________________
भावसंग्रहः
१७९
आद्योपशमसम्यक्त्वात् प्रच्युतो याति वामताम् । च्युतोऽथवा द्वितीयं स्यान्मिथ्यात्वं याति वा न वा ॥२९६॥ द्विकलम् --- आद्योपशमसम्यक्त्वरत्नाद्रेर्वा परिच्युतः । एकतरोदये जाते मध्येऽनन्तानुबन्धिनाम् ॥ २९७ ॥ समयादावलीषट्रकं कालं यावन्न गच्छति । मिथ्यात्वभूतलं जीवस्तावत्सासादनो भवेत् ।। २९८ ।। अपूर्णश्वभ्रजीवेषु लब्ध्यपर्याप्तजन्तुषु । सर्वेष्वपि न जायेत सासादनो विनिश्चितम् ॥ २९९ ॥ आहारकद्वयं तीर्थकर्तृत्वनामकर्म च । सासादनो न बध्नाति सम्यक्त्वस्य विराधनात् ॥ ३००॥ भव्यत्वोदयता तस्य सम्यक्त्वग्रहणाद्विदुः । तद्ब्रहणस्य सामर्थ्यात्कियत्कालेन सिद्धयति ॥ ३०१ ॥ पश्य सम्यक्त्वमाहात्म्यं कियत्कालाप्तिसंभवम् । ततोऽत्र भावना भव्य ! कर्तव्याहनिशं त्वया ॥ ३०२॥ सांसादनगुणस्थानं व्यवहारात्प्रकथ्यते । क्षायोपशमिको भावो मुख्यत्वेनेहःजायते ॥ ३०३ ॥
इति द्वितीयं सासादनं गुणस्थानम् ।
.. १ द्वितीयस्मात् क.। २ श्लोकाऽयं ख-पुस्तके नास्ति । ३ 'सासादनगुणस्थानं द्वितीयं' इति ख-पाठः ।
Jain Education International
For Private & Personal Use Only
www.jainelibrary.org
