Page Text
________________
ROER9%%%555555555555
लाभगवई
मतं उइमक
[
]
555555533333000
अकक्कसवेयणीयकम्मबंधपरूवणा] १९. अत्थिणं भंते ! जीवाणं अकक्कसवेदणिज्जा कम्मा कज्जति ? हंता, अत्थि। २०. कहं णं भंते ! जीवाणं अकक्कसवेदणिना कम्मा कज्जति ? गोयमा ! पाणातिवातवेरमणेणं जाव परिग्गहवेरमणेणं कोहविवेगेणं जाव मिच्छादसणसल्लविवेगेणं, एवं खलु गोयमा! जीवाणं अकक्कसवेदणिज्जा कम्मा कज्जंति । २१. अस्थि णं भंते ! नेरतियाणं अकक्कसवेयणिज्जा कम्मा कज्जति ? गोयमा ! णो इणढे समढे । २२. एवं जाव वेमाणिया। नवरं मणुस्साणं जहा जीवाणं (सु. १९)। [सु. २३-२६. जीव-चउवीसदंडएसु बंधहेउपुव्वयं सातावेदणिज्जकम्मबंधपरूवणा] २३. अत्थि णं भंते ! जीवाणं सातावेदणिज्जा कम्मा
कज्जति ? हंता, अस्थि । २४. कह णं भंते ! जीवाणं सातावेदणिज्जा कम्मा कज्जति ? गोयमा ! पाणाणुकंपाए भूयाणुकंपाए जीवाणुकंपाए सत्ताणुकंपाए, बहूणं म पाणाणं जाव सत्ताणं अदुक्खणयाए असोयणयाए अजूरणयाए अतिप्पणयाए अपिट्टणयाए अपरितावणयाए; एवं खलु गोयमा ! जीवाणं सातावेदणिज्जा कम्मा
कन्जंति। २५. एवं नेरतियाण वि। २६. एवं जाव वेमाणियाणं। [सु. २७-३०. जीव-चउवीसदंडएसु बंधहेउपुव्वयं असातावेदणिज्नकम्मबंधपरूवणा] २७. अत्थि प्र णं भंते ! जीवाणं असातावेदणिज्जा कम्मा कज्जति ? हंता, अस्थि । २८. कहं णं भंते ! जीवाणं अस्सायावेयणिज्जा कम्मा कज्जति ? गोयमा ! परदुक्खणयाए
परसोयणयाए परजूरणयाए परतिप्पणयाए परपिट्टणयाए परपरितावणयाए,बहूणं पाणाणं जाव सत्ताणं दुक्खणताए सोयणयाए जाव परितावणयाए, एवं खलु गोयमा ! जीवाणं असातावेदणिज्जा कम्मा कज्जति । २९. एवं नेरतियाण वि । ३०. एवं जाव वेमाणियाणं। (सु. ३१-३३. दूसमदूसमाए समाए भरहवासस्स भरहवासभूमीए भरहवासमणुयाण य आगारभावपडोयारपरूवणा] ३१.जंबुद्दीवेणं भंते ! दीवे भारहे वासे इमीसे ओसप्पिणीए दुस्समदुस्समाए समाए उत्तमकट्ठपत्ताए भरहस्स वासस्स केरिसए आकारभावपडोयारे भविस्सति? गोयमा ! काले भविस्सति हाहाभूते भंभाभूए कोलाहलभूते, समयाणुभावेण यणं खरफरुसधूलिमइला दुव्विसहा वाउला भयंकरा वाता संवट्टगा य वाइंति, इह अभिक्खं धूमाहिति य दिसा समंता रयस्सला रेणुकलुसतमपडलनिरालोगा, समयलुक्खयाए य णं अहियं चंदा सीतं मोच्छंति, अहियं सूरिया तवइस्संति, अदुत्तरं च णं अभिक्खणं बहवे अरसमेहा विरसमेहा खारमेहा खत्तमेहा अग्गिमेहा विज्जुमेहा असणिमेहा अपिबणिज्जोदगा वाहिरोगवेदणोदीरणापरिणामसलिला अमणुण्णपाणियगा चंडानिलपयतिक्खधारानिवायपउरं वासं वासिहिति । जेणं भारहे वासे गामागरनगर-खेड-कब्बड-मडंब-दोणमुह-पट्टणाऽऽसमगतंजणवयं, चउप्पयगवेलए खयरेय पक्खिसंधे, गामाऽरण्णपयारनिरए तसेय पाणे बहुप्पगारे,रुक्ख-गुच्छगुम्म-लय-वल्लि-तण-पव्वग-हरितोसहि-पवालंकुरमादीए य तणवणस्सतिकाइए विद्धंसेहिति । पव्वय-गिरि-डोंगरुत्थल-भट्टिमादीए य वेयड्ढगिरिवज्जे विरावेहिति । सलिलबिल-गड्ड-दुग्ग-विसमनिण्णुन्नताई गंगा-सिंधू-वज्जाइं समीकरेहिति । ३२. तीसे णं भंते ! समाए भरहस्स वासस्स भूमीए केरिसए आगारभावपडोयारे भविस्सति ? गोयमा ! भूमी भविस्सति इंगालभूता मुम्मुरभूता छारियभूता वेल्लयभूया तत्तसमजोतिभूया धूलिबहुला रेणुबहुला पंकबहुला पणगबहुला चलणिबहुला, बहूणं धरणिगोयराणं सत्ताणं दुनिक्कमा यावि भविस्सति । ३३. तीसे णं भंते ! समाए भारहे वासे मणुयाणं केरिसए आगारभावपडोयारे भविस्सति ? गोयमा ! मणुया भविस्संतिं दुरूवा दुव्वण्णा दुगंधा दूरसा दूफासा, अणिठ्ठा अकंता जाव अमणामा, हीणस्सरा दीणस्सरा अणिहस्सरा जाव अमणामस्सरा, अणादिज्जवयणपच्चायाता निल्लज्जा कूड-कवड-कलह -वह बंध -वेर -निरया मज्जादातिक्कमप्यहाणा अकज्जनिच्चुज्जता गरुनियोगविणयरहिता य विकलरूवा परूढनह -केस - मंसुरोमा काला खरफरुसझामवण्णा फुट्टसिरा कविलपलियकेसा बहुण्हारुसंपिणद्धदुईसणिज्जरूवा संकुडियवलीतरंगपरि वेढियंगमंगा जरापरिणत व्व थेरागनरा
पविरलपरिसडियदंतसेढी उन्भडघडमुहा विसमनयणा वंकनासा वंकवलीविगतभेसणमुहा कच्छूकसराभिभूता खरतिक्खनक्खकंडूइयविक्खयतणू दुद्द-किडिभहै सिज्झफुडियफरूसच्छवी चित्तलंगाटोलगति -विसमसंधिबंधणउक्कुडु अद्विगविभत्तदुब्बलकुसंघयणकुप्पमाणकुसंठिता कुरुवा कुट्ठाणासणकुसेज्जकुभोइणो असुइणो
अणे गवाहिपरिपीलियंगमंगा खलंतविब्भलगती निरुच्छाहा सत्तपरिवज्जिया विगतचेहनढतेया अभिक्खणं सीय -उण्ह -खर -फरुस -
वातविज्झडियमलिणपंसुरउग्गुंडितंगमंगा बहुकोह -माण -माया बहुलोभा असुहदुक्खभागी ओसन्नं धम्मसण्णा -सम्मत्तपरिन्भट्ठा उक्कोसेणं रयणिपमाणमेत्ता reO$4555555555555555555555 श्री भागमगुणमंजूषा ३०३ 14555555555555555555555555FFOTOR
NRS555555555555555555555555555555555555555555
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |