Agam 04 Ang 04 Samvayang Sutra Shwetambar Agam Guna Manjusha

SR No.: 003254
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 51
Language: Prakrit
Classification: Book_Devnagari, Agam, Canon, & agam_samvayang
File Size: 5 MB

Page 12

KEY9666666
(४) समवायंगसुतं १-२ द्वाणं [3]
I
फ्र सिरि उसाहदेव सामिस्स णमो । सिरि गोडी- जिराउला सव्वोदय पास णाहाणं णमो । णमोऽत्यु णं समणस्स भगवओ महइ महावीर वद्धमाण सामिस्स । सिरिगोयम- सोहम्माइ सव्व गणहराणं णमो । सिरि सुगुरु देवाणं णमो । णमोऽत्थुणं समणस्स भगवओ महइमहावीरवद्धमाणसामिस्स || || 555 पंचमगणहरभयवंसिरिसुहम्मसामिविरइयं चउत्थमंगं समवायंगसुत्तं ॥ ॐ नमो वीतरागाय ॥ ' १ (१) सुयं मे आउस! तेणं भगवता एवम (२) इह खलु समणेण भगवता महावीरेणं आदिकरेणं तित्थकरेणं सयंसंबुद्धेणं पुरिसोत्तमेण पुरिससीहेणं पुरिसवरपुंडरीएणं पुरिसवरगंधहत्थिणालोगोत्तमेणंलोगनाहेणं लोगहितेणं लोगपईवेणं लोगपज्जोयगरेणं अभयदपणं चक्खुदएणं मग्गदएणं सरणदएणं जीवदएणं बोहिदयणं धम्मदएणं धम्मदेसएणं धम्मणायगेणं धम्मसारहिणा धम्मवरचाउरंतचक्कवट्टिणा अप्पडिहतवरणाणदंसणधरेणं विअट्टच्छउमेणं जिणेणं जाणएणं तिन्नेणं तारएणं बुद्धेणं बोहएणं मुत्तेणं मोयगेणं सव्वण्णुणा सव्वदरिसिणा सिवमयलमरुयमणंतमक्खयमव्वाबाहमपुणरावत्तयं सिद्धिगतिणामधेयं ठाणं संपाविउकामेणं इमे दुवालसंगे गणिपिडगे पण्णत्ते, तंजहा आयारे १, सूयगडे २, ठाणे ३, समवाए ४, विवाहपण्णत्ती ५, णायाधम्मकहाओ ६, उवासगदसातो ७, अंतगडदसातो ८, अणुत्तरोववातियदसातो ९, पण्हावागरणाई १०, विवागसुते ११, दिट्टिवाए १२ । तत्थ णं जे से चउत्थे अंगे समवाए त्ति आहिते तस्स णं अयमट्ठे, तंजहा (३) एके आता, एके अणाया। एगे दंडे, एगे अदंडे । एगा किरिया, एगा अकिरिया । एगे लोए, एगे अलोए। एगे धम्मे, एगे अधम्मे । एगे पुण्णे, एगे पावे। एगे बंधे, एगे मोक्खे। एगे आसवे, एगे संवरे । एगा वेयणा, एगा णिज्जरा । (४) जंबुदीव्वे दीवे एवं जोयणसयसहस्सं आयामविक्खंभेणं पण्णत्ते । अपइट्ठाणे णरते एवं जोयणसयसहस्सं आयामविक्खंभेणं पण्णत्ते । पालए जाणविमाणे एवं जोयणसयसहस्सं आयामविक्खंभेणं पण्णत्ते । सव्वट्ठसिद्धे महाविमाणे एगं जोयणसयसहस्सं आयामविक्खंभेणं पण्णत्ते । (५) अद्दाणक्खत्ते एतारे पण्णत्ते | चित्ताणक्खत्ते एगतारे पण्णत्ते । सातिणक्खत्ते एगतारे पण्णत्ते । (६) इमीसे रयणप्पभाए पुढवीए अत्थेगतियाणं णेरइयाणं एगं पलितोवमं ठिती पण्णत्ता । इमीसे रयणप्पभाए पुढवीए णेरइयाणं उक्कोसेणं एगं सागरोवमं ठिती पण्णत्ता । दोच्चाए णं पुढवीए णेरतियाणं जहणणेणं एवं सागरोवमं ठिती पण्णत्ता । असुरकुमाराणं देवाणं अत्थेगतियाणं एगं पलितोवमं ठिती पण्णत्ता। असुरकुमाराणं देवाणं उक्कोसेणं एवं साहियं सागरोवमं ठिती पण्णत्ता । असुरकुमारिंदवज्जियाणं भोज्जाणं देवाणं अत्थेगतियाणं एगं पलितोवमं ठिती पण्णत्ता । असंखेज्जवासाउयसण्णिपंचिंदियतिरिक्खजोणियाणं अत्थेगतियाणं एगं पलितोवमं ठिती पण्णत्ता । असंखेज्जवासाउयगब्भवक्कं तियसन्निमणुयाणं अत्थेगतियाणं एगं पलितो, वमं ठिती पण्णत्ता । वाणमंतराणं देवाणं उक्कोसेणं एगं पलितोवमं ठिती पण्णत्ता । जोइसियाणं देवाणं उक्कोसेणं एवं पलिओवमं वाससयसहस्समब्भहियं ठिती पण्णत्ता । सोहम्मे कप्पे देवाणं जहण्णेणं एगं पलितोवमं ठिती पण्णत्ता । सोहम्मे कप्पे अत्थेगतियाणं देवाणं एवं सागरोवमं ठिती पण्णत्ता । ईसाणे कप्पे देवाणं जहण्णेणं सातिरेगं [ ए ] पलितोवमं ठिती पण्णत्ता । ईसाणे कप्पे देवाणं अत्थेगतियाणं एगं सागरोवमं ठिती पण्णत्ता । (७) जे देवा सागरं सुसागरं सागरकंतं भवं मणुं माणुसुत्तरं लोगहियं विमाणं देवत्ताते उववण्णा तेसि णं देवाणं उक्कोसेणं एवं सागरोवमं ठिती पण्णत्ता । ते णं देवा एगस्स अद्धमासस्स आणमंति वा पाणमंति वा ऊससंति वा णीससंति वा । तेसि णं देवाणं एगस्स वाससहस्सस्स आहारट्ठे समुपज्जति । (८) संतेगतिया भवसिद्धिया जीवा जे एगेणं भवग्गहणेणं सिज्झिस्संति बुज्झिस्संति मुच्चिस्संति परिणिव्वाइस्संति सव्वदुक्खाणं अंत करिस्संति । [२] ★★★ (१) दो दंडा पण्णत्ता, तंजहा अट्ठादंडे चेव अणट्ठादंडे चेव । दुवे रासी पण्णत्ता, तंजहा जीवरासी चेव अजीवरासी चेव । दुवि बंधणे पण्णत्ते, तंजहा रागबंधणे चेव दोसबंधणे चेव । (२) पुव्वाफग्गुणीणक्खत्ते दुतारे पण्णत्ते। उत्तराफग्गुणीणक्खत्ते दुतारे पण्णत्ते । पुव्वाभद्दवताणक्खत्ते दुतारे पण्णत्ते । उत्तराभद्दवताणक्खत्ते दुतारे पण्णत्ते । (३) इमीसे णं रयणप्पभाए पुढवीए अत्थेगतियाणं णेरतियाणं दो पलितोवमाई ठिती पण्णत्ता। दोच्चाए पुढवीए अत्थेगतियाण णेरतियाणं दो सागरोवमातिं ठिती पण्णत्ता । असुरकुमाराणं देवाणं अत्थेगतियाणं दो पलितोवमातिं ठिती पण्णत्ता । असुरिंदवज्जियाणं भोज्जाणं देवाणं उक्कोसेणं देसूणातिं दो पलितोवमातिं ठिती पण्णत्ता । असंखेज्नावासाउयसउयसण्णिपंचिदियतिरिक्खजोणियाणं अत्थेगतियाणं दो पलितोवमातिं ठिती
સૌજન્ય : પ.પૂ. સાધ્વીશ્રી ચારુલતાશ્રીજી મ.સા. ની પ્રેરણાથી મુલુન્ડ અચલગચ્છ જૈન સંઘના ભાઈબહેનો તરફથી
श्री आगमगुणमंजूषा १७८