Page Text
________________
19
फफफफफफफ
555
(५) (१२२)
66666666666666
वीरियंतराएणं अंतराइयकम्मासरीरप्पयोगनामाए कम्मस्स उदएणं अंतराइयकम्मासरीरप्पयोगबंधे । ११२. (१) णाणावरणिजकम्मासरीरप्पयोगबंधे णं भंते ! किं देसबंधे सव्वबंधे ? गोयमा ! देसबंधे, णो सव्वबंधे । (२) एवं जाव अंतराइयकम्मासरीरप्पयोगबंधे । ११३. णाणावरणिज्जकम्मासरीरप्पयोगबंधे णं भंते ! कालओ केवच्चिरं होइ ? गोयमा ! गाणावरणिजकम्मासरीरम्पयारा दुविहे पुण्णत्ते तं जहा अणाईए सपज्जवसिए, अाईए अपज्जवसिए वा. एवं जहा तेयगसरीरसंचिणा तहेव । ११४. एवं जाव अंतराइयकम्मस्स । ११५. णाणावरणिज्जकम्मासरीरप्पयोगबंधंतरं णं भंते! कालओ केवच्चिरं होई ? गोयमा ! अणाईयस्स० एवं जहा तेयगसरीरस्स अंतरं तहेव । ११६. एवं जाव अंतराइयस्स । ११७. एएसि णं भंते! जीवाणं नाणावरणिजस्स देसबंधगाणं, अबंधगाण य कयरे कयरेहिंतो० जाव अप्पाबहुगं जहा तेयगस्स । ११८. एवं आउयवज्जं जाव अंतराइयस्स । ११९. आउयस्स पुच्छा। गोयमा ! सव्वत्थोवा जीवा आउयस्स कम्मस्स देसबंधगा. अबंधगा संखेज्जगुणा । [सु. १२०-१२८. ओरालियाईणं पंचण्डं सरीराणमण्णोण्णं सव्व देसबंधवत्तव्वया] १२०. (१) जस्स णं भंते ! ओरालियसरीरस्स सव्वबंधे से णं भंते! वेउव्वियसरीरस्स किं बंधए, अबंधए ? गोयमा ! नो बंधए, अबंधए । (२) आहारगसरीरस्स किं बंधए, अबंधए ? गोयमा ! नो बंधए, अबंधए। (३) तेयासरीरस्स किं बंधए, अबंधए ? गोयमा ! बंधए, नो अबंधए । (४) जइ बंधए किं देसबंधए, सव्वबंधए ? गोयमा ! देसबंधए, नो सव्वबंधए । (५) कम्मासरीरस्स किं बंधए, अबंधए ? जहेव तेयगस्स जाव देसबंधए, नो सव्वबंधए । १२१. जस्स णं भंते! ओरालियसरीरस्स देसबंधे से णं भंते! वेउव्वियसरीरस्स किं बंधए, अबंधए ? गोयमा ! नो बंधए, अबंधए । १२२. एवं जहेव सव्वबंधेणं भणियं तहेव देसबंधेण वि भाणियव्वं जाव कम्मगस्स । १२३. (१) जस्स णं भंते ! वेउव्वियसरीरस्स सव्वबंधे से णं भंते! ओरालियसरीरस्स किं बंधए, अबंधए ? गोयमा ! नो बंधए, अबंधए । (२) आहारगसरीरस्स एवं चेव । (३) तेयगस्स कम्मगस्स य जहेव ओरालिएणं समं भणियं तहेव भाणियव्वं जाव देसबंधए, नो सव्वबंधए । १२४. (१) जस्सणं भंते ! वेउव्वियसरीरस्स सबंधे से णं भंते! ओरालियसरीरस्स किं बंधए, अबंधए ? गोयमा ! नो बंधए, अबंधए । (२) एवं जहा सव्वबंधेणं भणियं तहेव देसबंधेणं वि भाणियव्वं जाव कम्मगस्स । १२५. (१) जस्स णं भंते! आहारगसरीरस्स सब्वबंधे से णं भंते! ओरालियसरीरस्स किं बंधए, अबंधए ? गोयमा ! नो बंधए, अबंधए । (२) एवं वेउव्वियस्स वि । (३) तेया-कम्माणं जहेव ओरालिएणं समं भणियं तहेव भाणियव्वं । १२६. जस्स णं भंते! आहारगसरीरस्स देसबंधे से णं भंते ! ओरालियस रस्स० एवं जहा आहारगसरीरस्स सव्वबंधेणं भणियं तहा देसबंधेण वि भाणियव्वं जाव कम्मगस्स । १२७. (१) जस्स णं भंते! तेयासरीरस्स देसबंधे से णं भंते! ओरालियसरीरस्स किं बंधए, अबंधए ? गोयमा ! बंधए वा अबंधए वा । (२) जइ बंधए किं देसबंधए, सव्वबंधए ? गोयमा ! देसबंधए वा, सव्वबंधए वा । (३) वेउव्वियसरीरस्स किं बंधए, अबंधए ? एवं चेव । (४) एवं आहारगसरीरस्स वि । (५) कम्मगसरीरस्स किं बंधए, अबंधए ? गोयमा ! बंधए, नो अबंधए । (६) जइ बंधए किं देसबंधए, सव्वबंधए ? गोयमा ! देसबंधए, नो सव्वबंधए । १२८. जस्स णं भंते ! कम्मगसरीरस्स देसबंधे से णं भंते ! ओरालियस रस्स० जहा तेयगस्स वत्तव्वया भणिया तहा कम्मगस्स वि भाणियव्वा जाव तेयासरीरस्स जाव देसबंधए, नो सव्वबंधए । [सु. १२९. ओशलियाइपंचसरीरदेसंबंधग सव्वबंधगाणं जीवाणमप्पाबहुयं] १२९. एएसि णं भंते! जीवाणं ओरालिय- वेउव्विय- आहारग तेयाकम्मासरीरगाणं देसबंधगाणं सव्वबंधगाणं अबंधगाण य कयरे कयरेहिंतो जाव विसेसाहिया वा ? गोयमा ! सव्वत्थोवा जीवा आहारगसरीरस्स सव्वबंधगा १ । तस्स चेव देसबंधगा संखेज्जगुणा २ | वेउव्वियसरीरस्स सव्वबंधगा असंखेज्जगुणा ३ । तस्स चेव देसबंधगा असंखेज्जगुणा ४ । तेया -कम्मगाणं दुण्ह वि तुल्ला अबंधगा अनंतगुणा ५ । ओरालियसरीरस्स सव्वबंधगा अनंतगुणा ६ । तस्स चेव अबंधगा विसेसाहिया ७ । तस्से चेव देसबंधगा असंखेज्जगुणा ८। तेया -कम्मगाणं देसबंधगा विसेसाहिया ९ | वेडव्वियसरीरस्स अबंधगा विसेसाहिया १० | आहारगसरीरस्स अबंधगा विसेसाहिया ११ । सेवं भंते ! सेवं भंते ! त्ति० । ★ ★ ★ अट्ठमसयस्स नवमो
5 श्री आगमगुणमंजूषा ३० फु
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |