Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 22

RoRO5555555555
(४) समवायंगसुतं २१-२२-२३ द्वाणं
११]
15555555secorg
%%%%%%%$$$$250g
%%%%%%%%%%
।णियट्टिबादरस्सणं खवितसत्तयस्स मोहणिज्जस्स एक्कवीसं कम्मंसा संतकम्मं पण्णत्ता, तंजहा अपच्चक्खाणकसाए कोहे, एवं माणे माया लोभे । पच्चक्खाणकसाए कोहे, एवं माणे माया लोभे । संजलणे कोधे, एवं माणे माया लोभे । इत्थिवेदे, पुमवेदे, णपुंसयवेदे, हासे अरति, रति, भय, सोके, दुगुंछा । एक्कमेक्काए णं ओसप्पिणीए पंचम-छट्ठीतो समातो एक्कवीसं एक्कवीसं वाससहस्साई कालेणं पण्णत्तातो, तंजहा दूसमा, दूसमदूसमा य । एगमेगाए णं उस्सप्पिणीए पढम-बितियातो समातो एक्कवीसं एक्कवीसं वाससहस्साइं कालेणं पण्णत्तातो, तंजहा दुसमदूसमा, दूसमा य । (२) . इमीसे णं रयणप्पभाए पुढवीए अत्थेगतियाणं नेरझ्याणं एक्कवीसं पलिओवमाइं ठिती पण्णत्ता। छट्ठीए पुढवीए अत्थेगतियाणं नेरइयाणं एक्कवीसं सागरोवमाइं ठिती पण्णत्ता। असुरकुमाराणं देवाणं अत्थेगतियाणं एक्कवीसंपलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं एक्कवीसंपलिओवमाइं ठिती पण्णत्ता। आरणे कप्पे देवाणं उक्कोसेणं एक्कवीसं सागरोवमाइं ठिती पण्णत्ता । अच्चुते कप्पे देवाणं जहण्णणं एक्कवीसं सागरोवमाइं ठिती पण्णत्ता। (३).जे देवा सिरिवच्छं सिरिदामगंडं मल्लं किटिं चावोण्णतं आरणवडेंसंगं विमाणं देवत्ताते उववण्णा तेसि णं देवाणं एक्कवीसं सागरोवमाइं ठिती पण्णत्ता। तेणं देवा एक्कवीसाए अद्धमासाणं आणमंति वा पाणमंति वा ऊससंति वा नीससंति वा । तेसिणं देवाणं एक्कवीसाए वाससहस्सेहिं आहारट्टे समुप्पज्जति। (४) . संतेगतिया भवसिद्धिया [जीवा जे एक्कवीसाए भवग्गहण्णेहिं सिझस्संति] जाव सव्वदुक्खाणमंतं] करेस्संति॥[२२] *** (१) बावीसं परीसहा पण्णत्ता, तंजहा दिगिंछापरीसहे १, पिवासापरीसहे २, सीतपरीसहे ३, उसिणपरीसहे ४, दंसमसगफासपरीसहे ५, अचेलपरीसहे ६, अरतिपरीसहे ७, इत्थिपरीसहे ८, चरियापरीसहे ९, णिसीहियापरीसहे १०, सेज्जापरीसहे ११, अक्कोसपरीसहे १२, वधपरीसहे १३, जायणपरीसहे १४, अलाभपरीसहे १५, रोगपरीसहे १६, तणपरीसहे १७, जल्लपरीसहे १८, सक्कारपुरक्कारपरीसहे १९, अण्णाणपरीसहे २० दंसणपरीसहे २१, पण्णापरीसहे २२ । दिट्ठिवायस्स णं बावीसं सुत्ताइं छिन्नछेयणयियाइं ससमयसुत्तपरिवाडीए, बावीसं सुत्ताई अच्छिन्नछेयणयियाई आजीवियसुत्तपरिवाडीए, बावीसं सुत्ताइं तिकणइयाई तेरासियसुत्तपरिवाडीए, बावीसं सुत्ताई चउक्कणइयाइं ससमयसुत्तपरिवाडीए । बावीसतिविधे पोग्गलपरिणामे पण्णत्ते, तंजहा कालयवण्णपरिणामे, नीलवण्णपरिणामे, लोहियवण्णपरिणामे, हालिद्दवण्णपरिणामे, सुक्किलवण्णपरिणामे । सुब्भिगंधपरिणामे, एवं दुब्भिगंधे वि। तित्तरसपरिणामे, एवं पंच वि रसा | कक्खडफासपरिणामे मउयफासपरिणामे, गुरुफासपरिणामे, लहुफासपरिणामे, सीतफासपरिणामे, उसिणफासपरिणामे, णिद्धफासपरिणामे, लुक्खफासपरिणामे, गरुयलहुयपरिणामे, अगरुयलहुयपरिणामे। (२) इमीसे णं रयणप्पभाए पुढवीए अत्थेगतियाणं नेरइयाणं बावीसं पलिओवमाइं ठिती पण्णत्ता। छट्ठीए पुढवीए णेरइयाणं उक्कोसेणं बावीसं सागरोवमाइं ठिती पण्णत्ता। अहेसत्तमाए णं पुढवीए नेरइयाणं जहण्णेणं बावीसं सागरोवमाई ठिती पण्णत्ता । असुरकुमाराणं देवाणं अत्थेगतियाणं बावीसं पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं बावीसं पलिओवमाइं ठिती पण्णत्ता । अच्चुत्ते कप्पे देवाणं उक्कोसेणं बावीसं सागरोवमाइं ठिती पण्णत्ता। हेट्ठिमहेट्ठिमगेवेज्जाणं देवाणं जहण्णेणं बावीसं सागरोवमाइं ठिती पण्णत्ता। (३) जे देवा महितं विस्सुत्तं विमलं पभासं वणमालं अच्चुत्तवडेंसगं विमाणं देवत्ताते उववण्णा तेसिंणं देवाणं [उक्कोसेणं ?] बावीसं सागरोवमाई ठिती पण्णत्ता । तेणं देवा बावीसं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं बावीसाए वाससहस्सेहिं आहारटे समुप्पज्जति। (४) संतेगतिया भवसिद्धिया जीवा जे बावीसाए भवग्गहणेहि सिज्झिस्संति जाव सव्वदुक्खाणं अंतं करेस्संति॥२३]★★★(१).तेवीसंसूयगडज्झयणा पण्णत्ता, तंजहा समए १, वेतालिएर, उवसग्गपरिण्णा ३, थीपरिण्णा ४, नरयविभत्ती ५, महावीरथुई ६, कुसीलपरिभासिते ७, वीरिए ८, धम्मे ९, समाही १०, मग्गे ११, समोसरणे १२, आहत्तहिए १३, गंथे १४, जमतीते १५, गाथा १६, पुंडरीए १७, किरियट्ठाणे १८, आहारपरिण्णा १९, पच्चक्खाणकिरिया २०, अणगारसुतं २१, अद्दइज्जं २२, णालंदतिज्जं २३ । (२). जंबुद्दीवे णं दीवे भारहे वासे इमीसे ओसप्पिणीए तेवीसाए जिणाणं सूरग्गमणमुहुत्तंसि केवलवरनाणदंसणे समुप्पण्णे । जंबुद्दीवेणं दीवे इमीसे ओसप्पिणीए तेवीसं तित्थकरा पुव्वभवे एक्कारसंगिणो होत्था, तंजहा अजित संभव अभिणंदण जाव पासो वद्धमाणो य । उसभे णं अरहा कोसलिए
69乐听听听听听听听听听听听听听听听听听听听听听听听听听听听听听听听听听听听听明明明明明明明明明明明明网
乐乐乐玩玩乐乐乐乐乐乐乐明乐乐乐乐乐乐乐频$5CM
xexम
5॥5555
श्री आगमगुणमंजूषा-१८८5555555555555555$$$OOK