Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 108

(५) भगवई ७ सतं उद्देसक ६.७ [८९]
सोलसवीसतिवासपरमाउसा पुत्त - णत्तुपरियालपणयबहुला गंगा - सिंधूओ महानदीओ वेयहुं च पव्वयं निस्साए बहुत्तरि णिगोदा बीयं बीयामेत्ता बिलवासिणो भविस्संति। [सु. ३४. दूसमदूसमाए भरहवासमणुयाणं आहारपरूवणा] ३४. ते णं भंते! मणुया कमाहारमाहारेहिति ? गोयमा ! तेणं कालेणं तेणं समएणं गंगा - सिंधूओ महानदीओ रहपहवित्थाराओ अक्खसोतप्पमाणमित्तं जलं वोज्झिहिति से वि य णं जले बहुमच्छ- कच्छभाइण्णे च्चेव णं आउबहुले भविस्सति । तए णं ते मया सूरोग्गमणमुहुत्तंसि य सूरत्थमणमुहुत्तंसि य बिलेहिंतो निद्धाहिति, बिलेहिंतो निद्राइत्ता मच्छ- कच्छभे थलाई गाहेहिति, मच्छ- कच्छभे थलाई गाहेत्ता सीतातवतत्तएहिं मच्छ- कच्छएहिं एक्कवीसं वाससहस्साइं वित्तिं कप्पेमाणा विहरिस्संति । [सु. ३५-३७. दूसमदूसमाए समाए भरहवासमणुय सीहादि ढंकादीणं जम्मंतरगइपरूवणा] ३५. ते णं भंते! मणुया निस्सीला णिग्गुणा निम्मेरा निप्पच्चक्खाण-पोसहोववासा उस्सन्नं मंसाहारा मच्छहारा खोद्दाहारा कुणिमाहारा कालमासे कालं किच्चा कहिं गच्छिहिति ? कहिं उववज्जिहिति ? गोयमा ! ओसन्नं नरग -तिरिक्खजोणिएसु उववज्जिर्हिति । ३६. ते णं भंते ! सीहा वग्घा विगा दीविया अच्छा तरच्छा परस्सरा णिस्सीला तहेव जाव कहिं उववज्जिहिति ? गोयमा ! ओसन्नं नरग - तिरिक्खजोणिएसु उववज्जिहिति । ३७. ते णं भंते ! ढंका कंका विलका मद्दुगा सिही णिस्सीला तहेव जाव ओसन्नं नरग- तिरिक्खजोणिएसु उववज्जिर्हिति । सेवं भंते! सेवं भंते! त्ति० ।★★★ सत्तमसतस्स छट्टो उद्देसो ॥७.६|| सत्तमो उद्देसो 'अणगार' ★★★ [सु. १. संवुडस्स अणगारस्स किरियापरूवणा] १. (१) संवुडस्स णं भंते! अणगारस्स आउत्तं गच्छमाणस्स जाव आउत्तं तुयट्टमाणस्स, आउत्तं वत्थं पडिग्गहं कंबलं पायपुंछणं गिण्हमाणस्स वा निक्खिवमाणस्स वा, तस्स णं भंते! किं इरियावहिया किरिया कज्जति ? संपराइया किरिया कज्जति ? गोतमा ! संवुडस्स णं अणगारस्स जाव तस्स णं इरियावहिया किरिया कज्नति, णो संपराइया किरिया कज्जति । (२) से केणट्टेणं भंते! एवं वुच्चइ 'संवुडस्सणं जाव नो संपराइया किरिया कज्जति' ? गोयमा ! जस्स णं कोह -माण माया लोभा वोच्छिन्ना भवंति तस्स णं इरियावहिया किरिया कज्जति तव जाव उस्सुत्तं रीयमाणस्स संपराइया किरिया कज्जति, से णं अहासुत्तमेव रीयति; से तेणट्टेणं गोतमा ! जाव नो संपराइया किरिया कज्जति । [ सु. २- ११. कामभोगाणं रूवित्त-सचित्ताचित्तत्त-जीवाजीवत्तपरूवणा जीवनिस्सियत्तं भेयपरूवणा य ॥] २. रूवी भंते! कामा? अरूवी कामा ? गोयमा ! रूवी कामा समणा उसो !, नो अरूवी कामा । ३. सचित्ता भंते ! कामा ? अचित्ता कामा? गोयमा ! सचित्ता वि कामा, अचित्ता वि कामा । ४. जीवा भंते ! कामा ? अजीवा कामा ? गोतमा ! जीवा विकामा, अजीवा वि कामा । ५. जीवाणं भंते! कामा अजीवाणं कामा ? गोयमा ! जीवाणं कामा, नो अजीवाणं कामा । ६. कतिविहा णं भंते! कामा पण्णत्ता ? गोयमा ! दुविहा कामा पण्णत्ता, तं जहा सद्दा य, रूवा य । ७. रूवी भंते ! भोगा ? अरूवी भोगा ? गोयमा ! रूवी भोगा, नो अरूवी भोगा । ८. सचित्ता भंते ! भोगा ? अचित्ता भोगा ? गोयमा ! सचित्ता वि भोगा, अचित्ता वि भोगा । ९. जीवा भंते! भोगा ?० पुच्छा। गोयमा ! जीवा वि भोगा, अजीवा वि भोगा । १०. जीवाणं भंते ! भोगा ? अजीवाणं भोगा ? गोयमा ! जीवाणं भोगा, नो अजीवाणं भोगा । ११. कतिविहा णं भंते ! भोगा पण्णत्ता ? गोयमा ! तिविहा भोगा पण्णत्ता, तं जहा गंधा, रसा, फासा । [सु. १२. कामभोगाणं पंचभेयपरूवणं ] १२. कतिविहा णं भंते! कामभोगा पण्णत्ता ? गोयमा ! पंचविहा कामभोगा पण्णत्ता, तं जहा सद्दा रूवा गंधा रसा फासा । [सु. १३-१८. जीव - चउवीसदंडएस कामित्त - भोगित्तवत्तव्वया] १३. (१) जीवा णं भंते! किं कामी ? भोगी ? गोमा ! जीवा कमी वि, भोगी वि । (२) से केणद्वेणं भंते! एवं वुच्चति 'जीवा कामी वि, भोगी वि' ? गोयमा ! सोइंदिय - चक्खिदियाइं पडुच्च कामी, घाणिदियजिब्भिंदिय- फासंदियाइं पडुच्च भोगी । से तेणट्टेणं गोयमा ! जाव भोगी वि । १४. नेरइया णं भंते! किं कामी ? भोगी ? एवं चेव । १५. एवं जाव थणियकुमारा । १६. (१) पुढविकाइयाणं पुच्छा। गोयमा ! पुढविकाइया नो कामी, भोगी । (२) से केणट्टेणं जाव भोगी ? गोयमा ! फासिंदियं पडुच्च, से तेणद्वेणं जाव भोगी । (३) एवं जाव वणस्सतिकाइया । १७. (१) बेइंदिया एवं चेव | नवरं जिब्भिदिय - फासिदियाइं पडुच्च । (२) तेइंदिया वि एवं चेव । नवरं घाणिदिय जिब्भिंदिय फासिंदियाई
5 श्री आगमगुणमंजूषा ३०४
0666666666666666
6666666666666