Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 110

95
(५) भगवई ७ सतं उद्देसक ८-९ [९]
हत्थिकुंथूणं अपच्चक्खाणकिरियाए समाणत्तपरूवणं ] ८. (१) से नूण भंते ! हत्थिस्स य कुंथुस्स य समा चेव अप्पक्खाण किरिया कज्जति ? हंता, गोयमा !
स्य कुंथु जाव कज्जति । (२) से केणद्वेणं भंते । एवं वुच्चइ जाव कज्जति ? गोयमा ! अविरतिं पडुच्च । से तेणट्टेणं जाव कज्जति । [ सु. ९. आहाकम्मभोइणो बंधादिपरूवणनिद्देसो ] ९. आहाकम्मं णं भंते! भुंजमाणे किं बंधति ? किं पकरेति ? किं चिणाति ? किं उवचिणाति ? एवं जहां पढमे जहा पढमे सते नवमे उद्देसए (सु. २६) तहा भाणियव्वं जाव सासते पंडिते, पंडितत्तं असासयं । सेवं भंते ! सेवं भंते ! त्ति | ★★★ ॥सत्तमसयस्स अट्ठमो उद्दसो ।।७.८ ॥ ★★★ नवमो उद्दसो 'असंवुड' ★★★ [सु. १४. असंवुड संवुडाणं अणगाराणं एगवण्ण- एगरूवाइविकुब्वणावत्तव्वया] १. असंवुडे णं भंते ! अणगारे बाहिरए पोग्गले अपरियादिइत्ता पभू एगवण्णं एगरूवं विउव्वित्तए ? णो इणठ्ठे समठ्ठे । २. असंवुडे णं भंते! अणगारे बाहिरए पोग्गले परियादिइत्ता भू एगवण्णं एगरूवं जाव हंता, पभू । ३. से भंते! किं इहगते पोग्गले परियादिइत्ता विउव्वइ ? तत्थगए पोग्गले परियादिइत्ता विउव्वइ ? अन्नत्थगए पोग्गले परियादिइत्ता Paras ? गोयमा ! इहगए पोग्गले परियादिइत्ता विकुव्वइ, नो तत्थगए पोग्गले परियादिइत्ता विकुव्वइ, नो अन्नत्थगए पोग्गले जाव विकुव्वइ । ४. (१) एवं एगवण्णं अणेगरूवं चउभंगो जहा छट्ठसए नवमे उद्देसए (सु. ५) तहा इहावि भाणियव्वं । नवरं अणगारे इहगए इहगए चेव पोग्गले परियादिइत्ता विकुव्वइ । सेसं तं चेव जाव लुक्खपोग्गलं निद्धपोग्गलत्ताए परिणामेत्तए ? हंता, पभू । (२) से भंते! किं इहगए पोग्गले परियादिइत्ता जाव (सु. ३) नो अन्नत्थगए पोग्गले परियादिइत्ता विकुब्वइ। [सु. ५. महासिलाकंटयसंगामे कोणियस्स जयो] ५. णायमेतं अरहता, सुयमेतं अरहया, विण्णायमेतं अरहया, महासिलाकंटए संगामे महासिलाकंटए संगामे । महासिलाकंटए णं भंते! संगामे वट्टमाणे के जयित्था ? के पराजइत्था ? गोयमा ! वज्जी विदेहपुत्ते जइत्था, नव मल्लई नव लेच्छई कासीकोसलगा अट्ठारस वि गणरायाणो पराजइत्था । [सु. ६-१३. महासिलाकंटगसंगामस्स सवित्थरं वण्णणं ] ६. तए णं कूणिए राया महासिलाकंटगं संगामं उद्वितं जाणित्ता कोडुंबियपुरिसे सद्दावेइ, सद्दावेत्ता एवं वयासी - खिप्पामेव भो देवाणुप्पिया ! उदाई हत्थिरायं परिकप्पेह, हय-गय-रह- जोहकलियं चातुरंगिणं सेणं सन्नाहेह, सन्नाहेत्ता जाव मम एतमाणत्तियं खिप्पामेव पच्चप्पिणह । ७. तए णं ते कोडुंबियपुरिसा कूणिएणं रण्णा एवं वुत्ता समाणा हट्ठतुट्ठा जाव अंजलिं कट्टु एवं सामी ! तह'त्ति आणाए विणएणं वयणं पडिसुणंति, पडिसुणित्ता खिप्पामेव छेयायरियोवएसमतिकप्पणाविकप्पेहिं सुनिउणेहिं एवं जहा उववातिए जाव भीमं संगामियं अउज्झं उदारं हत्थिरायं परिकप्पेति हयगय जाव सन्नाहेति, सन्नाहित्ता जेणेव कूणिए राया तेणेव उवा०, तेणेव २ करयल० कूणियस्स रण्णो तमाणत्तियं पच्चप्पिणंति । ८. तए णं से कूणिए राया जेणेव मज्जणघरे तेणेव उवा०, २ चा मज्जेणघरं अणुप्पविसति, मज्जण०२ पहाते कतबलिकम्मे कयकोतुयमंगलपायच्छित्ते सव्वालंकारविभूसिए सन्नद्धबद्धवम्मियकवए उप्पीलियसरासणपट्टिए पिणद्धगेवेज्जविमलवरबद्धचिंधपट्टे गहियायुहप्पहरणे सकोरेंटमल्लदामेणं छत्तेणं धरिज्जमाणेणं चउचामरवालवीइतंगे मंगलजयसद्दकतालोए एवं जहा उववातिए जाव उवागच्छित्ता उदाई हत्थिरायं दुरूढे । ९. तए णं से कूणिए नरिंदे हारोत्थयसुकयरतियवच्छे जहा उववातिए जाव सेयवरचामराहिं उद्धव्वमाणीहिं उदुव्वामाणीहिं हय-गय-रह-पवरजोहकलिताए चातुरंगिणीए सेणाए सद्धिं संपरिवुडे महया भडचडगरवंदपरिक्खित्ते जेणेव महासिलाकंटए संगामे तेणेव उवागच्छइ, तेणेव उवागच्चित्ता महासिलाकंटयं संगामं ओयाए, पुरओ य से सक्के देविदे देवराया एवं महं अभेज्जकवयं वइरपडिरूवगं विउव्वित्ताणं चिट्ठति । एवं खलु दो इंदा संगामं संगामेति, तं जहा देविंदे य मणुइंदे य, एगहत्थिणा वि णं पभू कूणिए राया पराजिणित्तए । १०. तए णं से कूणिए राया महासिलाकंटकं संगामं संगामेमाणे नव मल्लई, नव लेच्छई, कासी कोसलगा अट्ठारस वि गणरायाणो हयमहियपवरवीर - घातियविवडियचिंधधय-पडागे किच्छप्पाणगते दिसो दिसिं पडिसेहेत्था । [सु. ११. महासिलाकंटगसंगामसरूवं ] ११. से केणद्वेणं भंते! एवं वुच्चति 'महासिलाकंटए संगामे महासिलाकंटए संगामे' ? गोयमा ! महासिलाकंटए णं संगामेवट्टमाणे जे तत्थ आसे वा हत्थी वा जोहे वा सारही वा तणेण वा कट्टेण वा पत्तेण वा सक्कराए वा
5 श्री आगमगुणमंजूषा ३०६
TOTOK
5 5 5 5 5 5555555555555