Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 15

२०१५
(४) समवायंगसुतं ७ ८-९ द्वाणं (४) ******* सत्त नक्खत्ता अवरदारिया पण्णत्ता । धणिट्ठाइया सत्त नक्खत्ता उत्तरदारिया पण्णत्ता । इमीसे णं रयणप्पभाए पुढवीए अत्थेगतियाणं नेरइयाणं सत्त पलिओ माई ठिती पण्णत्ता । तच्चाए णं पुढवीए नेरइयाणं उक्कोसेणं सत्त सागरोवमाइं ठिती पण्णत्ता । चउत्थीए णं पुढवीए नेरइयाणं जहण्णेणं सत्त सागरोवमाइं ठिती पण्णत्ता । असुरकुमाराणं देवाणं अत्थेगतियाणं सत्त पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं सत्त पलिओवमाई ठिती पण्णत्ता । सणकुमारे कप्पे अत्थेगतियाणं देवाणं उक्कोसेणं सत्त सागरोवमाइं ठिती पण्णत्ता । माहिदे कप्पे देवाणं उक्कोसेणं सातिरेगाई सत्त सागरोवमाइं ठिती पण्णत्ता । बंभलोए कप्पे देवाणं जहण्णेणं सत्त सागरोवमाइं ठिती पण्णत्ता । (३) जे देवा समं समप्पभं महापभं पभासं भासरं विमलं कंचणकूडं सणकुमारवडेंसगं विमाणं देवत्ताते उववण्णा तेसि णं देवाणं उक्कोसेणं सत्त सागरोवमाइं ठिती पण्णत्ता । ते णं देवा सत्तण्हं अद्धमासाणं आणमंति वा पाणमंति वा ऊससंति वा नीससंति वा । तेसिं णं देवाणं सत्तहिं वाससहस्सेहिं आहारट्ठे समुप्पज्जति । (४) संतेगतिया भवसिद्धिया जीवा जे सत्तहिं भवग्गहणेहिं सिज्झिस्संति बुज्झिस्संति जाव अंतं करेस्संति। [८] (१) अट्ठ मयट्ठाणा पण्णत्ता, तंजहा जातिमए कुलमए बलमए रूवमए तवमए सुतमए लाभमए इस्सरियमए । अट्ठ पवयणमाताओ पण्णत्ताओ, तंजा इरियासमिई भासासमिई एसणासमिई आयाणभंडनिक्खेवणासमिई उच्चार पासवण खेल सिंघाण जल्लपरिट्ठावणियासमिई मणगुत्ती वतिगुत्ती कायगुत्ती । वाणमंतराणं देवाणं चेतियरूक्खा अट्ठ जोयणाई उड्डउच्चत्तेणं पण्णत्ता । जंबू णं सुदंसणा अट्ठ जोयणाई उहुंउच्चत्तेणं पण्णत्ता । कूडसामली णं गरुलावासे अट्ठ जोयणाई उड्डउच्चत्तेणं पण्णत्ते । जंबुद्दीविया णं जगती अट्ठ जोयणाई उहुंउच्चत्तेणं पण्णत्ता । अट्ठसमइए केवलिसमुग्घाते पण्णत्ते, तंजहा पढमे समए दंडकरेति, बीए समए कवाडं करेति, ततिए समए मंथं करेति, चउत्थे समए मंथंतराई पूरेति, पंचमे समए मंथंतराई पडिसाहरति; छठ्ठे समए मंथं पडिसाहरति, सत्तमे समए कवाडं पडिसाहरति, अठ्ठमे समए दंडं पडिसाहरति, ततो पच्छा सरीरत्थे भवति । पासस्स णं अरहतो पुरिसादाणीयस्स अट्ठ गणा अट्ठ गणहरा होत्था, तंजहा सुभे य सुभघोसे य वसि भयारि य । सोमे सिरिधरे चेव, वीरभद्दे जसे इय ॥ १ ॥ (२) अट्ठ नक्खत्ता चंदेणं सद्धिं पमद्दं जोगं जोएंति, तंजहा कत्तिया १, रोहिणी २, पुणव्वसू ३, महा ४, चित्ता ५, विसाहा ६, अणुराहा ७, जेट्ठा ८ । (३) इमीसे णं रयणप्पहाए पुढवीए अत्थेगतियाणं नेरइयाणं अट्ठ पलिओवमाई ठिती पण्णत्ता । चउत्थीए पुढवीए अत्थेगतियाणं नेरइयाणं अड्ड सागरोवमाइं ठिती पण्णत्ता। असुरकुमाराणं देवाणं अत्थेगतियाणं अट्ठ पलिओवमाइं ठिती पण्णत्ता । सोहम्मीसाणेसु कप्पेसु अत्थेगतियाणं देवाणं अट्ठ पलिओवमाइं ठिती पण्णत्ता । बंभलोए कप्पे अत्थेगतियाणं देवाणं अट्ठ सागरोवमाइं ठिती पण्णत्ता । (४) जे देवा अच्चि अच्चिमालिं वइरोयणं पभंकरं चंदाभं सुराभं सुपतिट्ठाभं अग्गिच्चाभं रिट्ठाभं अरुणाभं अरुणुत्तरवडेंसगं विमाणं देवत्ताए उववण्णा तेसि णं देवाणं उक्कोसेणं अट्ठ सागरोवमाई ठिती पणत्ता । ते णं देवा अट्ठण्हं अद्धमासाणं आणमंति वा पाणमंति वा ऊससंति वा नीससंति वा । तेसि णं देवाणं अट्ठहिं वाससहस्सेहिं आहारट्ठे समुप्पज्जति । (५) संतेगतिया भवसिद्धिया जाव अट्ठहिं अंतं करेस्संति । [९] ★★★ (१) नव बंभचेरगुत्तीओ पण्णत्तातो, तंजहा नो इत्थीपसुपंडगसंसत्ताणि सेज्जासणाणि सेवित्ता भवति १, नो इत्थीणं कहं कहित्ता भवइ २, नो इत्थीणं ठाणाई सेवित्ता भवति ३, नो इत्थीणं इंदियाइं मणोहराई मणोरमाइं आलोएत्ता निज्झाएत्ता [भवति] ४, नो पणीयरसभोई ५, नो पाण- भोयणस्स अइमायं आहारइत्ता ६, नो इत्थीणं पुव्वरयाई पुव्वकीलिआई सुमरइत्ता भवइ ७, नो सद्दाव
1
वाणुवाती नो गंधाणुवाती नो रसाणुवाती नो फासाणुवाती नो सिलोगाणुवाती ८, नो सायासोक्खपडिबद्धे यावि भवति ९ । नव बंभचेरअगुत्तीओ पण्णत्ताओं, तंजा इत्थीपसुपंडगसंसत्ताणं सेज्जासणाणं सेवणया जाव सायासोक्खपडिबद्धे यावि भवति । नव बंभचेरा पण्णत्ता, तंजहा -“सत्थपरिण्णा लोगविजओ सीओसणिज्जं सम्मत्तं । आवंती धुतं विमोहायणं उवहाणसुतं महपरिण्णा" ||२|| पासे णं अरहा पुरिसादाणीए नव रयणीओ उड्डउच्चत्तेणं होत्था । (२) अभीजिणक्खत्ते साइरेगे णव मुहुत्ते चंदेणं सद्धिं जोगं जोएति । अभीजियाइया णं णव णक्खत्ता चंदस्स उत्तरेणं जोगं जोएंति, तंजहा अभीजि, सवणो, जाव भरणी । इमीसे णं रतणप्पभाए पुढवीए बहुसमरमणिज्जातो भूमिभागातो नव जोयणसते उड्ढं अबाहाते उवरिल्ले तारारूवे चारं चरति । जंबुद्दीवे णं दीवे णवजोयणिया मच्छा पविसिंसु वा (३) । TELELE श्री आगमगुणमंजूषा - १८१
*