________________
धणिट्ठा णं चउद्दस अहोरत्ते णेइ, सयभिसया सत्त अहोरत्ते णेइ, पुब्बाभदवया अट्ठ अहोरत्ते णेइ, उत्तराभहवया एगे।
तंसि च णं मासंसि अटुंगुलपोरिसीए छायाए सूरिए अणुपरियट्टइ। तस्स मासस्स चरिमे दिवसे दो पया अट्ठ य अंगुला पोरिसी भवइ। [३] वासाणं भन्ते ! तइअं मासं कइ णक्खत्ता ऐति ? [उ. ] गोयमा ! तिण्णि णक्खत्ता ऐति, तं जहा-उत्तराभहवया, रेवई, अस्सिणी। उत्तरभद्दवया चउद्दस राइदिए णेइ, रेवई पण्णरस, अस्सिणी एगं। तंसि च णं मासंसि दुवालसंगुलपोरिसीए छायाए सूरिए अणुपरिअट्टइ। तस्स णं मासस्स चरिमे दिवसे लेहवाइं तिण्णि पयाई पोरिसी भवइ। [प्र. ४ ] वासाणं भन्ते ! चउत्थं मासं कति णक्खत्ता ऐति ? [उ. ] गोयमा ! तिण्णि-अस्सिणी, भरणी, कत्तिआ। अस्सिणी चउद्दस, भरणी पन्नरस, कत्तिआ एगें। तंसि च णं मासंसि सोलसंगुलपोरिसीए छायाए सूरिए अणुपरिअट्टइ। तस्स णं मासस्स चरमे दिवसे तिण्णि पयाइं चत्तारि अंगुलाई पोरिसी भवइ। [प्र. ५ ] हेमन्ताणं भन्ते ! पढमं मासं कति णक्खत्ता ऐति ? [उ. ] गोयमा ! तिण्णि-कत्तिआ, रोहिणी, मिगसिरं। कत्तिआ चउद्दस, रोहिणी पण्णरस, मिगसिरं एगं अहोरत्तं णेइ। तंसि च णं मासंसि वीसंगुलपोरिसीए छायाए सूरिए अणुपरिअट्टइ।
तस्स णं मासस्स जे से चरिमे दिवसे तंसि च णं दिवसंसि तिण्णि पयाइं अट्ठ य अंगुलाई पोरिसी भवइ।
[प्र. ६ ] हेमन्ताणं भन्ते ! दोच्चं मासं कति णक्खत्ता ऐति ? [उ. ] गोयमा ! चत्तारि णक्खत्ता ऐति, तं जहा-मिअसिरं, अद्दा, पुणव्वसू, पुस्सो। मिअसिरं चउद्दस राइंदिआई णेइ, अद्दा अट्ठ णेइ, पुणबसू सत्त राइंदिआई, पुस्सो एग राइंदिअंणेइ। तया णं चउब्बीसंगुलपोरिसीए छायाए सूरिए अणुपरिअट्टइ। तस्स णं मासस्स जे से चरिमे दिवसे तंसि च णं दिवसंसि लेहवाइं चत्तारि पयाई पोरिसी भवइ। [प्र. ७ ] हेमन्ताणं भन्ते ! तच्चं मासं कति णक्खत्ता णेति ? [उ. ] गोयमा ! तिण्णि-पुस्सो, असिलेसा, महा।
जम्बूद्वीप प्रज्ञप्ति सूत्र
(560)
Jambudveep Praynapti Sutra
B555555555555555555555555555555553
Jain Education International
For Private & Personal Use Only
www.jainelibrary.org
