________________
तत्त्वनिर्णयप्रासादचत्तारि चेव ससुरासुरस्स लोगस्स उत्तमा हुंति ॥ अरिहंत सिद्ध साहू धम्मो जिणदेसियमुयारो॥९॥ चत्तारिवि अरिहंते सिद्ध साहू तहेव धम्मं च ॥ संसारघोररक्खसभएण सरणं पवजामि ॥ १०॥ अह अरहओ भगवओ महइ महा वदमाणसामिस्स ॥ पणयसुरेसरसेहरवियलियकुसुमुच्चयकमस्स॥११॥ जस्स वरधम्मचक्कं दिणयरबिंबव्व भासुरच्छायं ॥ तेएण पज्जलंतं गच्छइ पुरओ जिणंदस्स ॥१२॥ आयासं पायालं सयलं महिमंडलं पयासंतं ॥ मिच्छत्तमोहतिमिरं हरेइ तिण्हंपि लोयाणं ॥ १३॥ सयलंमिवि जियलोए चिंतियमित्तो करेइ सत्ताणं ॥ रक्खं रक्खसडाइणिपिसायगहभूअजक्खाणं ॥ १४॥ लहइ विवाए वाए ववहारे भावओ सरंतो अ॥ जूए रणे अ रायंगणे अ विजयं विसुद्धप्पा ॥ १५॥ पच्चूसपओसेसुं सययं भव्वो जणो सुहज्झाणो ॥ एअं झाएमाणो मुक्खं पइ साहगो होइ ॥ १६॥ वेआलरुद्ददाणवनारदकोहंडिरेवईणं च ॥ सव्वेसि सत्ताणं पुरिसो अपराजिओ होइ ॥ १७॥ विज्जुव्व पज्जलंती सव्वेसुवि अक्खरेसु मत्ताओ॥ पंचनमुक्कारपए इक्किक्के उवरिमा जाव ॥ १८॥ ससिधवलसलिलनिम्मलआयारसहं च वन्नियं बिंदुं ॥ जोयणसयप्पमाणं जालासयसहस्सदिप्पंतं ॥ १९॥ सोलससु अक्खरेसु इकिकं अक्खरं जगुज्जोअं॥ भवसयसहस्समहणो जंमि हिओ पंच नवकारो ॥२०॥
Jain Education International
For Private & Personal Use Only
www.jainelibrary.org
