं वीतीवएज्जा ? हंता, वीतीवएज्जा । सा भंते ! किं विमोहित्ता पभू ? तहेव जाव पुब्विं वा वीइवइत्ता पच्छा विमोहेज्ना । एए चत्तारि दंडगा। [सु. १८. धावमाणस्स आसस्स 'खु खु' सद्दकरेण हेउनिरूवणं] १८. आसस्स णं भंते ! धावमाणस्स किं 'खु खु' त्ति करेइ ? गोयमा ! आसस्स णं धावमाणस्स हिययस्स य जगयस्स य अंतरा एत्थ णं कक्कडए नाम वाए समुट्ठइ, जे णं धावमाणस्स 'खु खु' त्ति करेति । [सु. १९. पण्णवणीभासापरूवणं] १९. अह भंते ! आसइस्सामो सइस्सामो चिट्ठिस्सामो निसिइस्सामो तुयट्टिस्सामो, आमंताणि आणमणी २ जायणि ३ तह पुच्छणी ४ य पण्णवणी ५ । पच्चक्खाणी भासा ६ भासा इच्छाणुलोभा य ॥१॥ अणभिग्गहिया भासा ८ भासा य अभिग्गहम्मि बोधव्वा ९ । संसयकरणी भासा १० वोयड ११ मव्वोयडा १२ चेव ।।२।। पण्णवणी णं एसा भासा, न एसा भासा मोसा ? हंता, गोयमा ! आसइस्सामो० तं चेव जाव न एसा भासा मोसा । सेवं भंते ! सेवं भंते ! त्ति० । ।।१०.३।। *** चउत्थो उद्देसओ 'सामहत्थि' [सु. १-४. चउत्थुद्देसस्सुवुग्घाओ] १. तेणं कालेणं तेणं समएणं वाणियगामे नामं नगरे होत्था । वण्णओ। दूतिपलासए चेतिए। सामी समोसढे जाव परिसा पडिगया। २. तेणं कालेणं तेणं समएणं समणस्स भगवतो महावीरस्स जेटे अंतेवासी इंदभूती नामं अणगारे जाव उहुंजाणू जाव
C听听听听听听听听听听听听听听听听听听听听听听听听听听听听听听听听听听听听听听听听听听听听听听听听52
xe:55555555555555555555555 श्री आगमगुणमंजघा - ३६७55555555555555555555555555OOK