________________
(iii) से किं तं चरित्तविणए ?
चरित्तविणए पंचविहे पण्णत्ते। तं जहा-१. सामाइयचरित्तविणए, २. छेदोवट्ठावणियचरित्तविणए, ३. परिहारविसुद्धिचरित्तविणए, ४. सुहुमसंपरायचरित्तविणए, ५. अहक्खाय-चरित्तविणए, से तं चरित्तविणए।
(iv) से किं तं मणविणए ? मणविणए दुविहे पण्णत्ते। तं जहा-१. पसत्थमणविणए, २. अपसत्थमणविणए। से किं तं अपसत्थमणविणए ?
अपसत्थमणविणए जे य मणे १. सावज्जे, २. सकिरिए, ३. सकक्कसे, ४. कडुए, ५. णिटुरे, ६. फरुसे, ७. अण्हयकरे, ८. छेयकरे, ९. भेयकरे, १०. परितावणकरे, ११. उद्दवणकरे, १२. भूओवघाइए, तहप्पगारं मणो णो पहारेज्जा, से तं अपसत्थमणोविणए।
से किं तं पसत्थमणोविणए ? पसत्थमणोविणए तं चेव पसत्थं णेयव्यं । एवं चेव वइविणओवि एएहि पएहिं चेव णेयव्यो, से तं वइविणए। (v) से किं तं कायविणए ? कायविणए दुविहे पण्णत्ते। तं जहा-१. पसत्थकायविणए, २. अपसत्थकायविणए। से किं तं अपसत्थकायविणए ?
अपसत्थकायविणए सत्तविहे पण्णत्ते। तं जहा-१. अणाउत्तं गमणे, २. अणाउत्तं ठाणे, ३. अणाउत्तं निसीदणे, ४. अणाउत्तं तुयट्टणे, ५. अणाउत्तं उल्लंघणे, ६. अणाउत्तं पलंघणे, ७. अणाउत्तं सब्बिंदिय-कायजोगजुंजणया, से तं अपसत्थकायविणए।
(vi) से किं तं पसत्थकायविणए ? .
पसत्थकायविणए एवं चेव पसत्थं भाणियव्यं। से तं पसत्थ कायविणए, से तं कायविणए।
(vii) से किं तं लोगोवयारविणए ?
समवसरण अधिकार
(99)
Samavasaran Adhikar
AON
Jain Education International
For Private & Personal Use Only
www.jainelibrary.org
