________________
भावसंग्रहः ।
वेद्यमेकतरं चेति कर्मप्रकृतयः स्मृताः । स्वामिनो विघ्नकारिण्यो मुक्तिकान्तासमागमे ॥ ७६६ ॥ अन्ते ह्येकतरं वेद्यमादेयत्वं च पूर्णता ।
सत्वं वादरत्वं च मनुष्यायुव सद्यशः ॥ ७६७ ॥ नृगतिश्चानुपूर्वी च सौभाग्यमुच्चगोत्रता । पंचाक्षं च तथा तीर्थकुन्नामेति त्रयोदश ॥ ७६८ ।। क्षयं नीत्वाथ लोकान्तं यावत्प्रयाति तत्क्षणे । ऊर्ध्वगतिस्वभावत्वाद्धर्मद्रव्यसहायः ॥ ७६९ ।। इत्येवं लब्धसिद्धत्व पर्यायाः परमेष्ठिनः । मुक्तिकान्ताघनाश्लेषसुखास्वादनलालसाः ।। ७७० ॥ गतिसिक्यमृषाया आकारेणोपलक्षिताः । किंचित्पूर्वांगतो न्यूनाः सर्वागेषु घनत्वतः ॥ ७७१ ॥ ऊर्ध्वभूता वसन्त्येते तनुवातान्तमस्तकाः । अभावाद्धर्मद्रव्यस्य परतो गतिवर्जिताः ।। ७७२ ॥ ज्ञातारोऽखिलतत्वानां दृष्टारथैकहेलया । गुणपर्याययुक्तानां त्रैलोक्योदरवर्तिनाम् ।। ७७३ ॥ विशुद्धा निश्चला नित्याः सम्यक्त्वाद्यष्टभिर्गुणैः । लोकमूर्ध्नि विराजन्ते सिद्धास्तेभ्यो नमो नमः ॥ ७७४ ॥ चक्रिणामहमिन्द्राणां त्रैकाल्यं यत्सुखं परम् । तदनन्तगुणं तेषां सिद्धानां समतात्मकम् ।। ७७५ ॥ यद्धयेयं यच्च कर्तव्यं यच्च साध्यं सुदुर्लभम् । चिदानन्दमय ज्योतिर्जातास्ते तत्पदं स्वयम् ॥ ७७६ ॥
१ गत सिक्थकमूषाय. ख. |
Jain Education International
२२७
For Private & Personal Use Only
www.jainelibrary.org
