________________
शिशु एवं वृद्ध स्वास्थ्य
अस्तित्व और स्वास्थ्य १६९
वाससताउयस्स णं पुरिसस्स दस दसाओ पण्णत्ताओ, तं जहाबाला किड्डा मंदा, बला पण्णा हायणी पवंचा पब्भारा, मुम्मुही सायणी तथा ।।
(ठाणं १०/१५४)
तए णं सा धारिणी देवी तंसि अकालदोहलंसि विणीयंसि सम्माणिय दोहला तस्स गब्भस्स अणुकंपणट्ठाए जयं चिठ्ठइ जयं आसयइ जयं सुवइ आहारंपि य आहारेमाणी - नाइतित्तं नाइ कडुयं नाइ कसायं नाइअंबिलं, नाइमहुरं जं तस्स गभस्स हियमियं पत्थयं देसे य काले य आहारं आहारेमाणी, नाइचिंतं, नाइसोयं, नाइमोहं, नाइभयं नाइपरित्तासं, ववगयचिंत-सोय-मोहह-भय-परित्तासा उदु-भज्जमाणसहेहिं भोयण- च्छायण-गंध-मल्ललंकारेहिं तं गब्भं सुहंसहेणं परिवहइ |
( ज्ञाताधर्मकथा १ / ७२)
अभिक्कतं च खलु वयं संपेहाए ।
(आयारो २ / ५) वरिससयायुगस्स पुरिसस्स आयुगं तिधा करेति, ताओ पुण दस दसाओ । एक्केक्को वओ साहिया तिन्नि दसा, खणे खणे वड्ढमाणस्स छाया बलपमाणानि विसेसा भवंति, जाव चउत्थी दसा, तेण परं परिहानी; भणियं च
पंचासगस्स चक्खु, हायती मज्झिमं वयं ।
अभिक्कतं सपेहाए, ततो से एति मूढतं ॥
ततो पढमवयाओ अतीतो मज्झिमस्स एगदेसे पंचमी दसाए वट्ठणस्स इंदियाणि परिहायंति ।
( आचारांग चूर्णि 'पृष्ठ ५१ ) तए णं केसी कुमार-समणे पएसिं रायं एवं वयासी - से जहाणाम केइ पुरुषे तरुणे बलवं जुगवं जुवाणे अप्पायंके थिरग्गहत्थे दढपाणि-पाय पिट्ठतरोरुपरिणए धण-निचिय - वट्-वलिय-खंधे चम्मेट्ठग-दुघण-मुट्ठिय-समाहयनिचियगत्ते-उरस्सबल समण्णा गए तल- जमलजुयलबाहुलंघण-पवण- जइण- पमद्दण समत्थे छेए दक्खे पत्तट्ठे कुसले मेधावी निउणसिप्पोवगए णवएणं धणुणा नवियाए जीवाए नवएणं उसुणा पभू पंचकंडगं निसिरित्तए ? हंता पंभू सो चेव पुरिसे तरुणे जाव निउणसिप्पोवगए कोरिल्लएणं धणुणा कोरिल्लयाए जीवाए
Jain Education International
For Private & Personal Use Only
www.jainelibrary.org
