Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 41

KOR95555555
(१) समवायंगसुत्तं -'वियाह' - 'णायाधम्मकहा' - 'उवासगदसा' वण्णाओ [२८]
场
155555555555555FOR
步牙牙牙牙牙牙乐
历历历历历历历%$$$$$$$$$$$$$55 5555
। समवायस्सणं परित्ता वायणा जाव से णं अंगठ्ठताए चउत्थे अंगे, एगे अज्झयणे, एगे सुयक्खंधे, एगे उद्देसणकाले, एगे समुद्देसणकाले, एगे चोयाले पदसतसहस्से पदग्गेणं पण्णत्ते । संखेज्जाणि अक्खराणि जाव से त्तं समवाए। [१४०] से किं तं वियाहे ? वियाहे णं ससमया विआहिज्जति, परसमया विआहिज्जंति, ससमय-परसमया विआहिजंति, जीवा विआहिज्जति, अजीवा विआहिज्नति, जीवाजीवा विआहिजति, लोए विआहिज्जति, अलोए विआहिज्जति, लोगालोगे विआहिज्जति । वियाहे णं नाणाविहसुरनरिंदरायरिसिविविहसंसइयपुच्छियाणं जिणेण वित्थरेण भासियाणं ॥ दव्वगुणखेत्तकालपज्जवपदेसपरिणामजहत्थिभावअणुगमनिक्खेवणयप्पमाण-सुनिउणोवक्कमविविहप्पकारपागडपयंसियाणं लोगालोगप्पगासियाणं संसारसमुहरुंदउत्तरणसमत्थाणं सुरवतिसंपूजियाणं भवियजणपयहिययाभिनंदियाणं तमरयविद्धंसणाण सुदिट्ठदीवभूयईहामतिबुद्धिवद्धणाणं छत्तीससहस्समणूणयाणं वागरणाण दंसणाओ सुयत्थबहुविहप्पगारा सीसहितत्थाय गुणहत्था । वियाहस्स णं परित्ता वायणा जाव अंगठ्ठताए पंचमे अंगे, एगे सुतक्खंधे, एगे साइरेगे' अज्झयणसते, दस उद्देसगसहस्साइं, दस समुद्देसगसहस्साई, छत्तीसं वागरणसहस्साई, चउरासीति पयसहस्साई पयग्गेणं पण्णत्ते । संखेज्जाई अक्खराई, अणंता गमा जाव सासया कडा णिबद्धा णिकाइया जिणपण्णत्ता भावा आघविज्जति जाव एवं चरणकरणपरूवणया आघविज्जति । सेत्तं वियाहे। [१४१]*** से किं तं णायाधम्मकहाओ ? णायाधम्मकहासुणं णायाणं णगराई, उज्जाणाई, चेतियाई, वणसंडा, रायाणो, अम्मापितरो, समोसरणाई, धम्मायरिया, धम्मकहातो, इहलोइया पारलोइया इड्डिविसेसा, भोगपरिच्चाया, पव्वज्जातो, सुतपरिग्गहा, तवोवहाणाई, परियागा, संलेहणातो, भत्तपच्चक्खाणाइं, पाओवगमणाई, देवलोगगमणाई, सुकुलपच्चायाती, पुण बोहिलाभो, अंतकिरियातो य आघविनंति जाव नायाधम्मकहासु णं पव्वइयाणं विणयकरणजिणसामिसासणवरे संजमपतिण्णापालणधिइमतिववसायदुब्बलाणं तवनियमतवोवहाणरणदुद्धरभरभग्गाणि-सहाणिसट्ठाणं घोरपरीसहपराजियासहप(पा १)रद्धरुद्धसिद्धालयमग्गनिग्गयाणं विसयसुहतुच्छ आसावसदोसमुच्छियाणं विराहियचरित्तणाणदंसणजतिगुणवि-विहप्पगारणिस्सारसुन्नयाणं संसारअपारदुक्खदुग्गतिभवविविहपरंपरापवंचा, धीराण य जियपरीसहक सायसेण्णधितिधणियसंजमउच्छाहनिच्छियाणं आराहियणाणदंसणचरित्तजोगणिस्सल्लसुद्धसिद्धालयमग्गमभिमुहाणं सुरभवणविमाणसोक्खाई अणोवमाई भोत्तूण चिरं च भोगभोगाणि ताणि दिव्वाणि महरिहाणि ततो य कालक्कमचुयाणं जह य पुणो लद्धसिद्धिमग्गाणं अंतकिरिया, चलियाण य सदेवमाणुसधीरकरणकारणाणि बोधणअणुसासणाणि गुणदोसदरिसणाणि, दिटुंते पच्चये य सोऊण लोगमुणिणोजह य ट्ठिय सासणम्मि जरमरणणासणकरे, आराहितसंजमा य सुरलोगपडिनियत्ता उति जह सासतं सिवं सव्वदुक्खमोक्खं, एते अण्णे य एवमादित्थ वित्थरेण य । णायाधम्मकहासु णं परित्ता वायणा, संखेज्जा अणुओगदारा जाव संखेज्जातो संगहणीतो । से णं अंगठ्ठताए छटे अंगे, दो सुतक्खंधा, एकूणवीसं अज्झयणा, ते समासतो दुविहा पण्णत्ता, तंजहा चरिता य कडता य । दस धम्मकहाणं वग्गा, तत्थ णं एगमेगाए धम्मकहाए पंच पंच अक्खाइयसताई, एगमेगाए अक्खाइयाए पंचपंच उवक्खाइयसताइं, एगमेगाए उवक्खाइयाए पंच पंच अक्खाइयउवक्खाइयसताई, एवामेव सपुव्वावरेणं अद्भुट्ठातो अक्खाइयकोडीओ भवंती मक्खायाओ। एगूणतीसं उद्देसणकाला, एगूणतीसं समुद्देसणकाला, संखेज्जाइं पयसतसहस्साई पयग्गेणं पण्णत्ते । संखेज्जा अक्खरा जाव चरणकरणपरूवणया आघविज्जति। सेतंणायाधम्मकहातो। [१४२] से किं तं उवासगदसातो? उवासगदसासुणं उवासयाणं णगराइं, उज्जाणाई, चेतियाइं, वणसंडा, रायाणो, अम्मापितरो, समोसरणाइं, धम्मायरिया, धम्मक हाओ, इहलोइया पारलोइया इड्डिविसेसा, उवासयाणं च सीलव्वयवेरमणगुणपच्चक्खाणपोसहोववासपडिवज्जणतातो, सुयपरिग्गहा, तवोवहाणाई, पडिमातो, उवसग्गा, संलेहणातो, भत्तपच्चक्खाणाई, पाओवगमणाई,
देवलोगगमणाई, सुकुलपच्चायाती, पुण बोहिलाभो, अंतकिरियातोय आघविज्जति । उवासगदसासु णं उवासयाणं रिद्धिविसेसा, परिसा, वित्थरधम्मसवणाणि, ५ बोहिलाभ, अभिगमणं, सम्मत्तविसुद्धता, थिरत्तं, मूलगुणुत्तरगुणातियारा, ठितिविसेसा य बहुविसेसा, पडिमाभिग्गहगहणपालणा, उवसग्गाहियासणा, णिरुवसग्गा
5 5555555555555 श्री आगमगुणमंजूषा-२०५55555555$$$$$$$$OOR
$$$$$$$$$$$$$$$$$$$$$$$岁历步步步步
15507
X