Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 49

फ्र फ्र
(४) समवायंगसूत्तं सीयारं चक्कवट्टि वण्णाओ य [३६] उत्तरे पासे ||९४|| उसभो य विणीताए बारवतीए अरिट्ठवरणेमी । अवसेसा तित्थकरा णिक्खंता जम्मभूमीसु || १५|| सव्वे वि एगदूसेण [णिग्गया जिणवरा चवीसं । ण य णाम अण्णलिंगे ण य गिहिलिंगे कुलिंगे य ॥ ९६ ॥ |] गाहा। एक्को भगवं वीरो पासो मल्ली य तिहिं तिहिं सएहिं । भगवं पि वासुपुज्जो छहिं पुरिससएहिं निक्खंतो || ९७||] गाधा । उग्गाणं भोगाणं रातिण्णा णं च खत्तियाणं च । चउहिं सहस्सेहिं उसभो सेसा उ सहस्सपरिवारा ||१८|| गाहा । सुमतित्थ णिच्चभत्तेण [णिग्गओ वासुपूज्जो जिणो चउत्थेणं । पासो मल्ली वि य अट्ठमेण सेसा उ छट्टेणं ] ||१९|| गाहा । एतेसि णं चउवीसाए तित्थकराणं चउवीसं पढमभिक्खादेया होत्था, तंजहा सेज्जंस बंभदत्ते सुरिंददत्ते य इंददत्ते य । तत्तो य धम्मसीहे सुमित्ते तह धम्ममित्ते य || १००|| पुस्से पुणव्वसू पुण णंदे सुणंदे जए य विजए य । पउमे य सोमदेवे महिंददत्ते य सोमदत्ते य ॥ १०१ ॥ अपरातिय वीससेणे वीसतिमे होति उसभसेणे य। दिण्णे वरदत्ते धन्ने बहुले य आणुपुवी ॥१०२॥ एते विसुद्ध सा जिणवरभत्तीय पंजलिउडाओ । तं कालं तं समयं पडिलाभेंती जिणवरिंदे || १०३ ॥ संवच्छरेण भिक्खा० [ लद्धा उसभेण लोगणाहेण । सेसेहिं बीयदिवसे लद्धाओ पढमभिक्खाओ || १०४ ||] गाहा । उसभस्स पढमभिक्खा ० [ खोयरसो आसि लोगणाहस्स । सेसाणं परमण्णं अमयरसरसोवमं आस ||१०५ || ] गाहा । सव्वेसि पि जिणाणं जहियं लद्धातो पढमभिक्खातो। तहियं वसुधारातो सरीरमेत्तीओ वुट्ठातो ॥ १०६ ॥ एतेसि णं चउवीसाए तित्थकराणं चउवीसं चेतियरुक्खा होत्था, तंजहा णग्गोह सत्तिवण्णे साले पियते पियंगु छत्तोहे । सिरिसे य णागरुक्खे माली य पिलुंक्खुरुक्खे य ॥ १०७॥ तेंदुग पाडलि जंबू आसोत्थे खलु तहेव दधिवणे । गंदीरुक्खे तिलए अंबगरुक्खे असोगे य ॥ १०८॥ चंपय बउले य तहा वेडसरुक्खे तहा य धायईरुक्खे। साले य वद्धमाणस्स चेतियरुक्खा जिणवराणं ॥ १०९ ॥ बत्तीसतिं धणूइं चेतियरुक्खो उ वद्धमाणस्स । णिच्चोउगो असोगो ओच्छन्नो सालरुक्खेणं ॥ ११०॥ तिण्णेव गाउयाइं चेतियरुक्खो जिणस्स उसभस्स । सेसाणं पुण रुक्खा सरीरतो बारसगुणा उ ॥ १११ ॥ सच्छत्ता सपडागा सवेइया तोरणे उववेया। सुरअसुरगरुलमहियाण चेतियरुक्खा जिणवराणं ॥११२॥ एतेसि णं चउवीसाए तित्थकराणं चउवीसं पढमसीसा होत्था, तंजहा पढमेत्थ उसभमेणे बितिए पुण होइ सीहसेणे उ । चारू य वज्जणाभे चमरे तह सुव्वय विदब्भे ॥११३॥ दिण्णे वाराहे पुण आणंदे गोत्थुभे सुहम्मे य । मंदर जसे अरिट्ठे चक्काउह सयंभु कुंभे य ॥ ११४ ॥ भिसए य इंद कुंभे वरदत्ते दिण्ण इंदभूती य । उदितोदितकुलवंसा विसुद्धवंसा गुणेहिं उववेया । तित्थप्पवत्तयाणं पढमा सिस्सा जिणवराणं ॥ ११५ ॥ एतेसि णं चउवीसाए तित्थकराणं चउवीसं पढमसिस्सिणीओ होत्था, तंजहा बंभी फग्गू सम्मा अतिराणी कासवी रती सोमा। सुमणा वारुणि सुलसा धारणि धरणी य धरणिधरा ॥ ११६ ॥ पउमा सिवा सुयी अंजू भावितप्पा य रक्खिया । बंधू पुप्फवती चेव अज्जा वणिला य आहिया ॥११७॥ जक्खिणी पुप्फचूला य चंदणज्जा य आहिता । उदितोदितकुलवंसा विसुद्धवंसा गुणेहिं उववेया । तित्थप्पवत्तयाणं पढमा सिस्सी जिणवराणं ॥ ११८ ॥। १५८. जंबुद्दीवे णं दीवे भारहे वासे इमीसे ओसप्पिणीए बारस चक्कवट्टीपितरो होत्था, तंजहा - उसभे सुमितविजए समुद्दविजए य विस्ससेणे य । सूरिते सुदंसणे पउमुत्तर कत्तवीरिए चेव ॥ ११९ ॥ महाहरी य विजए य पउमे राया तहेव य । बंभे बारसमे वुत्ते पिउनामा चक्कवट्टी ॥१२०॥ जंबुद्दीवे णं दीवे भरहे वासे इमाए ओसप्पिणीए बारस चक्कवट्टिमायरो होत्या, तंजहा सुमंगला जसवती भद्दा सहदेवा अतिरा सिरि देवी। जाला तारा मेरा वप्पा चुलणीय अपच्छिमा। जंबुद्दीवे णं दीवे भरहे वासे इमाए ओसप्पिणीए बारस चक्कवट्टी होत्था तंजहा भरहे सगरे मघवं० [सणंकुमारो य रायसद्दूलो। संती कुंथू य अरो हवइ सुभूमो य कोरव्वो ॥ १२१ ॥ नवमो य महापउमो हरिसेणो चेव रायसद्दूलो। जयनामो य नरवई बारसमो बंभदत्तो य] ॥ १२२ ॥ गाधातो। एतेसिणं बारसण्हं चक्कवट्टीणं बारस इत्थिरयणा होत्था, तंजहा पढमा होइ सुभद्दा भद्दा सुणंदा जया य विजया य । कण्हसिरी सूरसिरी, पउमसिरी वसुंधरा देवी। लच्छिमती कुरुमती, इत्थीरतणाण नामाई || १२३ ॥ जंबुद्दीवे णं दीवे भरहे वासे इमाए ओसप्पिणीए नव बलदेव - वासुदेवपितरो होत्था, तंजहा पयावती य बंभे [रुद्दे सोमे सिवे ति त । महसीह अग्गिसीहे, दसरहे नवमे त वासुदेवे || १२४ || ] गाहा | जंबुद्दीवे णं दीवे भरहे वासे इमीसे ओसप्पिणीए णव वासुदेवमातरो होत्या, तंजहा- मियावती उमा चेव, पुढवी सीया य अम्मया । लच्छिमती सेसमती, केकई देवई इ य ॥ १२५ || जंबुद्दीवे णं दीवे भरहे वासे इमाए ओसप्पिणीए णव बलदेवमायरो होत्या,
ॐ श्री आगमगुणमंजूषा - २१३