Page Text
________________
(५) भगवई ८ सतं उ९ [१२१]
76666666666666666
[सु. ९०-९६. तेयगसरीरप्पओगबंधस्स भेय- पभेयाइनिरूवणापुव्वं वित्थरओ परूवणा] ९०. तेयासरीरप्पयोगबंधे णं भंते ! कतिविहे पण्णत्ते ? गोयमा ! पंचविहे पण्णत्ते, तं जहा एगिदियतेयासरीरप्पयोगबंधे, बेइंदिय०, तेइंदिय०, जाव पंचिंदियतेयासरीरप्पयोगबंधे । ९१. एगिदियतेयासरीरप्पयोगबंधेणं भंते! कतिविहे पण्णत्ते ? एवं एएणं अभिलावेण भेदो जहा ओगाहणसंठाणे जाव पज्जत्तसव्वट्टसिद्ध अणुत्तरोववाइयकप्पातीयवेमाणियदेवपंचिदियतेयासरीरप्पयोगबंधे य अपज्जत्तसव्ववसिद्धअणुत्तरोववाइय० जाव बंधे य । ९२. तेयासरीरप्पयोगबंधे णं भंते ! कस्स कम्मस्स उदपणं ? गोयमा ! वीरियसजोगसद्दव्वयाए जाव आउयं वा पडुच्च तेयासरीरप्पयोगनामाए कम्मस्स उदएणं तेयासरीरप्पयोगबंधे । ९३. तेयासरीरप्पयोगबंधे णं भंते! किं देसबंधे सव्वबंधे ? गोयमा ! देसबंधे, नो सव्वबंधे । ९४. तेयासरीरप्पयोगबंधे णं भंते! कालओ केवचिरं होइ ? गोयमा ! दुविहे पण्णत्ते, तं जहा अणाईए वा अपज्नवसिए, अणाईए वा सपज्जवसिए । ९५. तेयासरीरप्पयोगबंधंतरं णं भंते! कालओ केवच्चिरं होइ ? गोयमा ! अणाईयस्स अपज्जवसियस्स नत्थि अंतरं, अणाईयस्स सपज्जवसियस्स नत्थि अंतरं । ९६. एएसि णं भंते ! जीवाणं तेयासरीरस्स देसबंधगाणं अबंधगाण य कयरे कयरेहिंतो जाव विसेसाहिया वा ? गोयमा ! सव्वत्थोवा जीवा तेयासरीरस्स अबंधगा, देसंबंधगा अनंतगुणा । [ सु. ९७-११९. कम्मगसरीरप्पयोगबंधस्स भेय - पभेयाइनिरूवणापुव्वं वित्थरओ परूवणा] ९७. कम्मासरीरप्पयोगबंधे णं भंते ! कतिविहे पण्णत्ते ? गोयमा ! अट्ठविहे पण्णत्ते, तं जहा नाणावरणिज्जकम्मासरीरप्पयोगबंधे जाव अंतराइयकम्मासरीरप्पयोगबंधे । ९८. णाणावरणिज्नकम्मासरीरप्पयोगबंधे णं भंते! कस्स कम्मस्स उदएणं ? गोयमा ! नाणपडिणीययाए णाणणिण्हवणयाए णाणंतराएणं णाणप्पदोसेणं णाणच्चासादणाए
06666666666666666
विसंवादणाजोगेणं णाणावरणिज्जकम्मासरीरप्पयोगनामाए कम्मस्स उदएणं णाणावरणिज्जकम्मासरीरप्पयोगबंधे । ९९. दरिसणावरणिज्जकम्मासरीरप्पयोगबंधे णं भंते ! कस्स कम्मस्स उदएणं ? गोयमा ! दंसणपडिणीययाए एवं जहा णाणावरणिज्जं, नवरं 'दंसण' नाम घेत्तव्वं जाव दंसणविसंवादणाजोगेणं दरिसणावरणिज्नकम्मासरीरप्पयोगनामाए कम्मस्स उदएणं जाव प्पओगबंधे । १००. सायावेयणिज्नकम्मासरीरप्पयोगबंधे णं भंते! कस्स कम्मस्स उदएणं ? गोयमा ! पाणाणुकंपयाए भूयाणुकंपयाए, एवं जहा सत्तमसए दसमु (छडु) द्देसए जाव अपरियावणयाए (स. ७३०६ सु. २४) सायावेयणिज्जकम्मासरीरप्पयोगनामाए कम्मस्स उदएणं सायावेयणिज्नकम्मा जाव बंधे । १०१. अस्सायावेयणिज्ज० पुच्छा । गोयमा ! परदुक्खणयाए परसोयणयाए जहा सत्तमसए दसमु (छट्टु ) देसए जाव परियावणयाए (स. ७ उ० ६ सु. २८) अस्सायावेयणिज्जकम्मा जाव पयोगबंधे । १०२. मोहणिज्जकम्मासरीरप्पयोग० पुच्छा । गोयमा ! तिव्वकोहयाए तिव्वमाणयाए तिव्वमायाए तिव्वलोभाए तिव्वदंसणमोहणिज्जयाए तिव्वचरित्तमोहणिज्जयाए मोहणिज्जकम्मासरीर० जाव पयोगबंधे । १०३. नेरइयाउयकम्मासरीरप्पयोगबंधे णं भंते! पुच्छा । गोयमा ! महारंभयाए महापरिग्गहयाए पंचिदियवहेणं कुणिमाहारेणं नेरइयाउयकम्मासरीरप्पयोगनामाए कम्मस्स उणं नेरइयाउ कम्मासरीर० जाव पयोगबंधे । १०४. तिरिक्खजोणियाउयकम्मासरीरप्पओग० पुच्छा। गोयमा ! माइल्लयाए नियडिल्लयाए अलियवयणेणं कूडतूल -कूडमाणेणं तिरिक्खजोणियकम्मासरीर जाव पयोगबंधे । १०५. मणुस्सआउयकम्मासरीर० पुच्छा। गोयमा ! पगइभद्दयाए पगइविणीययाए साणुक्कोसयाए अमच्छरिययाए मणुस्साउयकम्मा० जाव पयोगबंधे । १०६. देवाउयकम्मासरीर० पुच्छा। गोयमा ! सरागसंजमेणं संजमासंजमेणं बालतवोकम्मेणं अकामनिज्जराए देवाउयकम्मासरीर० जाव पयोगबंधे । १०७. सुभनामकम्मासरीर० पुच्छा । गोयमा ! कायउज्जुययाए भावुज्जुययाए भासुज्जुययाए अविसंवादणजोगेणं सुभनामकम्मासरीर जाव प्पयोगबंधे । १०८. असुभनामकम्मासरीर० पुच्छा। गोयमा ! काय अणुज्जुययाए भावअणुज्जुययाए भासअणुज्नुययाए विसंवायणाजोगेणं असुभनामकम्मा० जाव पयोगबंधे । १०९. उच्चागोयकम्मासरीर० पुच्छा। गोयमा ! जातिअमदेणं कुलअमदेणं बलअमदेणं रूवअमदेणं तवअमदेणं सुयअमदेणं लाभअमदेणं इस्सरियअमदेणं उच्चागोयकम्मासरीर० जाव पयोगबंधे । ११०. नीयगोयकम्मासरीर० पुच्छा। गोयमा ! जातिमदेणं कुलमदेणं बलमदेणं जाव इस्सरियमदेणं णीयागोयकम्मासरीर० जाव पयोगबंधे । १११. अंतराइयकम्मासरीर० पुच्छा । गोयमा ! दाणंतराएणं लाभंतराएणं भोगंतराएणं उवभोगंतराएणं
Education International 2010 03
For Private & Personal Use Only
www.jainelibra
14545454545454545454545454545454545454545454545469
0555555555555555 श्री आगमगणमंजूषा
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |