Page Text
________________
धर्मोपदेशमालायाम् पायंगुट्ठय-मुदिउ त्ति काउंणाओ जहा सामि-लेहो । पणमिऊण य विहाडिओ । कि व(च) सारभूयं लिहियं ? ति । अवि य
"तुज्झ विओयानल-ताविएहिं जं किंचि दुक्खमम्हेहिं ।
पत्तं तं मा रिउणो सुमिणे वि लहंतु ते वच्छ ! ॥ __ता जइ इच्छसि दटुं अम्हे जीवंतए तओ तुरियं ।
आगच्छिञ्जसु गुणनिहि ! किमेत्थ बहुणा पलत्तेण ? ॥" ततो गहिय-लेहत्थं विमणं पिय[य]में पुलइऊण भणियमनियाए - 'अजउत्त ! किं कुसलं गुरूणं ?' तेण भणियं- 'पिए ! केयारिसं कुसलं ?, जाण अम्हारिसा कुल-कलंक
भूया तणया' । ततो घेत्तूण लेहं वाइउमाढत्ता । मुणिय-लेहत्थाए य भणिओ दइओ: 'अज-उत्त! मा जूरसु, तहा करेमि, जहा तुरियं पेच्छसि गुरुणो' । लेहत्थ-कहण-पुत्वयं
च भणिय(ओ) भाया सह सेस-बंधवेहिं- 'जहा पट्टवेसु अजउत्तं मए सह, जेण पिच्छइ सिणेह-कायरे जणणि-जणए । तओ पसत्थ-वासरे महावेच्छड्डेण पट्टविओ अनियाए सह । अद्धपहे य पसूया देव-कुमार-पडिमं दारयं । कयमुचियं करणिज्जं । गुरुणो घरं गयस्स
दारय-नाम काहिस्सं ति परियणो अभिरमावंतो 'अनिय-पुत्तं' वाहरइ । कमेण य पत्ताणि 15 गेहं । अन्नं कयं पि नाम ण सिद्धिमुवगयं । वड्डतो य संपत्तो जोवणं सह कला-कला
वेण य । मुणिय-जिण-वयणो य संसार-भयुधिग्गो अणासाइय-विसय-संगो महाविभूईए' निक्खंतो अंनिया-पुत्तो त्ति ।
"धन्नो अन्निय-पुत्तो जो विसय-सुहाई णरय-मूलाई ।
मोत्तूणं पवइओ सासय-सोक्खस्स तण्हाए ॥" 2. परिणय-णाण-दंसण-चरणो य कालंतरेण जाओ सूरी । विहरंतो य गच्छ-परिवारो पत्तो
पुप्फभदं णाम नयरं । तत्थ पुप्फकेऊ राया, पुप्फबई से भारिया । पसत्थ-सुमिणयसूइयं पसूया एसा जमल-मिहुणयं । पइट्टियं दारगस्स पुप्फचूलो नाम, कुमारियाए पुप्फ-चूल त्ति । वड्डिया देहोवचएणं जोवणं कला-कलावा[इ]एहिं । संपत्त-जोवणं
अण्णोण्णाणुरत्तं जाणिऊण चिंतियं पुप्फकेउणा-हंत! जइ परोप्परमि[मं] मिहुणर्य 25 विओइजइ, ता नूणं पाणे परिचयइ । अन्न-"दियहमि मेलिऊण णागरया भणियं
राइणा- 'भो भो ! जाणि अंतेउरे रयणाणि उप्पजंति, ताण को पहू हवइ ?' । तओ अजाणिऊण से भावत्थं भणि नागरएहिं - 'देव ! चिट्ठउ अंतेउरं, जमेत्थ विसए वि उप्पज्जइ, तस्स देवो सामी' । 'जइ एवं, ता उप्पनमिमं पुरिसित्थि-रयण-जुयलं रइ-काममिहुणय" पिव मिहुणयं काहामो' । ततो विलक्खीभूया गया नियय-ठाणेसु नींगरया । विवाहावियं मिहुणयं पि अन्नोन्नाणुराग-रत्तं भोगे अँजिउं पयत्तं । अन्न-दियहम्मि भणियं पुप्फचूलाए - 'अजउत्त ! पढसु किंचि" पण्होत्तरं' । तेण भणियं- 'पिए!
१ क. "णि द°। २ क. °दु। ३ क. यं। ४ क. च्छि°। ५ क. टि। ६ क. "ठवए। ७ क. जाण°। ८ क. परे । ९ क. °व्व। १० क. वि°। ११ क. °थं का। १२ क, माग । १३ क. हंपि। १४ क. वि।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |