Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 169

(५) भगवई ९ सतं उ ३४ / १० सतं १ [१५० ]
*****For किरियापरूवणा] १६. पुढविक्काइए णं भंते! पुढविकाइयं चेव आणममाणे वा पाणममाणे वा ऊससमाणे वा नीससमाणे वा कइकिरिए ? गोयमा ! सिय तिकिरिए, सिय चउकिरिए, सिय पंचकिरिए । १७. पुढविक्काइए णं भंते ! आउक्काइयं आणमाणे वा० ? एवं चेव । १८. एवं जाव वणस्सइकाइयं । १९. एवं आउकाइएण वि सव्वे विभाणिव्वा । २०. एवं तेउक्काइएण वि । २१. एवं वाउक्कइएण वि । २२. वणस्सइकाइए णं भंते ! वणस्सइकाइयं चेव आणममाणे वा० ? पुच्छा । गोयमा ! सिय तिकिरिए, सिय चउकिरिए, सिय पंचकिरिए । [सु. २३-२५. रुक्खमूल - कंद - बीयाणि पचालेमाणे पवाडेमाणे य वाउकाए किरियापरूवणा] २३. वाउक्कइए णं भंते ! रुक्खस्स मूलं पचालेमाणे वा पवाडेमाणे वा कतिकिरिए ? गोयमा ! सिय तिकिरिए, सिय चउकिरिए, सिय पंचकिरिए । २४. एवं कंदं । २५. एवं जाव बीयं पचालेमाणे वा० पुच्छा । गोयमा ! सिय तिकिरिए, सिय चउकिरिए, सिय पंचकिरिए। सेवं भंते! सेवं भंते! ति० ॥ ★★★ ॥ चउत्तीसइमो उद्देसो समत्तो ।।९.३४ ।। नवमं सत्तं समत्तं ||९|| 55 दसमं सयं 555 [सु. १. दसमसयस्स चोत्तीसुद्देसनामसंगहगाहा] १. दिस १ संवुड अणगारे २ आइड्ढी ३ सामहत्थि ४ देवि ५ सभा ६ | उत्तर अंतरदीवा ७-३४ दसमम्मि सयम्मि चोत्तीसा ॥ १ ॥ ★★★ पढमो उद्देसओ 'दिस'★★★ [सु. २. पढमुद्देसस्सुवुग्धाओ] २. रायगिहे जाव एवं वदासी [सु. ३-५ दिसाणं सरूवं] ३. किमियं भंते! पाईणा ति पवुच्चति ? गोयमा ! जीवा चेव अजीवा चेव । ४. किमियं भंते! पडीणा ति पवुच्चति ? गोयमा ! एवं चेव ५. एवं दाहिणा, एवं उदीणा, एवं उड्डा, एवं अहा वि । [सु. ६. दिसाणं दस भेया] ६. कति णं भंते! दिसाओ पण्णत्ताओ ? गोयमा ! दस दिसाओ पण्णत्ताओ, तं जहा पुरत्थिमा १ पुरत्थिमदाहिणा २ दाहिणा ३ दाहिणपच्चत्थिमा ४ पच्चत्थिमा ५ पच्चत्थिमुत्तरा ६ उत्तरा ७ उत्तरपुरत्थिमा ८ उड्डा ९ अहा १० । [सु. ७. दसण्हं दिसाणं नामंतरदसगं] ७. एयासि णं भंते! दसण्हं दिसाणं कति णामधेज्जा पण्णत्ता ? गोयमा ! दस नामधेज्जा पण्णत्ता, तं जहा इंदऽग्गेयी १-२ जम्मा य ३ नेरती ४ वारुणी ५ य वायव्वा ६ । सोमा ७ ईसाणी या ८ विमला य ९ तमा य १० बोधव्वा ॥ २॥ [सु. ८-१७. जीवाजीवेहिं जीवाजीवदेस-पदेसेहि य दससु दिसासु वत्तव्वया] ८. इंदा णं भंते! दिसा किं जीवा, जीवदेसा, जीवपदेसा, अजीवा, अजीवदेसा, अजीवपएसा ? गोयमा ! जीवा वि, तं चेव जाव अजीवपएसा वि । जे जीवा ते नियमं एगिदिया, बेइंदिया जाव पंचिदिया, अणिदिया। जे जीवदेसा ते नियमं एगिदियदेसा जाव अणिदियदेसा । जे जीवपएसा ते नियमं एगिंदियपएसा जाव अणिदियपएसा । जे जीवपएसा ते नियमं एगिदियपएसा जाव अणिदियपएसा । जे अजीवा, ते दुविहा पण्णत्ता, तंजा रूविअजीवा य, अरूविअजीवा य । जे रूविअजीवा ते चउव्विहा पण्णत्ता, तं जहा खंधा १ खंधदेसा २ खंधपएसा ३ परमाणुपोग्गला ४ । जे अरूविअजीवा ते सत्तविहा पण्णत्ता, तं जहा नो धम्मत्थिकाये, धम्मत्थिकायस्स देसे १ धम्मत्थिकायस्स पदेसा २; नो अधम्मत्थिकाये, अधम्मत्थिकायस्स देसे ३ अधम्मत्थिकायस्स पदेसा ४; नो आगासत्थिकाये, आगासत्थिकायस्स देसे ५ आगासत्थिकायस्स पदेसा ६ अद्धासमये ७ । ९. अग्गेयी णं भंते! दिसा किं जीवा, जीवदेसा, जीवपदेसा० पुच्छा । गोयमा ! णो जीवा, जीवदेसा वि, जीवपदेसा वि, अजीव वि, अजीवदेसा वि, अजीवपदेसा वि । जे जीवदेसा ते नियमं एगिदियदेसा | अहवा एगिदियदेसा य बेइंदियस्स देसे १, अहवा एगिदियदेसा य बेइंदियस्स देसा २, अहवा एगिंदियदेसा य बेइंदियाण य देसा ३ | अहवा एगिदियदेसाय तेइंदियस्स देसे, एवं चेव तियभंगो भाणियव्वो । एवं जाव अणिदियाणं तियभंगो। जे जीवपदेसा ते नियमा एगिंदियपदेसा । अहवा एगिदियपदेसा य बेइंदियस्स पदेसा, अहवा एगिदियपदेसा य बेइंदियाण य पएसा । एवं आदिल्लविरहिओ जाव अणिदियाणं । जे अजीवा ते दुविहा पण्णत्ता, तं जहा - रूविअजीवा य अरूविअजीवा य । जे रूविअजीवा ते चउव्विहा पण्णत्ता, तं जहा खंधा जाव परमाणुपोग्गला ४ । जे अरूविअजीवा ते सत्तविधा पण्णत्ता, तं जहा नो धम्मत्थिकाये, धम्मत्थिकायस्स देसे १ धम्मत्थिकायस्स पदेसा २; एवं अधम्मत्थिकायस्स वि ३-४; एवं आगासत्थिकायस्स वि जाव आगासत्थिकायस्स
फ्र
Education International 2010_03
For Private & Personal Use Only www.jainelibrary.o MOMQUE LE LE LE LE LE LE LEVELE LE VE VE LE LE LE LE LE 45 46 46 45 45 46 461 2LGET-369 246 45 46 45 46 46 45 46 45 45 45 46 46 45 46 45 LE LE VELE LE VELE LEVELE VEGVON