Page Text
________________
२९५ / श्रमण महावीर
अपेच्छंतो ताहे सो वोलेंतं गोहं सदावेत्ता वागरेति, जहिं पधावितो जं जिमितो जं पंथे दिलैं जे य सुविणगा दिट्ठा, ताहे सो आउट्टो गाम गंतुं मित्तपरिजिताण परिकहेति, सव्वहिं गामे फुसितं एस देवज्जतो उजाणे अतीतवट्टमाणाणागतं जाणति, ताहे अन्नोऽवि लोओ आगतो, सव्यस्स वागरेति, लोगो तहेव आउट्टो महिमं करेति सो लोगेण अविरहितो अच्छति, ताहे सो लोगो भणई- एत्थ अच्छंदओ नाम जाणंतओ, सिद्धत्थो भणति से ण किंचि जाणति, ताहे लोगो गंतु भणति- तुमं ण किंचि जाणसि, देवज्जतो जाणति, सो लोगमज्झे अप्पाणं ठाविउकामो भणति- एह जामो, जदि मज्झ जाणति, ताहे लोगेण परिवारितो एति, भगवतो पुरतो द्वितो तणं गहाय भणति- किं एतं छिज्जिहिति? जई भणिहिइ तो ण छिंदिस्सं, अह भणिहिति णवि तो छिंदिस्सामि। ...एवं तस्स (अच्छंदगस्स) उड्डाहो जातो जहा तस्स कोऽवि भिक्खंपि ण देति, ताहे सो अप्पसागारियं आगतो भणति-भगवं! तुब्भे अण्णत्थवि जुज्जह, अहं कहिं जामि? ताहे अचियत्तग्गहो त्ति काऊण सामी निग्गतो। १. आवश्यकचूर्णि, पूर्वभाग, पृ० २८०, २८१ : ततो सुरभिपुरं गतो, तत्थ गंगा उत्तरियव्विया, तत्थ सिद्धजत्तो णाम णाविओ, खेमिलो नेमित्तियो, तत्थ य णावाए लोगो विलग्गति, तत्थ व कोसिएण महासउणेण वासितं, तत्थ सो नेमित्तिओ वागरेति- जारिसं सउणेण भणियं तारिसं अम्हेहि मारणंतियं पावियव्वं, किं पुण इमस्स महरिसिस्स पभावेण मुच्चीहामो, सा य णावा पहाविता,... सो संवट्टगवातं विउव्वित्ता णावं उब्बोलेतुं इच्छति... ततो सामीवि उत्तिनो। २. आवश्यकचूर्णि, पूर्वभाग, पृ० २८८ : ताहे सामी हलेदुता णाम गामो तं गतो, तत्थ महतिमहप्पमाणो हलेदगरुक्खो, तत्थ सावत्थीओ अन्नो लोगो एतो तत्थ वसति सत्थनिवेसो, तत्थ सामी पडिमं ठितो, तेहिं सथिएहिं रत्ति सीयकाले अग्गी जालिओ, ते पभाए संते उद्वेता गया सो अग्गी तेहिं न विज्ञाविओ, सो डहंतो २ सामिस्स पासं गतो, सो भगवं परितावेति, गोसालो भणति-भगवं णासह एस अग्गी एइ, सामिस्स पादा दड्ढा गोसालो णट्ठो। १. आयारो ९।२।१३-१६ : जंसिप्पेगे पवेयंति, सिसिरे मारुए पवायंते। तंसिप्पेगे अणगारा, हिमवाए णिवायमेसंति ।। संघाडिओ पविसिस्सामो, एहा य समादहमाणा॥ पिहिया वा सक्खामो, अतिदुक्खं हिमग-संफासा॥ तंसि भगवं अपडिण्णे, अहे वियडे अहियासए दविए। णिक्खम्म एगदा राओ, चाइए भगवं समियाए। एस विही अणुकंतो, माहणेण मईमया। 'अपडिण्णेण वीरेण, कासवेण महेसिणा ।।' २. आवश्यकचूर्णि, पूर्वभाग, पृ० २७९, २८० : पच्छा सेयवियं गतो, तत्थ पएसी राया समणोवासए, सो महेति सकारेति, ततो सुरभिपुरं वच्चति, तत्थ अंतराए णेज्जगा रायाणो पंचहिं रहेहिं एंति पएसिस्स रन्नो पासं, तेहिं तत्थ गतेहिं सामी पूतितो य वंदितो
६९.
य।
Jain Education International
For Private & Personal Use Only
www.jainelibrary.org
| SR No. | 003046 |
| Book Title | Shraman Mahavira |
| Original Sutra Author | N/A |
| Author | Mahapragna Acharya |
| Publisher | Jain Vishva Bharati |
| Publication Year | 2003 |
| Total Pages | 334 |
| Language | Sanskrit |
| Classification | Book_Devnagari & History |
| File Size | 13 MB |