________________
२० ]
[वृहद् आध्यात्मिक पाठ संग्रह तुभ्यं नमस्त्रिभुवनार्तिहराय नाथ!
तुभ्यं नमः क्षिति-तलामल-भूषणाय। तुभ्यं नमस्त्रिजगतः परमेश्वराय
तुभ्यं नमो जिन ! भवोदधिशोषणाय ॥२६॥
को विस्मयोऽत्र यदि नाम गुणैरशेषै
स्त्वं संश्रितो निरवकाशतया मुनीशः ! दोषैरुपात्तविविधाश्रय-जात-गर्वैः
स्वप्नान्तरेऽपि न कदाचिदपीक्षितोऽसि ॥ २७ ॥
उच्चैरशोक-तरु-संश्रितमुन्मयूख
माभाति रूपममलं भवतो नितान्तम्। स्पष्टोल्लसत्किरणमस्त-तमो-वितानं
बिम्बं वेरिव पयोधर-पार्श्ववर्ति ॥२८ ॥
सिंहासने मणि-मयूख-शिखा-विचित्रे
विभ्राजते तव वपुः कनकावदातम्। बिम्बं वियद्विलसदंशुलता-वितानं
तुङ्गोदयाद्रिशिरसीव सहस्र-रश्मेः ।।२९ ।।
कुन्दावदात-चल-चामर-चारु-शोभं
विभ्राजते तव वपुः कलधौत-कान्तम्। उद्यच्छशाङ्क-शुचि-निर्झर-वारि-धार
मुच्चस्तटं सुरगिरेरिव शातकौम्भम् ॥३०॥
Jain Education International
For Private & Personal Use Only
www.jainelibrary.org
