________________
२८२
षट्प्राभृतेसंसारसमुद्रे भ्रमता पर्यटता। भोयसुहकारणहं भोगसुखकारणार्थ जिव्होपस्थसंजातसुखहेतवे । कदो य तिविहेण सयलजीवाणं दशप्राणानां त्वया आहारः कृतः त्रिविधेन मनसा वाचा वपुषा चेति सकलजीवानां चातुर्गतिकप्राणिनां ।
पाणिवहेहि महाजस चउरासीलक्खजोणिमज्झम्मि । उप्पज्जंतमरंतो पत्तोसि निरंतरं दुक्खं ॥ १३३ ॥
प्राणिवधैः महायशः ! चतुरशीतिलक्षयोनिमध्ये । ____ उत्पद्यमानम्रियमाणः प्राप्तोसि निरन्तरं दुःखम् ॥ पाणिवहेहि महाजस प्राणिनां वधैः कृत्वा हे महायशः !। चउरासीलक्खजोणिमज्झम्मि चतुरशीतिलक्षयोनीनां मध्ये । उप्पज्जंतमरंतो उत्पद्यमानो म्रियमाणश्च । पत्तोसि निरंतरं दुक्खं प्राप्तोऽसि लब्धवानसि निरन्तरमविच्छिन्नं दुःखं शारीरमानसागन्तुकलक्षणं । चतुरशीतिलक्षयोनीनां विवरणनिर्देशः पूर्वोक्त एव ज्ञातव्यः ।
जीवाणमभयदाणं देह मुणी पाणभूदसत्ताणं । कल्लाणसुहनिमित्तं परंपरा तिविहसुद्धीए ॥ १३४ ॥
जीवानामभयदानं देहि मुने! प्राणभूतसत्वानाम् ।
कल्याणसुखनिमित्तं परम्परा त्रिविधशुद्धया ॥ जीवाणमभयदाणं जीवानामभयदानं । देह मुणी पाणभूदसत्ताणं हे मुने ! त्वं देहि प्रयच्छ न केवलं जीवानां अभयदानं देहि-अपि तु प्राणभूतसत्वानां । किमर्थमभयदानं देहि ? कल्लाणसुहनिमित्तं तीर्थकरनामकर्मबन्धनार्थ गर्भावतारजन्माभिषेकनिष्क्रमणज्ञाननिर्वाणपंचकल्याणसुखपरंपरानिमित्तं सुखश्रेणिकारणं अभयदानमित्यर्थः । तिविहसुद्धीए त्रिविधशुद्धया मनोवचनकायनिर्मलतया अभयदानं देहि । उक्तं च
Jain Education International
For Private & Personal Use Only
www.jainelibrary.org
