________________
भावसंग्रहः
१५७.
इत्याधनेकधा शास्त्रं यत्कृतं दुष्टचेतसः ।। तदंगीकृत्य जायते जना दुर्गतिभाजनम् ॥ ६८ ॥ तत्तावत्प्राणिघातेन साधितं मांसभक्षणात् । पापं सम्पद्यते यस्माददुःखं श्वाभ्रं तदुच्यते ॥ ६९ ॥ खरशूकरमार्जारश्वानवानरगोमुखाः। वृत्तास्तिस्राश्चतुष्कोणा दुःस्पर्शा वज्रसन्निभाः ॥ ७० ॥ घंटाकारा अधोवक्त्रा दुर्गन्धास्तमसावृताः । श्वभ्रेषु पापजीवानामुत्पत्यै सन्ति योनयः ।। ७१॥ तीव्रमिथ्यात्वसंयुक्ताः प्राणिघातनतत्पराः । क्रूरा दुश्चेष्टिता जीवा उत्पद्यन्तेऽत्र योनिषु ।। ७२ ॥ अन्तर्मुहूर्तकालेन पर्याप्तीः समवाप्य षट्र । ततः पतन्ति शस्त्राग्रे स्वयमेवोत्पतन्ति च ॥ ७३ ॥ असुरा आतृतीयान्तं योधयन्ति परस्परम् । प्रयुध्यन्ते स्वयं तेऽपि ज्ञात्वा वैरं पुरातनम् ॥ ७४ ॥ यज्ञादौ निहता पूर्व छागाद्या मुष्टिघाततः। स्मृत्वा तत् प्राक्तनं वैरं भवन्ति हननोद्यताः ॥ ७५ ॥ कुन्तक्रकचशूलाद्यैर्नानाशस्त्रैस्तनूद्भवैः ।। खंडं खंडं विधायैवं प्रपीडयन्त्यहर्निशम् ॥ ७६ ॥ मृतकस्येव संघातस्तदेहेषु प्रजायते । यावदायुःस्थितिस्तेषां न तावन्मरणं भवेत् ॥ ७७ ॥ तप्तायःपिण्डमादाय संप्रदामिषोपमम् । निक्षिपन्ति मुखे तेषां विहितामिषभोजिनाम् ॥ ७८ ॥ १ च. ख. । २ पारदस्येव ।
Jain Education International
For Private & Personal Use Only
www.jainelibrary.org
