________________
१०४]
[वृहद् आध्यात्मिक पाठ संग्रह श्री शान्तिनाथ जिन-स्तुति विधाय रक्षां परत: प्रजानां
राजां चिरं योऽप्रतिम-प्रतापः। व्यधात्पुरस्तात्स्वत एव शान्ति
मुनिर्दया-मूर्तिरिवाऽघशान्तिम् ॥७६ ॥
चक्रेण यः शत्रु-भयङ्करेण
जित्वा नृपः सर्व-नरेन्द्र-चक्रम्। समाधि-चक्रेण पुनर्जिगाय
महोदयो दुर्जय-मोह-चक्रम् ॥७७॥
राज-श्रिया राजसु राज-सिंहो
रराज यो राज-सुभोग-तन्त्रः। आर्हन्त्य-लक्ष्म्या पुनरात्म-तन्त्रो
देवा सुरोदार-सभे रराज ।।७८ ॥
यस्मिन्नभूद्राजनि राज-चक्रं
मुनौ दया-दीधिति-धर्म-चक्रम्। पूज्ये मुहुः प्राञ्जलि देव-चक्रं
ध्यानोन्मुखे ध्वंसि कृतान्त-चक्रम् ॥७९॥
स्वदोष-शान्त्या विहिताऽऽत्मशान्तिः
शान्तेर्विधाता शरणं गतानाम्। भूयाद्भव-क्लेश-भयोपशान्त्यै
शान्तिर्जिनो मे भगवान् शरण्यः ॥८० ॥
Jain Education International
For Private & Personal Use Only
www.jainelibrary.org
