Agam 01 Ang 01 Acharanga Sutra Shwetambar Agam Guna Manjusha

SR No.: 003251
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 70
Language: Prakrit
Classification: Book_Devnagari, Agam, Canon, F000, F001, & agam_acharang
File Size: 10 MB

Page 29

FORO55555555555
(१) आयारो - प. सु. ८ अ. विमोक्खो उद्देसक - २-३-४ [१३]
95555555555550xx
O乐乐听听听听听听听听听听听听乐乐乐乐乐听听听听听听听听听听听听听听听听听听听听听听听听听听F5格
समारंभेज्जा, णेवऽण्णेहिं एतेहिं काएहिं दंडं समारभावेज्जा, णेवण्णे एतेहिं काएहिं दंडं समारभंते वि समणुजाणेज्जा । जे चऽण्णे एतेहिं काएहिं दंडं समारभंति तेसिं पि वयं लज्जामो । तं परिण्णाय मेहावी तं वा दंडं अण्णं वा दंडं णो दंडभी दंड समारभेज्जासि त्ति बेमि ।★★★|| अष्टमस्य प्रथमः ।।★★★ बीओ उद्देसओ २०४. से भिक्खू परक्कमेज वा चिट्ठज्ज वा णिसीएज्ज वा तुयट्टेज वा सुसाणंसि वा सुण्णागारंसि वा रुक्खमूलंसि वा गिरिगुहसि वा कुंभारायतणंसि वा हुरत्था वा, कहिचि विहरमाणं तं भिक्खु उवसंकमित्तु गाहावती बूया आउसंतो समणा ! अहं खलु तव अट्ठाए असणं वा पाणं वा खाइमं वा साइमं वा वत्थं वा पडिग्गहं वा कंबलं वा पायपुंछणं वा पाणाइं भूताई जीवाइं सत्ताइं समारंभ समुहिस्स कीयं पामिच्चं अच्छेज्ज अणिसटुं अभिहडं आहट्ट चेतेमि आवसहं वा समुस्सिणामि, से भुंजह वसह आउसंतो समणा ! । तं भिक्खू गाहावतिं समणसं सवयसं पडियाइक्खे आउसंतो गाहावती ! णो खलु ते वयणं आढामि, णो खलु ते वयणं परिजाणामि, जो तुम मम अट्ठाए असणं वा ४ वत्थं वा ४ पाणाई ४ समारंभ समुद्दिस्स कीयं पामिच्चं अच्छेज्ज अणिसटुं अभिहडं आहट्ट चेतेसि आवसहं वा समुस्सिणासि । से विरतो आउसो गाहावती ! एतस्स अकरणयाए। २०५. से भिक्खू परक्कमेन वा जाव हुरत्था वा कहिचि विहरमाणं तं भिक्खु उवसंकमित्तु गाहावती आतगताए पेहाए असणं वा ४ वत्थं वा ४ पाणाई ४ समारंभ जाव आहट्ट चेतेति आवसह वा समुस्सिणाति तं भिक्खु परिघासेतुं । तं च भिक्खू जाणेज्जा सहसम्मुतियाए परवागरणेणं अण्णेसिंवा सोच्चा अयं खलु गाहावती मम अट्ठाए असणं वा ४ वत्थं वा ४ पाणाई ४ समारंभ चेतेति आवसहं वा समुस्सिणाति । तं च भिक्खू पडिलेहाए आगमेत्ता आणवेज्जा अणासेवणाए त्ति बेमि । २०६. भिक्खुं च खलु पुट्ठा वा अपुट्ठा वा जे इमे आहच्च गंथा फुसंति, से हंता हणह खणह छिंदह दहह पचह आलुंपह विलुपह सहसक्कारेह विप्परामुसह । ते फासे पुट्ठो धीरो अहियासए । अदुवा आयारगोयरमाइक्खे तक्किया णमणेलिसं । अदुवा वइगुत्तीए गोयरस्स अणुपुव्वेण सम्म पडिलेहाए आयगुत्ते । बुद्धेहिं एयं पवेदितं । २०७. से समणुण्णे असमणुण्णस्स असणं वा ४ वत्थं वा ४ णो पाएज्जा णो णिमंतेज्जा णो कुज्जा वेयावडियं परं आढायमाणे त्ति बेमि । २०८. धम्ममायाणह पवेदितं माहणेण मतिमता समणुण्णे समणुण्णस्स असणं वा ४ वत्थं वा ४ पाएज्जा णिमंतेज्जा कुज्जा वेयावडियं परं आढायमाणे त्ति बेमि ।★★★। अष्टमस्य द्वितीय : तईओ उद्देसओ २०९. मज्झिमेणं वयसा वि एगे संबुज्झमाणा समुट्ठिता सोच्चा वयं मेधावी पंडियाण णिसामिया । समियाए धम्मे आरिएहिं पवेदिते । ते अणवकंखमाणा, अणतिवातेमाणा, अपरिग्गहमाणा, णो परिग्गहावंति सव्वावंति च णं लोगंसि, णिहाय दंडं पाणेहिं पावं कम्मं अकुव्वमाणे एस महं अगंथे वियाहिते। ओए जुइमस्स खेतण्णे उववायं चयणं च णच्चा । २१०. आहारोवचया देहा परीसहपभंगुणो । पासहेगे सव्विदिएहिं परिगिलायमाणेहिं । ओए दयं दयति जे संणिधाणसत्थस्स खेत्तण्णे, से भिक्खू कालण्णे बालण्णे मातण्णे खणयण्णे विणयण्णे समयण्णे परिग्गहें अममायमाणे कालेणुट्ठाई अपडिण्णे दुहतो छेत्ता णियाति। २११. तं भिक्खं सीतफासपरीवेवमाणागातं उवसंकमित्तु गाहावती बूया आउसंतो समणा ! णो खलु ते गामधम्मा उब्बाहंति ? आउसंतो गाहावती ! णो खलु मम गामधम्मा उब्बाहति । सीतफासं णो खलु अहं संचाएमि अहियासेत्तए । णो खलु मे कप्पति अगणिकायं उज्जालित्तए वा पज्जालित्तए वा कायं आयावित्तए वा पयावित्तए वा अण्णेसिं वा वयणाओ। २१२. सिया एवं वदंतस्स परो अगणिकायं उज्जालेत्ता पज्जालेत्ता कायं आयावेज्जा वा पयावेज्जा वा । तं च भिक्खू पडिलेहाए आगमेत्ता आणवेज्जा आणासेवणाए त्ति बेमि ।*॥ अष्टमस्य तृतीयः॥★★★ चउत्थो उद्देसओ २१३.जे भिक्खू तिहिं वत्थेहिं परिवुसिते पायचउत्थेहिं तस्स णं णो एवं भवति चउत्थं वत्थं जाइस्सामि । २१४. से अहेसणिज्जाई वत्थाई जाएज्जा, अहापरिग्गहियाइं वत्थाई धारेज्जा, णो धोएज्जा, णो रएज्जा, णो धोतरत्ताई वत्थाइं धारेज्जा, अपलिउंचमाणे गामंतरेसु, ओमचेलिए। एतं खुवत्थधारिस्स सामग्गियं । अह पुण एवं जाणेज्जा ‘उवातिकते खलु हेमंते, गिम्हे पडिवण्णे', अहापरिजुण्णाई वत्थाइं परिट्ठवेज्जा, अहापरिजुण्णाइं वत्थाइं परिठ्ठवेत्ता अदुवा संतरुत्तरे, अदुवा ओमचेले, अदुवा एगसाडे, अदूवा अचेले । लाघवियं आगममाणे । तवे से अभिसमण्णागते भवति । जहेतं भगवता पवेदितं तमेव अभिसमेच्चा सव्वतो सव्वताए सम्मत्तमेव समभिजाणिया । २१५. जस्स णं भिक्खुस्स एवं भवति 'पुट्ठो खलु अहमंसि, नालमहमंसि सीतफासं अहियासेत्तए', से वसुमं
TO乐听听听听听听听听听听听听听听听听听听听听听听听听听听听听听听听听听听听听听听听听听听听听听听听CO
步步为5万岁万岁万岁万岁万岁万岁万岁岁乐乐场馬斯加-Fi
$$$$$$$$$$$$
$$$五):O